ಹುಟ್ಟುಹಬ್ಬದ ಸಂಭ್ರಮದಲ್ಲಿರುವ ರಚಿತಾ ಮತ್ತು ಅಭಿಗೆ ನಿಖಿಲ್ ಕುಮಾರ್ ಹೇಳಿದ್ದೇನು?

ಸ್ನೇಹಿತನಿಗೆ ಶುಭಕೋರಿದ ನಿಖಿಲ್

ಅಭಿಗೆ ವಿಶ್ ಮಾಡಿದವರಲ್ಲಿ ನಟ ಮತ್ತು ರಾಜಕಾರಣಿ ನಿಖಿಲ್ ಕುಮಾರ್ ಒಬ್ಬರು. ನಿಖಿಲ್ ಮತ್ತು ಅಭಿ ಇಬ್ಬರು ಉತ್ತಮ ಸ್ನೇಹಿತರು. ಆದ್ರೆ ಚುನಾವಣೆಯ ನಂತರ ಇಬ್ಬರ ಸ್ನೇಹ ಬಗ್ಗೆ ಸಾಕಷ್ಟು ಅನುಮಾನ ಮೂಡಿತ್ತು. ಆದ್ರೂ ಸಹ ಚುನಾವಣೆ ನಂತರ ನಿಖಿಲ್, ಅಭಿಷೇಕ್ ಸಿನಿಮಾಗೆ ಶುಭಾಶಯ ತಿಳಿಸುವ ಮೂಲಕ ಇಬ್ಬರು ಸ್ನೇಹ ಗಟ್ಟಿಯಾಗಿದೆ ಎನ್ನುವುದನ್ನು ನಿರೂಪಿಸಿದ್ದರು.

ಇಬ್ಬರ ಸ್ನೇಹಕ್ಕೆ ಯಾರ ಕಣ್ಣು ಬೀಳದಿರಲಿ

ಸದ್ಯ ಸ್ನೇಹಿತನ ಹುಟ್ಟುಹಬ್ಬಕ್ಕೆ ನಿಖಿಲ್ ಸಾಮಾಜಿಕ ಜಾಲತಾಣದಲ್ಲಿ ಶುಭಕೋರಿದ್ದಾರೆ. "ಹುಟ್ಟುಹಬ್ಬದ ಶುಭಾಶಯಗಳು ಸಹೋದರ. ಒಳ್ಳೆಯದಾಗಲಿ" ಎಂದು ಹೇಳಿದ್ದಾರೆ. ಇಬ್ಬರ ಸ್ನೇಹ ನೋಡಿ ಅಭಿಮಾನಿಗಳು "ಇಬ್ಬರು ಸೇರಿ ಒಂದು ಸಿನಿಮಾ ಮಾಡಿ", "ನಿಮ್ಮಿಬ್ಬರ ಸ್ನೇಹಕ್ಕೆ ಯಾರ ಕಣ್ಣು ಬೀಳದಿರಲಿ" ಎಂದು ಹೇಳುತ್ತಿದ್ದಾರೆ.

ಗೆಳತಿಯ ಹುಟ್ಟುಹಬ್ಬಕ್ಕೆ ನಿಖಿಲ್ ವಿಶ್

ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿರುವ ನಟಿ ರಚಿತಾ ರಾಮ್ ಗೂ ಶುಭಾಶಯ ತಿಳಿಸಿದ್ದಾರೆ. ರಚಿತಾ ಮತ್ತು ನಿಖಿಲ್ ಇಬ್ಬರು ಸೀತಾರಾಮ ಕಲ್ಯಾಣ ಚಿತ್ರದಲ್ಲಿ ಒಟ್ಟಿಗೆ ಅಭಿನಯಿಸಿದ್ದರು. ಇಬ್ಬರು ಉತ್ತಮ ಸ್ನೇಹಿತರು. ಗೆಳತಿಯ ಹುಟ್ಟುಹಬಕ್ಕೆ ನಿಖಿಲ್ "ಹುಟ್ಟುಹಬ್ಬದ ಶುಭಾಶಯಗಳು ಗೆಳತಿ. ಒಳ್ಳೆಯದಾಗಲಿ" ಎಂದು ಹೇಳಿದ್ದಾರೆ.

ರಚಿತಾ ಬಳಿ ಇರುವ ಸಿನಿಮಾಗಳು

ರಚಿತಾ ರಾಮ್ ಇಂದು ಮನೆಯಲ್ಲಿಯೆ ಸ್ನೇಹಿತರು ಮತ್ತು ಕುಟುಂಬದವರ ಜೊತೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಜನ್ಮದಿನದ ಪ್ರಯುಕ್ತ ಡಿಂಪಲ್ ಕ್ವೀನ್ ಚಿತ್ರೀಕರಣಕ್ಕೆ ರಜೆ ಹಾಕಿದ್ದಾರೆ. ಇಂದು ದಿನ ಪೂರ್ತಿ ಮನೆಯಲ್ಲೆ ಇರುತ್ತಾರೆ. ರಚಿತಾ ಸದ್ಯ ರಮೇಶ್ ಅರವಿಂದ್ ನಿರ್ದೇಶನದ 100, ಏಪ್ರಿಲ್, ಧನಂಜಯ್ ಜೊತೆ ಡಾಲಿ, ಸಂಜು ಅಲಿಯಾಸ್ ಸಂಜು ಸೇರಿದಂತೆ ಸಾಕಷ್ಟು ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಶಿವರಾಜ್ ಕುಮಾರ್ ಜೊತೆ ಅಭಿನಯಿಸುವ ಆಯುಷ್ಮಾನ್ ಭವ ಚಿತ್ರ ರಿಲೀಸ್ ಗೆ ರೆಡಿಯಾಗಿದೆ.