ನಿಖಿಲ್-ರೇವತಿ ಮದುವೆ ಆಮಂತ್ರಣ ಪತ್ರಿಕೆಯ ವಿಶೇಷತೆ ಇಲ್ಲಿದೆ

ಆಮಂತ್ರಣ ಪತ್ರಿಕೆಯ ಮುಖಪುಟ

ನಿಖಿಲ್ ಕುಮಾರ್ ಮತ್ತು ರೇವತಿ ಮದುವೆ ಆಮಂತ್ರಣ ಪತ್ರಿಕೆ ಮುಖಪುಟ ಫೋಟೋ ಇದಾಗಿದೆ. ''ಶ್ರೀಮತಿ ಚೆನ್ನಮ್ಮ ಮತ್ತು ಎಚ್ ಡಿ ದೇವೇಗೌಡರ ಕುಟುಂಬದಿಂದ ಶುಭ ವಿವಾಹ. ತಾರೀಖು ಮತ್ತು ವಾರದ ವಿವರವಿದ್ದು, ನಿಖಿಲ್ ಮತ್ತು ರೇವತಿ ಹೆಸರಿದೆ''. ಕೊನೆಯಲ್ಲಿ 'ಶ್ರೀಮತಿ ಅನಿತಾ ಕುಮಾರಸ್ವಾಮಿ ಶಾಸಕರು ರಾಮನಗರ ಹಾಗೂ ಎಚ್ ಡಿ ಕುಮಾರಸ್ವಾಮಿ ಮಾಜಿ ಮುಖ್ಯಮಂತ್ರಿಗಳು ಕರ್ನಾಟಕ ಸರ್ಕಾರ- ಇವರಿಂದ' ಎಂದು ಮುದ್ರಿಸಲಾಗಿದೆ.

17ನೇ ತಾರೀಖು ಮುಹೂರ್ತ

ನಿಖಿಲ್ ಮತ್ತು ರೇವತಿ ಅವರ ಮದುವೆ ಏಪ್ರಿಲ್ 17ನೇ ತಾರೀಖು ಶುಕ್ರವಾರದಂದು ಜರುಗಲಿದೆ. ಶಾರ್ವರಿ ಸಂವತ್ಸರದ ಚೈತ್ರ ಮಾಸ ಕೃಷ್ಣಪಕ್ಷ ದಶಮಿಯ 17-04-2020ನೇ ಶುಕ್ರವಾರದ ಬೆಳಿಗ್ಗೆ 9-15 ರಿಂದ 9-40ರ ಶುಭ ಲಗ್ನದಲ್ಲಿ ಮಾಂಗಲ್ಯಧಾರಣೆ ಆಗಲಿದೆ.

ಸಪ್ತಪದಿ ಮಂಟಪ

ನಿಖಿಲ್ ಕುಮಾರ್ ಮತ್ತು ರೇವತಿ ಅವರ ಮದುವೆ ರಾಮನಗರದ (ಬೆಂಗಳೂರು ಮತ್ತು ಮೈಸೂರು ರಸ್ತೆಯಲ್ಲಿರುವ ಜಾನಪದ ಲೋಕದ ಹತ್ತಿರ) ಸಪ್ತಪದಿ ಮಂಟಪದಲ್ಲಿ ನಡೆಸಲು ಗುರು ಹಿರಿಯರು ಮತ್ತು ಕುಟುಂಬದವರು ನಿಶ್ಚಿಯಿಸಿದ್ದಾರೆ.

ಆರತಕ್ಷತೆ ಬಗ್ಗೆ ಮಾಹಿತಿ ಇಲ್ಲ

ನಿಖಿಲ್ ಕುಮಾರ್ ಮತ್ತು ರೇವತಿ ಮದುವೆಯ ಆಮಂತ್ರಣ ಪತ್ರಿಕೆ ನೋಡಲು ಸರಳವಾಗಿದ್ದು, ಶುಕ್ರವಾರ ಒಂದೇ ದಿನ ವಿವಾಹ ನಡೆಯಲಿದೆ. ಸದ್ಯಕ್ಕೆ ಆರತಕ್ಷತೆ ಬಗ್ಗೆ ಆಮಂತ್ರಣ ಪತ್ರಿಕೆಯಲ್ಲಿ ಮಾಹಿತಿ ನೀಡಿಲ್ಲ. ಬಹುಶಃ, ಇನ್ನೊಂದು ದಿನ ಆರತಕ್ಷತೆ ನಡೆಸಲು ಎಚ್ ಡಿ ಡಿ ಕುಟುಂಬ ನಿರ್ಧರಿಸಿರಬಹುದು.

ಫೆಬ್ರವರಿ 10 ರಂದು ನಿಶ್ಚಿತಾರ್ಥ

ವಿಜಯನಗರ ಶಾಸಕ ಎಂ ಕೃಷ್ಣಪ್ಪ ಅವರ ಸಂಬಂಧಿ ಮಂಜುನಾಥ್ ಅವರ ಮಗಳು ರೇವತಿ ಜೊತೆ ನಿಖಿಲ್ ಕುಮಾರ್ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಫೆಬ್ರವರಿ 10 ರಂದು ಬೆಂಗಳೂರಿನ ತಾಜ್ ವೆಸ್ಟ್ ಎಂಡ್ ಹೋಟೆಲ್ ನಲ್ಲಿ ಇವರಿಬ್ಬರ ಎಂಗೇಜ್ ಮೆಂಟ್ ಕಾರ್ಯಕ್ರಮ ನಡೆದಿತ್ತು.