ಕೋಮಲ್ ಕುಮಾರ್ ಗೆ 'ನಮೋ' ಎಂದ ಪ್ರೇಕ್ಷಕ

ಹಾಸ್ಯನಟ ಕೋಮಲ್ ಕುಮಾರ್ ಅವರನ್ನು ಪ್ರೇಕ್ಷಕ ಪ್ರಭುಗಳು ಈ ವರ್ಷ ಸರಾಸಗಟಾಗಿ ತಿರಸ್ಕರಿಸಲು ಹೋಗಿಲ್ಲ. ಈ ವರ್ಷ ಅವರಿಗೆ ಮಿಶ್ರ ಪ್ರತಿಫಲ. 'ಕರೋಡ್ ಪತಿ' ಹಾಗೂ 'ಪುಂಗಿದಾಸ' ಚಿತ್ರಗಳು ನಿರೀಕ್ಷಿತ ಮಟ್ಟದಲ್ಲಿ ಯಶಸ್ಸು ಸಾಧಿಸಲಿಲ್ಲ. ಆದರೆ 'ನಮೋ ಭೂತಾತ್ಮ' ಚಿತ್ರ ಮಾತ್ರ ನಿರೀಕ್ಷೆ ಮೀರಿ ಒಳ್ಳೆಯ ಫಸಲು ತಂದುಕೊಟ್ಟಿದೆ.

ಈ ಮೂಲಕ ಸಂಕ್ರಾಂತಿಯ ಸುಗ್ಗಿ ಸಂಭ್ರಮವನ್ನು ಇನ್ನಷ್ಟು ಹೆಚ್ಚಿಸಿದೆ. ಅವರ ಅಭಿಯದ 'ನಮೋ ಭೂತಾತ್ಮ' ಚಿತ್ರ ಅರ್ಧ ಶತಕ ಪೂರೈಸಿದ್ದು ಎಲ್ಲೆಡೆಯಿಂದಲೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಹಾರರ್ ಕಾಮಿಡಿ ಚಿತ್ರಕ್ಕೆ ಪ್ರೇಕ್ಷಕರು ಕ್ಲೀನ್ ಬೌಲ್ಡ್ ಆಗಿದ್ದಾರೆ. [ನಮೋ ಭೂತಾತ್ಮ ಚಿತ್ರ ವಿಮರ್ಶೆ]

ಹಾಗಂತ 'ನಮೋ ಭೂತಾತ್ಮ' ಚಿತ್ರವೇನು ಸ್ವಮೇಕ್ ಅಲ್ಲ. ತಮಿಳಿನ 'ಯಾಮಿರುಕ್ಕ ಭಯಮೇ' ಚಿತ್ರದ ನೆರಳಚ್ಚು. ಟೆಲಿಮಾರ್ಕೆಟರ್ ಒಬ್ಬನ ರೋಚಕ ಕಥೆಯೇ ನಮೋ ಭೂತಾತ್ಮ. ಒಂದೇ ವಾರದಲ್ಲಿ ಚಿತ್ರ ಬಾಕ್ಸ್ ಆಫೀಸಲ್ಲಿ ಸಖತ್ ಸದ್ದು ಮಾಡಿತ್ತು. (ಫಿಲ್ಮಿಬೀಟ್ ಕನ್ನಡ)