ಮೇಘನಾ-ಚಿರು ಮಗು ನೋಡಲು ಕೇರಳದಿಂದ ಬಂದ ಸ್ಟಾರ್ ದಂಪತಿ

ಹಲವು ಮಲಯಾಳಂ ಸಿನಿಮಾಗಳಲ್ಲಿ ಮೇಘನಾ ನಟನೆ

ಹೌದು, ಮೇಘನಾ ರಾಜ್‌ ಗೆ ಮಲಯಾಳಂ ಸಿನಿಮಾ ಉದ್ಯಮದಲ್ಲಿ ಸಾಕಷ್ಟು ಗೆಳೆಯರಿದ್ದಾರೆ. ಮಲಯಾಳಂ ನ ಹಲವು ಸಿನಿಮಾಗಳಲ್ಲಿ ಮೇಘನಾ ರಾಜ್ ನಟಿಸಿದ್ದಾರೆ. ಹಾಗಾಗಿ ಸಹಜವಾಗಿಯೇ ಅಲ್ಲಿ ಸಾಕಷ್ಟು ಗೆಳೆಯರಿದ್ದಾರೆ, ಆದರೆ ಮೇಘನಾ ರ ಆಪ್ತ ಗೆಳತಿ ಸ್ಟಾರ್ ನಟಿ ನಾಜರಿಯಾ.

ಕೇರಳದಿಂದ ಆಗಮಿಸಿದ ನಾಜರಿಯಾ-ಫಹಾದ್ ದಂಪತಿ

ಆಪ್ತ ಗೆಳತಿಯ ಮಗನನ್ನು ನೋಡಲು ಕೇರಳದಿಂದ ಇಂದು ನಾಜರಿಯಾ ಹಾಗೂ ಪತಿ ಫವಾದ್ ಬೆಂಗಳೂರಿಗೆ ಆಗಮಿಸಿದ್ದಾರೆ. ಆಸ್ಪತ್ರೆಗೆ ಭೇಟಿ ನೀಡಿದ ನಾಜರಿಯಾ ಹಾಗೂ ಫವಾದ್ ಮೇಘನಾ ಮಗುವನ್ನು ಕಂಡು ಸಂತಸ ಪಟ್ಟಿದ್ದಾರೆ, ಮೇಘನಾ ಗೆ ಶುಭಾಶಯ ಸಹ ಕೋರಿದ್ದಾರೆ.

ಮೇಘನಾ-ನಾಜರಿಯಾ ಅತ್ಯಾಪ್ತ ಗೆಳತಿಯರು

ಮೇಘನಾ-ನಾಜರಿಯಾ ಅತ್ಯಾಪ್ತ ಗೆಳತಿಯರು. ನಾಜರಿಯಾ, ಚಿರಂಜೀವಿ ಸರ್ಜಾ ಗೆ ಸಹ ಆಪ್ತ ಗೆಳೆಯರಾಗಿದ್ದರು. ನಾಜರಿಯಾ ಹಲವು ಬಾರಿ ಬೆಂಗಳೂರಿಗೆ ಬಂದು ಚಿರಂಜೀವಿ ಸರ್ಜಾ ಹಾಗೂ ಮೇಘನಾ ಜೊತೆಗೆ ಸಮಯ ಕಳೆದಿದ್ದರು.

ಸಂತಸ-ದುಖಃದ ಸಂದರ್ಭದಲ್ಲಿ ಜೊತೆಯಾಗಿದ್ದರು ನಾಜರಿಯಾ ದಂಪತಿ

ಮೇಘನಾ-ಚಿರು ಅವರ ಎಲ್ಲ ಸಂತಸದ ಸಂದರ್ಭದಲ್ಲಿಯೂ ನಾಜರಿಯಾ-ಫಹಾದ್ ಪಾಲ್ಗೊಂಡಿದ್ದರು. ಮೇಘನಾ-ಚಿರು ಅವರ ನಿಶ್ಚಿತಾರ್ಥ, ಮದುವೆಗಳಲ್ಲಿ ಈ ದಂಪತಿ ಭಾಗವಹಿಸಿದ್ದರು. ಚಿರು ಅಗಲಿದ ಬಳಿಕವೂ ಒಮ್ಮೆ ನಾಜರಿಯಾ-ಫಹಾದ್ ದಂಪತಿ ಮೇಘನಾ ರನ್ನು ಭೇಟಿಯಾಗಿ ಸಾಂತ್ವಾನ ಹೇಳಿದ್ದರು.