'ನಟಸಾರ್ವಭೌಮ' ಆಡಿಯೋ ಬಿಡುಗಡೆ ಶೋನಲ್ಲಿ ಏನೆಲ್ಲಾ ಇರುತ್ತೆ?

ಯುವರಾಜ್ ಕುಮಾರ್ ಡ್ಯಾನ್ಸ್

ನಟಸಾರ್ವಭೌಮ ಚಿತ್ರದ ಆಡಿಯೋ ಲಾಂಚ್ ಗೆ ಮೆರುಗು ನೀಡಿದ್ದು ಯುವರಾಜ್ ಕುಮಾರ್ ಡ್ಯಾನ್ಸ್. ಇದೇ ಮೊದಲ ಬಾರಿಗೆ ಕಾರ್ಯಕ್ರಮವೊಂದರಲ್ಲಿ ರಾಜ್ ಮೊಮ್ಮಗ ಹೆಜ್ಜೆಹಾಕಿದ್ದಾರೆ. ಡಾ ರಾಜ್ ಮತ್ತು ರಾಜ್ ಪುತ್ರರಾದ ಶಿವಣ್ಣ, ಪುನೀತ್, ರಾಘಣ್ಣ ಚಿತ್ರದ ಹಾಡುಗಳಿಗೆ ಯುವರಾಜ ನೃತ್ಯ ಮಾಡಿದ್ರು. ಇದು ಕಾರ್ಯಕ್ರಮದ ಬಹುದೊಡ್ಡ ಹೈಲೈಟ್.

ವಿಜಯ ಪ್ರಕಾಶ್ ಗಾನ ಸುಧೆ

ಗಾಯಕ ವಿಜಯ ಪ್ರಕಾಶ್ ಮತ್ತು ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಒಬ್ಬರು ವೇದಿಕೆ ಮೇಲೆ ಬೊಂಬೆ ಹೇಳುತೈತೆ ಹಾಡನ್ನ ಹೇಳಿದರು. ಇದು ಆಡಿಯೋ ಶೋಗೆ ಮತ್ತಷ್ಟು ಜೋಶ್ ಹೆಚ್ಚಿಸಿದೆ.

ರಚಿತಾ ಸೂಪರ್ ಡ್ಯಾನ್ಸ್

ಇನ್ನು ನಟಸಾರ್ವಭೌಮ ಚಿತ್ರದ ನಾಯಕಿ ರಚಿತಾ ರಾಮ್ ಭರ್ಜರಿ ಡ್ಯಾನ್ಸ್ ಪ್ರೇಕ್ಷಕರಿಗೆ ಕಿಕ್ ನೀಡುತ್ತೆ. ದೊಡ್ಮನೆ ನಟೆ ಹಾಡುಗಳಿಗೆ ಸ್ಪಾಟ್ ನಲ್ಲೇ ಕುಣಿದ ರಚಿತಾ ಅವರ ಟಪ್ಪಾಂಗುಚ್ಚಿ ಸಖತ್ ಆಗಿತ್ತು.

ಪುನೀತ್ ಎಂಟ್ರಿ ಮತ್ತು ಡ್ಯಾನ್ಸ್

ಇನ್ನು ಅಂತಿಮವಾಗಿ ಪುನೀತ್ ರಾಜ್ ಕುಮಾರ್ ಎಂಟ್ರಿ, ಡ್ಯಾನ್ಸ್, ಡೈಲಾಗ್, ಹಾಡು ನಟಸಾರ್ವಭೌಮ ಆಡಿಯೋ ಕಾರ್ಯಕ್ರಮದ ಮೇನ್ ಅಟ್ರ್ಯಾಕ್ಷನ್. ಇದೆಲ್ಲವೂ ಸೇರಿ ಹುಬ್ಬಳ್ಳಿಯ ವೇದಿಕೆ ರಂಗೇರಿದೆ. ಇದಕ್ಕೆ ಸಾವಿರಾರು ಜನರು ಸಾಕ್ಷಿಯಾಗಿದ್ದಾರೆ.