ಬ್ರೇಕಿಂಗ್: 'ಜೋಗಿ' ಪ್ರೇಮ್ ನಿರ್ದೇಶನದಲ್ಲಿ ಸುಧಾರಾಣಿ ಪುತ್ರಿ ಬೆಳ್ಳಿತೆರೆಗೆ.!

ಸ್ಯಾಂಡಲ್ ವುಡ್ ಗೆ ಸುಧಾರಾಣಿ ಪುತ್ರಿ

ಪ್ರೇಮ್ ನಿರ್ದೇಶನ ಮಾಡಲಿರುವ ಹೊಸ ಚಿತ್ರಕ್ಕೆ ನಾಯಕಿ ಆಗಿ ಸುಧಾರಾಣಿ ಪುತ್ರಿ ನಿಧಿ ಆಯ್ಕೆ ಆಗಿದ್ದಾರೆ. ಪ್ರೇಮ್ ನಿರ್ದೇಶನದ ಚಿತ್ರದ ಮೂಲಕ ನಿಧಿ ಸ್ಯಾಂಡಲ್ ವುಡ್ ಗೆ ಪರಿಚಿತವಾಗಲಿದ್ದಾರೆ.

ಅದಾಗಲೇ ಬಣ್ಣ ಹಚ್ಚಿದ್ದ ನಿಧಿ

ಹಾಗ್ನೋಡಿದ್ರೆ, ನಿಧಿ ಮೊಟ್ಟ ಮೊದಲ ಬಾರಿಗೆ ಬಣ್ಣ ಹಚ್ಚಿದ್ದು ಏಳನೇ ವಯಸ್ಸಿನಲ್ಲಿ ಇರುವಾಗಲೇ. ಅಂದು ಸುಧಾರಾಣಿ ಜೊತೆಗೆ ಚಿತ್ರವೊಂದರಲ್ಲಿ ನಿಧಿ ನಟಿಸಿದ್ದರು. ಆದ್ರೆ, ಆ ಚಿತ್ರ ಬಿಡುಗಡೆ ಆಗಿಲ್ಲ. ಇನ್ನೂ ಮೈಸೂರು ಟಾರ್ಪಲಿನ್ಸ್ ಜಾಹೀರಾತಿನಲ್ಲಿ ರೂಪದರ್ಶಿಯಾಗಿ ನಿಧಿ ಮಿಂಚಿದ್ದಾರೆ.

ನಿಧಿಗೆ ಹೀರೋ ಯಾರು ಗೊತ್ತೇ.?

ಅಂದ್ಹಾಗೆ, ಇದೇ ಚಿತ್ರದಲ್ಲಿ ರಕ್ಷಿತಾ ಪ್ರೇಮ್ ಸಹೋದರ ಅಭಿಶೇಕ್ ರಾವ್ ಕೂಡ ಬಣ್ಣ ಹಚ್ಚಲಿದ್ದಾರೆ. ಪ್ರತಿಷ್ಟಿತ ಲೀ ಸ್ಟ್ರಾಸ್ಬರ್ಗ್ ಥಿಯೇಟರ್ ಮತ್ತು ಫಿಲ್ಮ್ ಇನ್ಸ್ಟಿಟ್ಯೂಟ್ ನಲ್ಲಿ ನಟನೆ ಕಲಿತಿರುವ ಅಭಿಶೇಕ್ ರಾವ್, ಪ್ರೇಮ್ ನಿರ್ದೇಶನದ ಚಿತ್ರದ ಮೂಲಕ ಬೆಳ್ಳಿತೆರೆ ಮೇಲೆ ಮಿನುಗಲಿದ್ದಾರೆ.

ಪ್ರೇಮಿಗಳ ದಿನದಂದು ಸೆಟ್ಟೇರುವ ಚಿತ್ರ

'ದಿ ವಿಲನ್' ಚಿತ್ರಕ್ಕೆ ಪ್ರೇಮ್ ಗೆ ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡಿದ್ದ ಅಭಿಶೇಕ್ ರಾವ್ ಇದೀಗ ಹೀರೋ ಆಗಲು ಹೊರಟಿದ್ದಾರೆ. ಅಭಿಶೇಕ್ ರಾವ್ ಮತ್ತು ನಿಧಿ ಅಭಿನಯದ ಪ್ರೇಮ್ ನಿರ್ದೇಶನದ ಚಿತ್ರ ಫೆಬ್ರವರಿ 2019 ರ ಪ್ರೇಮಿಗಳ ದಿನದಂದು ಸೆಟ್ಟೇರಲಿದೆ.