Don't Miss!
- Automobiles ಫ್ಯಾಮಿಲಿ ಕಾರಾಗಿ ಜನರ ಮನಗೆದ್ದ ಹ್ಯುಂಡೈ ಅಲ್ಕಾಜರ್ ಎಸ್ಯುವಿಯ ಮೇಲೆ ಭರ್ಜರಿ ಡಿಸ್ಕೌಂಟ್
- News Tirupati Darshan Ticket: ತಿರುಪತಿ ದರ್ಶನಕ್ಕೆ ವಿಶೇಷ ಟಿಕೆಟ್ ಬಿಡುಗಡೆ: ಪೂಜಾ ಸೇವೆಯಲ್ಲಿ ಬಾಗವಹಿಸಲು ದಿನಾಂಕ ಆಯ್ಕೆ ಮಾಡಿ...
- Finance ಕಬ್ಬನ್ ಪಾರ್ಕ್ನಲ್ಲಿ ಮರ ಅಪ್ಪಿಕೊಳ್ಳುವ ಕಾರ್ಯಕ್ರಮಕ್ಕೆ ತಲಾ 1,500 ರೂ. ಶುಲ್ಕವಿಟ್ಟ ಕಂಪನಿ!
- Technology Itel: ಐಟೆಲ್ ಸೂಪರ್ ಗುರು 4G ಫೋನ್ ಲಾಂಚ್! ಯುಪಿಐ ಬೆಂಬಲ
- Lifestyle ಸ್ವತಂತ್ರ ಭಾರತದ ಮೊದಲ ಮತದಾರನಿಲ್ಲದ ಮೊದಲ ಚುನಾವಣೆ ಇದು..! ಯಾರು ಈ ಮತದಾರ ಗೊತ್ತಾ?
- Sports IPL 2024: ಪಂಜಾಬ್ ಕಿಂಗ್ಸ್ ವಿರುದ್ಧ ಗೆದ್ದರೂ ಹಾರ್ದಿಕ್ ಪಾಂಡ್ಯಗೆ ಭಾರೀ ಮೊತ್ತದ ದಂಡ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಿತ್ರರಂಗಕ್ಕೆ ಕಾಲಿಟ್ಟು 19 ವರ್ಷ: ಹಳೆಯ ನೆನಪು ಮೆಲುಕು ಹಾಕಿದ ನೆನಪಿರಲಿ ಪ್ರೇಮ್
ನಟ ನೆನಪಿರಲಿ ಪ್ರೇಮ್ ಚಿತ್ರರಂಗಕ್ಕೆ ಕಾಲಿಟ್ಟು ಇಂದಿಗೆ (ಜನವರಿ 30) 19 ವರ್ಷಗಳಾಗಿವೆ. ತಮ್ಮ ಮೊದಲ ಸಿನಿಮಾದ ಕೆಲವು ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ ನಟ.
ಪ್ರೇಮ್ ಅನ್ನು 'ನೆನಪಿರಲಿ ಪ್ರೇಮ್' ಎಂದೇ ಕರೆಯುವುದು ರೂಢಿ. ಆದರೆ 'ನೆನಪಿರಲಿ' ಪ್ರೇಮ್ ರ ಮೊದಲ ಸಿನಿಮಾ ಅಲ್ಲ. ಅದಕ್ಕೂ ಮುನ್ನಾ 2004ರಲ್ಲಿ 'ಪ್ರಾಣ' ಸಿನಿಮಾದಲ್ಲಿ ಪ್ರೇಮ್ ನಟಿಸಿದ್ದರು.
'ಪ್ರಾಣ' ಸಿನಿಮಾದ ಕೆಲವು ಚಿತ್ರಗಳನ್ನು ಟ್ವಿಟ್ಟರ್ನಲ್ಲಿ ಹಂಚಿಕೊಂಡಿರುವ ನಟ ಪ್ರೇಮ್. 'ಇಂದಿಗೆ 19 ವರ್ಷ ಚಿತ್ರ ರಂಗದ ನನ್ನ ವೃತ್ತಿ ಜೀವನಕ್ಕೆ. ನನ್ನನ್ನು ಹರಸಿದ, ಬೆಳೆಸಿದ, ಆಶೀರ್ವದಿಸಿದ ಅಭಿಮಾನಕ್ಕೆ ನಿಮ್ಮೆಲ್ಲರ ಪಾದಕ್ಕೆ ಹಣೆ ಹಚ್ಚಿ ನಮಸ್ಕರಿಸುತ್ತೇನೆ' ಎಂದು ಭಾವುಕವಾಗಿ ಬರೆದುಕೊಂಡಿದ್ದಾರೆ.
'ಪ್ರಾಣ' ಸಿನಿಮಾದಲ್ಲಿ ಜೀವ ಎನ್ನುವ ಪಾತ್ರದಲ್ಲಿ ನಟಿಸಿದ್ದರು ನಟ ಪ್ರೇಮ್. ಕೆಲವು ಒಳ್ಳೆಯ ಹಾಡುಗಳಿದ್ದ ಈ ಪ್ರೇಮ ಕತೆ ಅಷ್ಟೇನೂ ಚೆನ್ನಾಗಿ ಪ್ರದರ್ಶನ ಕಾಣಲಿಲ್ಲ. ಆದರೆ ಪ್ರೇಮ್ ಎಲ್ಲರ ಗಮನ ಸೆಳೆದರು.
'ನೆನಪಿರಲಿ' ಸಿನಿಮಾದಲ್ಲಿ ಪ್ರೇಮ್ಗೆ ಅವಕಾಶ ದೊರೆಯಿತು. ಆ ನಂತರದ್ದು ಇತಿಹಾಸ. ನೆನಪಿರಲಿ ಸಿನಿಮಾ ಸೂಪರ್ ಡೂಪರ್ ಹಿಟ್ ಆಯಿತು. ಸಿನಿಮಾದ ಹಾಡುಗಳಂತೂ ಇಂದಿಗೂ ಮಾಸಿಲ್ಲ. ನೆನಪಿರಲಿ ಸಿನಿಮಾದಿಂದ ಪ್ರೇಮ್ ಕನ್ನಡದಲ್ಲಿ ಗಟ್ಟಿಯಾಗಿ ನೆಲೆನಿಲ್ಲುವಂತಾಯಿತು.
ನೆನಪಿರಲಿ ನಂತರ ಬಂದ 'ಜೊತೆ-ಜೊತೆಯಲಿ' ಸಿನಿಮಾ ಪ್ರೇಮ್ ಸ್ಥಾನವನ್ನು ಇನ್ನಷ್ಟು ಭದ್ರ ಮಾಡಿತು. ನಂತರ 'ಪಲ್ಲಕ್ಕಿ', ಗುಣವಂತ ಸಿನಿಮಾಗಳು ಸಹ ಚೆನ್ನಾಗಿ ಪ್ರದರ್ಶನ ಕಂಡು, ಪ್ರೇಮ್ ಪೈಸಾ ವಸೂಲ್ ನಟ ಎಂಬುದು ಚಿತ್ರರಂಗಕ್ಕೆ ಖಾತ್ರಿಯಾಯಿತು.
Recommended Video
ಹಲವು ಹೊಸ ಹೀರೋಗಳ ಮಧ್ಯೆಯೂ ನಟ ಪ್ರೇಮ್ ಹಾಗಯೇ ಉಳಿದುಕೊಂಡಿದ್ದಾರೆ. ಕನ್ನಡ ಚಿತ್ರರಂಗಕ್ಕೆ ಕೆಲವು ನೆನಪುಳಿಯುವ ಸಿನಿಮಾಗಳನ್ನು ನಟ ಪ್ರೇಮ್ ನೀಡಿದ್ದಾರೆ.