'ನಟಸಾರ್ವಭೌಮ'ನ ಪಾಲಿಗೆ ನಿಜವಾದ ವಿಲನ್ ಆದ ತಮಿಳು ರಾಕರ್ಸ್

ತಮಿಳು ರಾಕರ್ಸ್ ಗೆ ಬಲಿಯಾದ ನಟಸಾರ್ವಭೌಮ

ಹೊಸ ಹೊಸ ಸಿನಿಮಾಗಳು ಬಿಡುಗಡೆಯಾಗದ ಕೆಲವೇ ಗಂಟೆಗಳಲ್ಲಿ ಇಡೀ ಚಿತ್ರವನ್ನೇ ಪೈರಸಿ ಮಾಡುವ ಹಲವು ವೆಬ್ ಸೈಟ್ ಗಳಿವೆ. ಅದರಲ್ಲೂ ತಮಿಳು ರಾಕರ್ಸ್ ಎಂಬ ಕುಖ್ಯಾತ ವೆಬ್ ಸೈಟ್ ಈಗ ಕನ್ನಡ ಚಿತ್ರವೊಂದಕ್ಕೆ ಕಂಟಕವಾಗಿದೆ. ಪುನೀತ್ ಅಭಿನಯದ ನಟಸಾರ್ವಭೌಮ ಇಡೀ ಚಿತ್ರವನ್ನ ವೆಬ್ ಸೈಟ್ ನಲ್ಲಿ ಹರಿಯಬಿಟ್ಟಿದ್ದಾರೆ.

25ನೇ ದಿನಕ್ಕೆ ಸಿನಿಮಾ ಲೀಕ್

ಸಾಮಾನ್ಯವಾಗಿ ಕನ್ನಡ ಸಿನಿಮಾಗಳು ಪೈರಸಿಗೆ ಸಿಲುಕುವುದು ಬಹಳ ಅಪರೂಪ. ನಟಸಾರ್ವಭೌಮ ಸಿನಿಮಾ ಈಗಷ್ಟೇ 25 ದಿನ ಪೂರೈಸಿ ಮುನ್ನಗ್ಗುತ್ತಿದೆ. ಅಷ್ಟರಲ್ಲೇ ಚಿತ್ರವನ್ನ ಆನ್ ಲೈನ್ ನಲ್ಲಿ ಕಿಡಿಗೇಡಿಗಳು ಹರಿಯಬಿಟ್ಟಿದ್ದಾರೆ, ಇದು ನಿಜಕ್ಕೂ ಖಂಡನೀಯ ಮತ್ತು ಚಿತ್ರರಂಗಕ್ಕೆ ಮಾರಕ.

ಚಿತ್ರತಂಡದ ಗಮನಕ್ಕೆ ಬಂದಿಲ್ವಾ?

ಚಿತ್ರಮಂದಿರಗಳಲ್ಲಿ ಇನ್ನೂ ನಟಸಾರ್ವಭೌಮ ಸಿನಿಮಾ ಪ್ರದರ್ಶನವಾಗ್ತಿದೆ. 25ನೇ ದಾಟಿದಕ್ಕೆ ಸಂಭ್ರಮ ಅಂತಾ ಚಿತ್ರತಂಡ ಸುತ್ತಾಡ್ತಿದೆ. ಆದ್ರೆ, ಈ ಕಡೆ ಇಡೀ ಸಿನಿಮಾವನ್ನ ಪೈರಸಿ ಮಾಡಿದ್ರ ಬಗ್ಗೆ ಯಾರೂ ತಲೆಕೆಡಿಸಿಕೊಂಡಿಲ್ವಾ? ಯಾಕೆ ಈ ಅಸಡ್ಡೆ? ಮೊಬೈಲ್ ನಲ್ಲಿ ಡೌನ್ ಲೌಡ್ ಮಾಡಿ ಸಿನಿಮಾ ನೋಡುವಂತಹ ವ್ಯಕ್ತಿಗಳು ಹೆಚ್ಚಾಗಿದ್ದಾರೆ. ಇದನ್ನ ತಡೆಯೋದು ಹೇಗೆ?

ಚಿತ್ರಮಂದಿರದಲ್ಲೇ ನೋಡಿ

ಪೈರಸಿ ವಿಷ್ಯದಲ್ಲಿ ನಿಜಕ್ಕೂ ಕನ್ನಡ ಚಿತ್ರರಂಗ ಶಕ್ತಿಶಾಲಿಯಾಗಿದೆ. ಅಲ್ಲೊಂದು ಇಲ್ಲೊಂದು ಚಿತ್ರವನ್ನ ಹೀಗೆ ಪೈರಸಿ ಮಾಡ್ತಾರೆ, ದಯವಿಟ್ಟು ಇಂತಹದನ್ನ ಪ್ರೋತ್ಸಾಹಿಸಬೇಡಿ. ಚಿತ್ರಮಂದಿರದಲ್ಲೇ ಸಿನಿಮಾ ನೋಡಿ. ಇದನ್ನ ನಮ್ಮ ಫಿಲ್ಮಿಬೀಟ್ ಕನ್ನಡ ವೆಬ್ ಸೈಟ್ ಕೂಡ ಬೆಂಬಲಿಸುವುದಿಲ್ಲ.