ಸುದೀಪ್ ಫ್ಯಾಂಟಮ್ ಲೋಕಕ್ಕೆ ಎಂಟ್ರಿ ಕೊಟ್ಟ ಅಪರ್ಣ ಬಲ್ಲಾಳ್ ಯಾರು?

ಸಂಜೀವ್ ಗಂಭೀರಾಗೆ ಜೋಡಿಯಾದ ನೀತಾ

ಫ್ಯಾಂಟಮ್ ಸಿನಿಮಾದ ಪ್ರಮುಖ ಪಾತ್ರಗಳಲ್ಲಿ ಅಪರ್ಣ ಬಲ್ಲಾಳ್ ಪಾತ್ರ ಒಂದು. ಈ ಪಾತ್ರದಲ್ಲಿ ಕಿರುತೆರೆ ನಟಿ ನೀತಾ ಅಶೋಕ್ ಕಾಣಿಸಿಕೊಳ್ಳುತ್ತಿದ್ದಾರೆ. ಫ್ಯಾಂಟಮ್ ಸಿನಿಮಾ ಮೂಲಕ ನೀತಾ ಮೊದಲ ಬಾರಿಗೆ ಬೆಳ್ಳಿ ಪರದೆ ಮೇಲೆ ಮಿಂಚುತ್ತಿದ್ದಾರೆ. ಬಾಂಬೆಯಿಂದ ಬಂದಿರುವ ನೀತಾ, ಅಪರ್ಣ ಬಲ್ಲಾಳ್ ಪಾತ್ರಕ್ಕೆ ಬಣ್ಣ ಹಚ್ಚುತ್ತಿದ್ದಾರೆ. ಅಪರ್ಣ, ಪನ್ನಾ ಎಂದೇ ಖ್ಯಾತಿಯಾಗಿರುತ್ತಾರೆ. ವಿಶೇಷ ಅಂದರೆ ಚಿತ್ರದಲ್ಲಿ ಅಪರ್ಣ, ಸಂಜೀವ್ ಗಂಭೀರ ಅಂದರೆ ನೀರೂಪ್ ಭಂಡಾರಿಗೆ ಜೋಡಿಯಾಗಿ ನಟಿಸುತ್ತಿದ್ದಾರೆ.

ಯಾರು ಈ ನೀತಾ ಅಶೋಕ್

ನೀತಾ ಅಶೋಕ್ ಕಿರುತೆರೆಯ ನಟಿ. ಫ್ಯಾಂಟಮ್ ಮೂಲಕ ಮೊದಲ ಬಾರಿಗೆ ಬೆಳ್ಳಿ ಪರದೆಯಲ್ಲಿ ಮಿಂಚಲು ರೆಡಿಯಾಗಿದ್ದಾರೆ. ಕಿರುತೆರೆಯಲ್ಲಿ ಯಶೋಧೆ, ನಾ ನಿನ್ನ ಬಿಡಲಾರೆ ಮತ್ತು ನೀಲಾಂಬರಿ ಧಾರಾವಾಹಿ ಮೂಲಕ ಕನ್ನಡ ಪ್ರೇಕ್ಷಕರ ಮನೆ ಮಾತಾಗಿರುವ ನೀತಾ ಅಶೋಕ್ ಫ್ಯಾಂಟಮ್ ಮೂಲಕ ಮತ್ತೆ ರಂಜಿಸಲು ಬರ್ತಿದ್ದಾರೆ.

ಅಪರ್ಣ ಬಲ್ಲಾಳ್ ಪಾತ್ರದ ಬಗ್ಗೆ ಅನೂಫ್ ಭಂಡಾರಿ ವಿವರಣೆ

"ಫ್ಯಾಂಟಮ್ ಸಿನಿಮಾದ ಸುಂದರವಾದ ಪಾತ್ರ ಅಪರ್ಣ ಬಲ್ಲಾಳ್. ಪನ್ನಾ ಬಾಂಬೆಯಲ್ಲಿ ಹುಟ್ಟಿಬೆಳೆದಿದ್ದರಿಂದ ಹಿಂದಿ ಮಿಶ್ರಿತ ಕನ್ನಡ ಮಾತನಾಡುವುದು ಅಭ್ಯಾಸ. ಅಡ್ವೆಂಚರ್ಸ್ ನೇಚರ್ ಇರುವ ಹುಡುಗಿ. ಎಲ್ಲಾ ತಿಳಿದುಕೊಳ್ಳಬೇಕು ಎನ್ನುವ ಕುತೂಹಲ. ಈ ಸಿನಿಮಾ ಮೂಲಕ ಮೊದಲನೇ ಬಾರಿಗೆ ದೊಡ್ಡ ಪರದೆ ಮೇಲೆ ನೀತಾ ಅಶೋಕ್ ಕಾಣಿಸಿಕೊಳ್ಳುತ್ತಿದ್ದಾರೆ." ಎಂದು ಪಾತ್ರದ ಪರಿಚಯ ಮಾಡಿಕೊಡುತ್ತಾ ಫಸ್ಟ್ ಲುಕ್ ಅನಾವರಣ ಮಾಡಿದ್ದಾರೆ ನಿರ್ದೇಶಕ ಅನೂಪ್ ಭಂಡಾರಿ.

ಸಂಜೀವ್ ಗಂಭೀರ ಪಾತ್ರದ ಬಗ್ಗೆ

ಫ್ಯಾಂಟಮ್ ಸಿನಿಮಾದ ಮತ್ತೊಂದು ಪ್ರಮುಖ ಪಾತ್ರ ಸಂಜೀವ್ ಗಂಭೀರ. ಸಂಜು ಲಂಡನ್ ನಲ್ಲಿ ಬೆಳೆದು, ಹುಟ್ಟಿದ ಊರಿಗೆ ವಾಪಸ್ ಬರುತ್ತಾನೆ. ಸಂಜು ನಗ್ತಾನೆ, ನಗಿಸ್ತಾರೆ, ತರ್ಲೆ ಮಾಡುತ್ತಾನೆ ಎಲ್ಲರ ಮನಸ್ಸಿಗೂ ಹತ್ತಿರವಾಗುತ್ತಾನೆ. ಸಂಜು ಪಾತ್ರದಲ್ಲಿ ನಿರೂಪ್ ಭಂಡಾರಿ ಕಾಣಿಸಿಕೊಳ್ಳುತ್ತಿದ್ದಾರೆ. ನಿರೂಪ್ ಭಂಡಾರಿಗೆ ಜೋಡಿಯಾಗಿ ನೀತಾ ಅಶೋಕ್ ನಟಿಸುತ್ತಿದ್ದಾರೆ.