ರಾಬರ್ಟ್-ಕೋಟಿಗೊಬ್ಬನ ಜೊತೆ ಕಿಚ್ಚು ಹಚ್ಚಿದ ಸಲಗ, ಶೋಕಿವಾಲ

ನಾಯಕಿ ಕೈಯಲ್ಲಿ ಲಾಂಗ್

ಹೀರೋ ಲಾಂಗ್ ಹಿಡಿಯೋದು ಸಾಮಾನ್ಯ. ವಿಲನ್ ಲಾಂಗ್ ಹಿಡಿಯೋದು ಸಹಜ. ಆದರೆ ಹೀರೋಯಿನ್ ಲಾಂಗ್ ಹಿಡಿಯೋದು ಅಪರೂಪ. ದುನಿಯಾ ವಿಜಯ್ ನಟಿಸುತ್ತಿರುವ ಸಲಗ ಚಿತ್ರದ ಸಂಕ್ರಾಂತಿ ಹಬ್ಬದ ಪೋಸ್ಟರ್ ಬಿಡುಗಡೆಯಾಗಿದ್ದು, ಈ ಪೋಸ್ಟರ್ ನಲ್ಲಿ ನಾಯಕಿ ಸಂಜನಾ ಆನಂದ್ ತಮ್ಮ ಕೈಯಲ್ಲಿ ಲಾಂಗ್ ಹಿಡಿದು ಮಿಂಚಿದ್ದಾರೆ. ಈ ಪೋಸ್ಟರ್ ಚಿತ್ರರಸಿಕರ ಕುತೂಹಲ ಕೆರಳಿಸಿದೆ.

ಸಂಭ್ರಮ ಹೆಚ್ಚಿಸಿದ ಶೋಕಿವಾಲ

ಸಂಜನಾ ಆನಂದ್ ಅವರಿಗೆ ಸಂಕ್ರಾಂತಿ ಹಬ್ಬ ಬಹಳ ವಿಶೇಷವೆನಿಸಿಕೊಂಡಿದೆ. ಅಜಯ್ ರಾವ್ ಜೊತೆ ನಟಿಸುತ್ತಿರುವ ಶೋಕಿವಾಲ ಚಿತ್ರದ ಪೋಸ್ಟರ್ ಕೂಡ ಹಬ್ಬಕ್ಕೆ ತೆರೆಕಂಡಿದೆ. ಈ ಪೋಸ್ಟರ್ ಕನ್ನಡ ಚಿತ್ರರಂಗದಲ್ಲಿ ಸಂಕ್ರಾಂತಿ ಹಬ್ಬದ ಮೆರುಗು ತಂದಿದೆ.

ಶುಭಕೋರಿದ ಅವತಾರ ಪುರುಷ

ಸಂಕ್ರಾಂತಿ ಹಬ್ಬಕ್ಕೆ ಅವತಾರ ಪುರುಷ ಚಿತ್ರತಂಡವೂ ಶುಭಕೋರಿದೆ. ಸಂಕ್ರಾಂತಿ ಪೋಸ್ಟರ್ ಬಿಡುಗಡೆ ಮಾಡಿ, ನಟ ಶರಣ್ ಮತ್ತು ಆಶಿಕಾ ರಂಗನಾಥ್ ಸಂಪ್ರದಾಯ ಲುಕ್ ನಲ್ಲಿ ಮಿಂಚಿದ್ದಾರೆ.

ಬುದ್ದಿವಂತ ಪೋಸ್ಟರ್

ಸುಗ್ಗಿ ಹಬ್ಬಕ್ಕೆ ರಿಯಲ್ ಸ್ಟಾರ್ ಉಪೇಂದ್ರ ಅವರು ವಿಶೇಷವಾಗಿ ಶುಭಕೋರಿದ್ದಾರೆ. ಉಪ್ಪಿ ಅಭಿನಯದ ಬುದ್ದಿವಂತ 2 ಸಿನಿಮಾದ ಹೊಸ ಪೋಸ್ಟರ್ ಬಿಡುಗಡೆಯಾಗಿದ್ದು, ಆಕ್ಷನ್ ಮೂಡ್ನಲ್ಲಿ ಉಪ್ಪಿ ಅಬ್ಬರಿಸಿದ್ದಾರೆ.

ಧ್ರುವ ಸರ್ಜಾ ಪೊಗರು

ಭಾರಿ ನಿರೀಕ್ಷೆ ಮೂಡಿಸಿರುವ ಪೊಗರು ಚಿತ್ರತಂಡ ಸಂಕ್ರಾಂತಿ ಹಬ್ಬಕ್ಕೊಂದು ಪೋಸ್ಟರ್ ಬಿಟ್ಟಿದೆ. ಸದ್ಯದಲ್ಲೇ ಆಡಿಯೋ ಬಿಡುಗಡೆ ಎಂಬ ಮಾಹಿತಿ ನೀಡಿರುವ ಚಿತ್ರತಂಡ, ರಶ್ಮಿಕಾ ಮತ್ತು ಧ್ರುವ ಸರ್ಜಾ ಪೋಸ್ಟರ್ ರಿಲೀಸ್ ಮಾಡಿದೆ.

'ಮುಗಿಲ್ ಪೇಟೆ' ಜೊತೆ 'ಶಿವಾಜಿ '

ಮನೋರಂಜನ್ ರವಿಚಂದ್ರನ್ ಅಭಿನಯಿಸುತ್ತಿರುವ ಮುಗಿಲ್ ಪೇಟೆ, ರಮೇಶ್ ಅರವಿಂದ್ ಅವರ ಶಿವಾಜಿ ಸೂರತ್ಕಲ್, ಯಜ್ಞಾ ಶೆಟ್ಟಿ ನಟನೆಯ ಆಕ್ಟ್ 1978 ಚಿತ್ರತಂಡಗಳು ಸಂಕ್ರಾಂತಿ ಪೋಸ್ಟರ್ ಬಿಡುಗಡೆ ಮಾಡಿದೆ.