ಕಾಳಹಸ್ತಿಯಲ್ಲಿ ನಾಗಚೈತನ್ಯ, ಅನುಷ್ಕಾ ನಾಗಪೂಜೆ

ಈ ಹಿಂದೆಮ್ಮೊ ಇವರಿಬ್ಬರೂ ಗುಟ್ಟಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿ ಹರಿದಾಡಿ ಭಾರಿ ಗದ್ದಲಕ್ಕೆ ಕಾರಣವಾಗಿತ್ತು. ಆದರಿದು ಕೇವಲ ವದಂತಿ ಅಷ್ಟೇ ಎಂಬುದು ಬಳಿಕ ಗೊತ್ತಾಗಿ ಎಲ್ಲವೂ ತಣ್ಣಗಾಗಿತ್ತು.

ಈಗ ಮತ್ತೊಮ್ಮೆ ಇಬ್ಬರೂ ಶ್ರೀಕಾಳಹಸ್ತಿಯಲ್ಲಿ ಕಾಣಿಸಿಕೊಳ್ಳುವ ಮೂಲಕ ಮತ್ತೆ ಸುದ್ದಿಯಾಗಿದ್ದಾರೆ. ಇಬ್ಬರೂ ಕಾಳಹಸ್ತಿಗೆ ಭೇಟಿ ನೀಡಿ ಪ್ರತ್ಯೇಕವಾಗಿ ಪೂಜೆ ಮಾಡಿಸಿಕೊಂಡಿದ್ದಾರೆ. ಆದರೆ ಇಬ್ಬರೂ ಒಂದೇ ದಿನ ದೇವಸ್ಥಾನಕ್ಕೆ ಭೇಟಿ ನೀಡಿರುವುದು ಕೇವಲ ಕಾಕತಾಳೀಯವಷ್ಟೇ ಎನ್ನಲಾಗಿದೆ.

ದೇವಸ್ಥಾನಕ್ಕೆ ಬಂದರೂ ಈ ಮಾಧ್ಯಮದವರಿಂದ ನೆಮ್ಮದಿ ಸಿಗದಂತಾಗಿದೆ ಎಂದು ಅನುಷ್ಕಾ ಕೋಪಿಸಿಕೊಂಡ ಘಟನೆಯೂ ನಡೆಯಿತು. ಏತನ್ಮಧ್ಯೆ ಅನುಷ್ಕಾ ಅಭಿಮಾನಿಗಳು ಆಕೆಯೊಂದಿಗೆ ಫೋಟೋ ತೆಗೆಸಿಕೊಳ್ಳಲು ಮುಂದಾದರು. ಈ ಸಂದರ್ಭದಲ್ಲಿ ನೂಕು ನುಗ್ಗಲು ಸಂಭವಿಸಿತು. ಎಚ್ಚೆತ್ತುಕೊಂಡ ಆಲಯ ಸಿಬ್ಬಂದಿ ಪರಿಸ್ಥಿತಿಯನ್ನು ತಹಬಂದಿಗೆ ತರಲು ಹರಸಾಹಸ ಪಡಬೇಕಾಯಿತು.