ದಕ್ಷಿಣ ಬೆಡಗಿ ನಿಶಾ ಅಗರವಾಲ್ ಗೆ ಕಂಕಣಭಾಗ್ಯ

ದಕ್ಷಿಣದ ಬೆಡಗಿ ಕಾಜಲ್ ಅಗರವಾಲ್ ತಂಗಿ ನಿಶಾ ಅಗರವಾಲ್ ಗೆ ಕಂಕಣಭಾಗ್ಯ ಕೂಡಿಬಂದಿದೆ. ಮುಂಬೈ ಮೂಲದ ಉದ್ಯಮಿ ಕೈಹಿಡಿಯುತ್ತಿದ್ದಾರೆ ನಿಶಾ. ಡಿಸೆಂಬರ್ 28 ರಂದು ಮುಂಬೈನಲ್ಲಿ ಮದುವೆ ನೆರವೇರಲಿದೆ.

ಮುಂಬೈ ಮೂಲದ ಉದ್ಯಮಿ ಕರಣ್ ವಾಲೇಚಾ ಅವರ ಕೈಹಿಡಿಯುತ್ತಿದ್ದಾರೆ ನಿಶಾ ಅಗರವಾಲ್. ಈಗಾಗಲೆ ನಿಶಾ ಕುಟುಂಬಿಕರು ಮದುವೆ ಆಮಂತ್ರಣ ಪತ್ರಿಕೆಗಳನ್ನು ಹಂಚುತ್ತಿದ್ದಾರೆ. ನೋಡಿದರೇನೇ ದುಬಾರಿ ಅನ್ನಿಸುವ ಮದುವೆ ಆಮಂತ್ರಣ ಪತ್ರಿಕೆ ಕೆಲವು ಮಾಧ್ಯಮಗಳ ಕಚೇರಿಗೂ ತಲುಪಿದೆ.

ನಿಶಾ ಅಗರವಾಲ್

ಮೂಲತಃ ಪಂಜಾಬಿಯಾದರೂ ದಕ್ಷಿಣದಲ್ಲಿ ಮಿಂಚಿದ ಬೆಡಗಿ. ಕಾಲೇಜು ದಿನಗಳಲ್ಲೇ ಮಾಡೆಲಿಂಗ್ ನಲ್ಲಿ ಹೆಜ್ಜೆ ಹಾಕಿದ ನಿಶಾ ಬಳಿಕ ಎಂಬಿಎ ಮಾಡಬೇಕೆಂದು ಬಯಸಿದ್ದರು. ಆದರೆ ಅಕ್ಕ ಕಾಜಲ್ ಅಗರವಾಲ್ ಅದಾಗಲೆ ಬೆಳ್ಳಿತೆರೆಯಲ್ಲಿ ಬೆಳಗಿದ್ದ ಕಾರಣ ನಿಶಾಗೆ ಸುನಾಯಾಸವಾಗಿ ಅವಕಾಶ ಸಿಕ್ಕಿತು.

ಒಟ್ಟಿನಲ್ಲಿ ಆರಕ್ಕೇರದೆ ಮೂರಕ್ಕಿಳಿಯದೆ ತ್ರಿಶಂಕು ಸ್ವರ್ಗದಲ್ಲಿದ್ದ ತಾರೆ ನಿಶಾ ಅಗರವಾಲ್. ಈಗ ಉದ್ಯಮಿ ಕರಣ್ ಕೈಹಿಡಿಯುವ ಮೂಲಕ ದಾಂಪತ್ಯ ಜೀವನಕ್ಕೆ ಅಡಿಯಿಡುತ್ತಿದ್ದಾರೆ. ಅವರ ಮದುವೆ ಸಂಭ್ರಮದ ಫೋಟೋಗಳನ್ನು ನಿಮ್ಮ ನೆಚ್ಚಿನ ತಾಣ ಒನ್ಇಂಡಿಯಾದಲ್ಲಿ ನಿರೀಕ್ಷಿಸಬಹುದು.