ಇಂದು ನಿಖಿಲ್-ರೇವತಿ ನಿಶ್ಚಿತಾರ್ಥ: ಏಪ್ರಿಲ್ 17 ಕ್ಕೆ ಅದ್ಧೂರಿ ಕಲ್ಯಾಣ.!

ಅದ್ಧೂರಿ ಸ್ಟೇಜ್

ನಿಖಿಲ್ ಕುಮಾರ್-ರೇವತಿ ನಿಶ್ಚಿತಾರ್ಥಕ್ಕಾಗಿ ತಾಜ್ ವೆಸ್ಟ್ ಎಂಡ್ ನಲ್ಲಿ ಅದ್ಧೂರಿ ಸ್ಟೇಜ್ ನಿರ್ಮಿಸಲಾಗಿದೆ. ತರಹೇವಾರಿ ಬಣ್ಣದ ಹೂವುಗಳಿಂದ ವೇದಿಕೆ ಕಂಗೊಳಿಸುತ್ತಿದೆ. ಇವತ್ತು ಬೆಳಗ್ಗೆ ರಾಹುಕಾಲ ಮುಗಿದ ಬಳಿಕ ಇರುವ ಶುಭ ಮುಹೂರ್ತದಲ್ಲಿ ನಿಖಿಲ್ ಕುಮಾರ್ ಮತ್ತು ರೇವತಿ ಉಂಗುರ ಬದಲಿಸಿಕೊಳ್ಳಲಿದ್ದಾರೆ.

ಮದುವೆ ದಿನಾಂಕ ನಿಗದಿ

ಇವತ್ತು ರಿಂಗ್ ಎಕ್ಸ್ ಚೇಂಜ್ ಮಾಡಿಕೊಳ್ಳುವ ಜೋಡಿ, ಏಪ್ರಿಲ್ 17 ರಂದು ವೈವಾಹಿಕ ಬದುಕಿಗೆ ಕಾಲಿಡಲಿದ್ದಾರೆ. ''ನಿಖಿಲ್-ರೇವತಿ ಮದುವೆ ದಿನಾಂಕ ಏಪ್ರಿಲ್ 17 ರಂದು ಫಿಕ್ಸ್ ಆಗಿದೆ'' ಎಂದು ಖುದ್ದು ನಿಖಿಲ್ ಕುಮಾರ್ ತಂದೆ ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಖಚಿತ ಪಡಿಸಿದ್ದಾರೆ.

ರಾಮನಗರದಲ್ಲಿ ಮದುವೆ

ಏಪ್ರಿಲ್ 17 ರಂದು ನಿಖಿಲ್ ಕುಮಾರ್-ರೇವತಿ ಮದುವೆ ರಾಮನಗರ ಮತ್ತು ಚನ್ನಪಟ್ಟಣ ನಡುವಿನ ವಿಸ್ತಾರ ಪ್ರದೇಶದಲ್ಲಿ ಅದ್ಧೂರಿಯಾಗಿ ನೆರವೇರಿಸಲು ಎಚ್.ಡಿ.ಕುಮಾರಸ್ವಾಮಿ ನಿರ್ಧರಿಸಿದ್ದಾರೆ.

ಯಾರೀ ರೇವತಿ.?

ಬೆಂಗಳೂರಿನ ವಿಜಯನಗರ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಕೃಷ್ಣಪ್ಪ ಅವರ ಸಂಬಂಧಿ ಈ ರೇವತಿ. ಎಂ.ಸಿ.ಎ ವ್ಯಾಸಂಗ ಮಾಡಿರುವ ರೇವತಿಗೆ ಚಲನಚಿತ್ರ ಮತ್ತು ರಾಜಕೀಯ ರಂಗದ ಪರಿಚಯವಿಲ್ಲ. ರೇವತಿ ಮತ್ತು ನಿಖಿಲ್ ಕುಮಾರ್ ರದ್ದು ಅಪ್ಪಟ ಅರೇಂಜ್ಡ್ ಮ್ಯಾರೇಜ್. ಕುಟುಂಬದವರ ನಿರ್ಧಾರದಂತೆ ಇವರಿಬ್ಬರು ಹೊಸ ಬದುಕು ಆರಂಭಿಸಲಿದ್ದಾರೆ.