ನ್ಯಾಷನಲ್ ಕ್ರಶ್ ಪ್ರಿಯಾ ವಾರಿಯರ್ ಗೆ ತುಂಬಿ ತುಳುಕುತ್ತಿವೆ ಅವಕಾಶಗಳು.!

ಪ್ರಿಯಾ ವಾರಿಯರ್ ಗೆ ಡಿಮ್ಯಾಂಡಪ್ಪೊ ಡಿಮ್ಯಾಂಡು

ಪ್ರಿಯಾ ವಾರಿಯರ್ ಅಭಿನಯದ ಚೊಚ್ಚಲ ಸಿನಿಮಾ 'ಒರು ಅದಾರ್ ಲವ್' ಇನ್ನೂ ತೆರೆಗೆ ಬಂದಿಲ್ಲ. ಟ್ರೈಲರ್ ಮಾತ್ರದಿಂದಲೇ ನ್ಯಾಷನಲ್ ಕ್ರಶ್ ಆಗಿರುವ ಪ್ರಿಯಾ ವಾರಿಯರ್ ಗೆ ಈಗ ಡಿಮ್ಯಾಂಡ್ ಕೂಡ ಹೆಚ್ಚಾಗಿದೆ. ಸುಂದರಿ ಪ್ರಿಯಾ ಕಾಲ್ ಶೀಟ್ ಗಾಗಿ ಮಾಲಿವುಡ್ ನಿರ್ಮಾಪಕರು ಕ್ಯೂ ನಿಂತಿದ್ದಾರೆ.

ಕಾಲಿವುಡ್, ಟಾಲಿವುಡ್ ನಿಂದಲೂ ಬರ್ತಿವೆ ಆಫರ್ ಗಳು

ಮಲ್ಲು ಬೆಡಗಿಗೆ ಬರೀ ಮಾಲಿವುಡ್ ನಿಂದ ಮಾತ್ರ ಅಲ್ಲ, ಕಾಲಿವುಡ್ ಹಾಗೂ ಟಾಲಿವುಡ್ ನಿಂದಲೂ ಬುಲಾವ್ ಬಂದಿದ್ಯಂತೆ.

ಬಾಲಿವುಡ್ ನಿಂದ ಕರೆ

ಪ್ರಿಯಾ ಪ್ರಕಾಶ್ ವಾರಿಯರ್ ಗೆ ಬಾಲಿವುಡ್ ನಿಂದಲೂ ಕರೆ ಬಂದಿದೆ ಎಂಬ ಸುದ್ದಿ ಸದ್ಯ ಎಲ್ಲೆಡೆ ಗಿರಗಿಟ್ಲೆ ಹೊಡೆಯುತ್ತಿದೆ. ಅದು ಜಸ್ಟ್ ರೂಮರ್ ಅಲ್ಲ, ಸತ್ಯವಾಗಲೂ ಬಾಲಿವುಡ್ ನಿಂದ ಆಫರ್ ಬಂದಿದೆ ಅಂತ ಪ್ರಿಯಾ ಪ್ರಕಾಶ್ ವಾರಿಯರ್ ಒಪ್ಪಿಕೊಂಡಿದ್ದಾರೆ.

ಸದ್ಯಕ್ಕೆ ಯಾವುದನ್ನೂ ಓಕೆ ಮಾಡಿಲ್ಲ!

ಇನ್ನೂ ಕಾಲೇಜಿನಲ್ಲಿ ಓದುತ್ತಿರುವ ಕನ್ಯಾಮಣಿ ಈ ಪ್ರಿಯಾ ಪ್ರಕಾಶ್ ವಾರಿಯರ್. ಅವಕಾಶಗಳ ಮಹಾಪೂರವೇ ಹರಿದು ಬರುತ್ತಿದ್ದರೂ, ಯಾವುದಕ್ಕೂ ಇನ್ನೂ ಗ್ರೀನ್ ಸಿಗ್ನಲ್ ಕೊಟ್ಟಿಲ್ಲ. ಮೊದಲು ಓದು ಮುಗಿಯಬೇಕು ಅಂತಾರೆ ಪ್ರಿಯಾ.

ಸಂಜಯ್ ಲೀಲಾ ಬನ್ಸಾಲಿ ಚಿತ್ರದಲ್ಲಿ ನಟಿಸಬೇಕು.!

''ಬಾಲಿವುಡ್ ನಲ್ಲಿ ನಟಿಸಬೇಕು ಎಂಬ ಆಸೆ ಖಂಡಿತ ಇದೆ. ಅದರಲ್ಲೂ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ ಚಿತ್ರದಲ್ಲಿ ಅಭಿನಯಸಬೇಕೆಂಬ ಬಯಕೆ ಇದೆ ಎನ್ನುತ್ತಾರೆ ಪ್ರಿಯಾ. ಅಂದ್ಹಾಗೆ, ಪ್ರಿಯಾಗೆ ಬಾಲಿವುಡ್ ನಲ್ಲಿ ದೀಪಿಕಾ ಪಡುಕೋಣೆ ಹಾಗೂ ರಣ್ವೀರ್ ಸಿಂಗ್ ಅಚ್ಚುಮೆಚ್ಚಿನ ತಾರೆಯರಂತೆ.