ಬಾಲಿವುಡ್ ನಿರ್ದೇಶಕನ ಜೊತೆ ಕಾಣಿಸಿಕೊಂಡ 'ಮುಗುಳುನಗೆ' ಬೆಡಗಿ

Recommended Video

ಮುಗುಳುನಗೆ ಕಳೆದ ವರ್ಷ ಚಂದನವನದಲ್ಲಿ ಸಾಕಷ್ಟು ಸುದ್ದಿ ಮಾಡಿದ ಸಿನಿಮಾ. ಚಿತ್ರದಲ್ಲಿ ಮೂವರು ನಾಯಕಿಯರು ಅಭಿನಯಿಸಿದ್ದರೂ ಪ್ರತಿ ನಾಯಕಿಯರು ತಮ್ಮ ಅಭಿನಯದ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿದ್ದರು. ಒಂದೇ ಒಂದು ಹಾಡಿನ ಅಭಿನಯದಿಂದಲೇ ಸಿನಿಪ್ರೇಮಿಗಳ ಮನಸ್ಸು ಕದ್ದ ನಟ ನಿಖಿತಾ ನಾರಾಯಣ್ .

'ಮುಗುಳುನಗೆ' ನಂತರ ಯಾವುದೇ ಸಿನಿಮಾ ಒಪ್ಪಿಕೊಳ್ಳದ ನಿಖಿತಾ ನಾರಾಯಣ್ ಬಾಲಿವುಡ್ ಅಂಗಳದಲ್ಲಿ ಕಾಣಿಸಿಕೊಂಡಿದ್ದಾರೆ. ಹೆಸರಾಂತ ನಿರ್ದೇಶಕ ಪ್ರಕಾಶ್ ಝಾ ಅವರನ್ನು ಭೇಟಿ ಮಾಡಿ ಬಂದಿದ್ದಾರೆ ನಟಿ ನಿಖಿತಾ.

ಇತ್ತೀಚಿಗಷ್ಟೆ ತಮ್ಮ ಫೇಸ್ ಬುಕ್ ನಲ್ಲಿ ಪ್ರಕಾಶ್ ಝಾ ಜೊತೆಗಿರುವ ಫೋಟೋವನ್ನು ಪೋಸ್ಟ್ ಮಾಡಿರುವ ನಿಖಿತಾ ಅದರ ಜೊತೆಯಲ್ಲಿ ನಿರ್ದೇಶಕರನ್ನ ಬೇಟಿ ಮಾಡಿದ ಅನುಭವದ ಬಗ್ಗೆ ಬರೆದುಕೊಂಡಿದ್ದಾರೆ.

ಸದ್ಯ ಫೋಟೋ ನೋಡಿರುವ ಅಭಿಮಾನಿಗಳು ಬಿಟೌನ್ ನಲ್ಲಿ ಅಭಿನಯ ಮಾಡುತ್ತೀರಾ ಎನ್ನುವ ಪ್ರಶ್ನೆಗಳನ್ನು ಕೇಳಿದ್ದಾರೆ. ನಟಿ ನಿಖಿಲಾ ಬೋಲ್ಡ್ ಪಾತ್ರಗಳಿಗೆ ತುಂಬಾ ಚೆನ್ನಾಗಿ ಸೂಟ್ ಆಗುತ್ತಾರೆ. ಬಾಲಿವುಡ್ ಅಂಗಳಕ್ಕೆ ಕಾಲಿಟ್ಟರೆ ಅಲ್ಲಿಯ ನೆಟಿವಿಟಿಗೆ ಮ್ಯಾಚ್ ಆಗುತ್ತಾರೆ. ಸದ್ಯ ಯಾವುದೇ ರೀತಿ ಸುಳಿವು ಕೊಡದ ನಿಖಿತಾ ಮುಂದಿನ ದಿನಗಳಲ್ಲಿ ಬಾಲಿವುಡ್ ಅಂಗಳದಲ್ಲಿ ಕಾಣಿಸಿಕೊಳ್ಳುತ್ತಾರಾ?ಕಾದು ನೋಡಬೇಕು.