ಸೆನ್ಸಾರ್ ನಲ್ಲಿ ಪಾಸ್ ಆದ ಅಪ್ಪು : ಸಿನಿಮಾ ಎಷ್ಟು ನಿಮಿಷ ಇದೆ?

Recommended Video

ಈ ವರ್ಷದ ಬಹು ನಿರೀಕ್ಷಿತ ಸಿನಿಮಾಗಳ ಸಾಲಿಗೆ ನಿಲ್ಲುವ 'ನಟ ಸಾರ್ವಭೌಮ' ಮುಂದಿನ ತಿಂಗಳು ಬಿಡುಗಡೆಯಾಗುತ್ತಿದೆ. ಸದ್ಯ ಸೆನ್ಸಾರ್ ಪರೀಕ್ಷೆಯಲ್ಲಿ ಪುನೀತ್ ರಾಜ್ ಕುಮಾರ್ ಪಾಸ್ ಆಗಿದ್ದಾರೆ.

'ನಟ ಸಾರ್ವಭೌಮ' ಸಿನಿಮಾಗೆ ಯು ಎ ಪ್ರಮಾಣ ಪತ್ರ ಸಿಕ್ಕಿದೆ. ಯಾವುದೇ ಕಟ್ ಮತ್ತು ಮ್ಯೂವ್ಟ್ ಇಲ್ಲದೆ, ಸಿನಿಮಾ ಸೆನ್ಸಾರ್ ಅಧಿಕಾರಿಗಳ ಮನ ಗೆದ್ದಿದೆ. ಸಿನಿಮಾದ ಅವಧಿ 155 ನಿಮಿಷ ಅಂದರೆ 2 ಗಂಟೆಗೆ 35 ನಿಮಿಷ ಇದೆ. 'ನಟ ಸಾರ್ವಭೌಮ' ಪಕ್ಕಾ ಫ್ಯಾಮಿಲಿ ಹಾಗೂ ಆಕ್ಷನ್ ಸಿನಿಮಾವಾಗಿದೆ.

ಸಿನಿಮಾದ ಆಡಿಯೋ ರಿಲೀಸ್ ಈಗಾಗಲೇ ಆಗಿದ್ದು, ಹಾಡುಗಳಿಗೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ. 'ಡ್ಯಾನ್ಸ್ ವಿತ್ ಅಪ್ಪು..' ಹಾಗೂ 'ಓಪನ್ ದ ಬಾಟೆಲ್' ಹಾಡುಗಳು ಎಲ್ಲರನ್ನು ಕುಣಿಯುವಂತೆ ಮಾಡಿದೆ. ನಿನ್ನೆ ಚಿತ್ರದ 'ಯಾರೋ ನೀನು..' ಹಾಡಿನ ಲಿರಿಕಲ್ ವಿಡಿಯೋ ಬಿಡುಗಡೆಯಾಗಿದೆ.

ಅಂದಹಾಗೆ, ಸಿನಿಮಾ ಫೆಬ್ರವರಿ 7 ರಂದು ಬಿಡುಗಡೆಯಾಗುತ್ತಿದೆ. ಈ ಮೂಲಕ ಈ ವರ್ಷ ರಿಲೀಸ್ ಆದ ಮೊದಲ ಬಿಗ್ ಸಿನಿಮಾ ಇದಾಗುತ್ತಿದೆ. ಪವನ್ ಒಡೆಯರ್ ಸಿನಿಮಾದ ನಿರ್ದೇಶನ ಮಾಡಿದ್ದಾರೆ. ರಾಕ್ ಲೈನ್ ವೆಂಕಟೇಶ್ ಅದ್ದೂರಿಯಾಗಿ ಚಿತ್ರವನ್ನ ನಿರ್ಮಿಸಿದ್ದಾರೆ.

ರಚಿತಾ ರಾಮ್ ಹಾಗೂ ಅನುಪಮ ಪರಮೇಶ್ವರನ್ ಅಪ್ಪುಗೆ ಜೋಡಿಯಾಗಿದ್ದಾರೆ. ಡಿ ಇಮಾನ್ ಸಂಗೀತ ನೀಡಿದ್ದಾರೆ.