ಮುಖಪುಟ

ಸಿನಿ ಸಮಾಚಾರ

Recommended Video

ಕನ್ನಡ ಚಿತ್ರರಂಗದ ಸಾರ್ವಕಾಲಿಕ ದಾಖಲೆಯ ಸಿನಿಮಾ 'ನಾಗರಹಾವು' ಇಂದು ಮತ್ತೆ ಮರು ಬಿಡುಗಡೆಯಾಗುತ್ತಿದೆ. ರಾಜ್ಯದ ನೂರಕ್ಕೂ ಹೆಚ್ಚು ಚಿತ್ರಮಂದಿರದಲ್ಲಿ ಇಂದು ಸಿನಿಮಾ ಬಿಡುಗಡೆಯಾಗಲಿದೆ. ಕೆಲವು ಚಿತ್ರಮಂದಿರಗಳಲ್ಲಿ ಬೆಳಗ್ಗೆ 6 ಗಂಟೆಗೆ ಮೊದಲ ಪ್ರದರ್ಶನ ಶುರು ಆಗಿದೆ.

ಸಾಮಾನ್ಯವಾಗಿ ಬಹುನಿರೀಕ್ಷೆಯ ಹೊಸ ಸಿನಿಮಾಗಳು ಬೆಳಂಬೆಳಗ್ಗೆ ಬಿಡುಗಡೆಯಾಗುತ್ತವೆ. ಆದರೆ, 45 ವರ್ಷದ ಹಿಂದಿನ ಸಿನಿಮಾ ಇಂದಿಗೂ ತಮ್ಮ ಕ್ರೇಜ್ ಕಾಪಾಡಿಕೊಂಡಿದೆ. ಬೆಂಗಳೂರಿನ ತಾವರೆಕೆರೆಯ ಬಾಲಾಜಿ ಚಿತ್ರಮಂದಿರದಲ್ಲಿ ಬೆಳಗ್ಗೆ ಆರು ಗಂಟೆಗೆ ಮೊದಲ ಪ್ರದರ್ಶನ ಪ್ರಾರಂಭ ಆಗಿದ್ದು, ಅಭಿಮಾನಿಗಳು ಚಿತ್ರಮಂದಿರದಲ್ಲಿ ಹಬ್ಬ ಮಾಡುತ್ತಿದ್ದಾರೆ.

ರಾಮಾಚಾರಿ ತೆರೆ ಮೇಲೆ ಬಂದಾಗ ಅಭಿಮಾನಿಗಳ ಮನದಲ್ಲಿ ಆಗುವ ಸಂತೋಷಕ್ಕೆ ಲೆಕ್ಕವೇ ಇಲ್ಲ. ಇನ್ನು ಇಡೀ ಚಿತ್ರಮಂದಿರವೆ ಚಪ್ಪಾಳೆ, ಶಿಳ್ಳೆ ಹೊಡೆಯುತ್ತಿದೆ. ಉಳಿದಂತೆ, ಗಾಂಧಿನಗರದ 'ನರ್ತಕಿ' ಚಿತ್ರಮಂದಿರದಲ್ಲಿ ಮಾರ್ನಿಂಗ್ ಶೋ ಟಿಕೆಟ್ ಈಗಾಗಲೇ ಸೋಲ್ಡ್ ಔಟ್ ಆಗಿದೆ.

ಅಂದಹಾಗೆ, 'ನಾಗರಹಾವು' ಸಿನಿಮಾವನ್ನು ವೀರಸ್ವಾಮಿ ಅವರು ನಿರ್ಮಾಣ ಮಾಡಿದ್ದು, ಅವರ ಪುತ್ರರಾದ ರವಿಚಂದ್ರನ್ ಹಾಗೂ ಬಾಲಾಜಿ ಚಿತ್ರವನ್ನು ಮತ್ತೆ ರಿಲೀಸ್ ಮಾಡುತ್ತಿದ್ದಾರೆ. ಹೊಸ ತಂತ್ರಜ್ಙಾನದ ಸಿನಿಮಾವನ್ನು ಇಂದಿನ ಪೀಳಿಗೆಯೂ ಅಪ್ಪಿಕೊಂಡಿದೆ. ಪುಟ್ಟಣ್ಣ ಕಣಗಾಲ್ ಅವರ ಈ ಸಿನಿಮಾ ಇಂದಿಗೂ ಅದ್ಬುತ ಸೃಷ್ಟಿಸುತ್ತಿದೆ.

'ನಾಗರಹಾವು' ವಿಷ್ಣುವರ್ಧನ್ ನಾಯಕನಾಗಿ ನಟಿಸಿದ ಮೊದಲ ಸಿನಿಮಾವಾಗಿದೆ. ಚಿತ್ರದಲ್ಲಿ ಅಂಬರೀಶ್, ಆರತಿ, ಕೆ.ಎಸ್.ಅಶ್ವತ್, ಶುಭಾ, ಲೀಲಾವತಿ, ಶಿವರಾಂ ನಟಿಸಿದ್ದರು.