ಶಿವಣ್ಣ ಮಾಡಿರೋ ಈ 2 ದಾಖಲೆಗಳನ್ನು ಭಾರತದ ಯಾವ ನಟನೂ ಮುರಿಯಲಾರ ಎಂದ ಪ್ರಥಮ್!

ಈ ನಟನ ಎರಡು ದಾಖಲೆಗಳನ್ನು ಯಾರಿಂದಲೂ ಮುರಿಯಲಾಗುವುದಿಲ್ಲ

ಕನ್ನಡ ಬಹುತೇಕ ಎಲ್ಲಾ ಸ್ಟಾರ್ ನಟರ ಬಗ್ಗೆಯೂ ಸಹ ಮುಕ್ತವಾಗಿ ಮಾತನಾಡುವ ಪ್ರಥಮ್ ತನ್ನ ನಟ ಭಯಂಕರ ಚಿತ್ರ ಬಿಡುಗಡೆಯಾಗುವುದಕ್ಕೂ ಮುನ್ನ ಕೃಷಿ ಮೇಳ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾಗ ಕರುನಾಟ ಚಕ್ರವರ್ತಿ ಶಿವ ರಾಜ್‌ಕುಮಾರ್ ಬಗ್ಗೆ ಮಾತನಾಡಿದ್ದರು. ಹೌದು, ಶಿವ ರಾಜ್‌ಕುಮಾರ್ ಅವರು ಹೊಂದಿರುವ ಎರಡು ದಾಖಲೆಗಳನ್ನು ಇಡೀ ಭಾರತದಲ್ಲಿರುವ ಯಾವುದೇ ನಟ ಸಹ ಮುರಿಯಲಾಗುವುದಿಲ್ಲ ಎಂದು ವೇದಿಕೆ ಮೇಲೆ ಹೇಳಿಕೆ ನೀಡಿದ್ದಾರೆ.

125 ಚಿತ್ರಗಳಲ್ಲಿ ನಟಿಸಿದ ಸ್ಟಾರ್ ನಟನ ಮಗ!

ಹೀಗೆ ವೇದಿಕೆ ಮೇಲೆ ಶಿವ ರಾಜ್‌ಕುಮಾರ್ ಅವರ ಹೆಸರಿನಲ್ಲಿರುವ ಎರಡು ದಾಖಲೆಗಳನ್ನು ಯಾರಿಂದಲೂ ಮುರಿಯಲು ಆಗಲ್ಲ ಎಂದ ಪ್ರಥಮ್ ಅದರಲ್ಲಿ ಮೊದಲನೆಯದು ಅತಿಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ ಸ್ಟಾರ್ ನಟನ ಮಗ ಎಂಬ ದಾಖಲೆ ಹೊಂದಿದ್ದಾರೆ ಎಂದರು. ಬಾಲಿವುಡ್‌ನ ಅಮಿತಾಬ್ ಬಚ್ಚನ್ ಪುತ್ರ ಅಭಿಷೇಕ್ ಬಚ್ಚನ್, ಮಲಯಾಳಂನ ಮುಮ್ಮೂಟಿ ಮಗ ದುಲ್ಕರ್ ಸಲ್ಮಾನ್ ಅವರನ್ನು ಉದಾಹರಣೆ ನೀಡಿದ ಪ್ರಥಮ್ ಇವರೆಲ್ಲಾ ಚಿತ್ರರಂಗದಲ್ಲಿ ಮೂವತ್ತು, ನಲವತ್ತು ಚಿತ್ರಗಳನ್ನು ಮಾಡಿದ್ದು, ದಿಗ್ಗಜ ನಟನ ಮಗನಾಗಿ 125 ಚಿತ್ರಗಳಲ್ಲಿ ನಟಿಸಿ, ಇನ್ನೂ ಸಹ ಚಿತ್ರರಂಗದಲ್ಲಿ ಮುಂದುವರಿಯುತ್ತಿರುವ ಏಕೈಕ ನಟ ಶಿವ ರಾಜ್‌ಕುಮಾರ್ ಎಂದರು.

ರಾಜ್‌ಕುಮಾರ್ ಕಾಲದಲ್ಲೂ ಹೀರೊ, ಯಶ್ ಕಾಲದಲ್ಲೂ ಹೀರೊ..

ಇನ್ನೂ ಮುಂದುವರಿದು ಮಾತನಾಡಿದ ಪ್ರಥಮ್ ಶಿವ ರಾಜ್‌ಕುಮಾರ್ ತಮ್ಮ ತಂದೆ ಚಿತ್ರರಂಗವನ್ನು ಆಳುತ್ತಿದ್ದ ಕಾಲದಲ್ಲಿಯೂ ಸಹ ನಟನಾಗಿದ್ದರು, ಬಳಿಕ ವಿಷ್ಣುವರ್ಧನ್, ಶ್ರೀನಾಥ್ ನಟರಾಗಿದ್ದಲೂ ಸಹ ನಟನಾಗಿದ್ದರು, ರವಿಚಂದ್ರನ್, ನಟನಾಗಿದ್ದಾಗಲೂ ಸಹ ನಟನಾಗಿದ್ದರು, ಪುನೀತ್ ರಾಜ್‌ಕುಮಾರ್, ಸುದೀಪ್ ನಟರಾಗಿ ಚಿತ್ರರಂಗ ಪ್ರವೇಶಿಸಿದಾಗಲೂ ಸಹ ಶಿವಣ್ಣ ನಟ, ವಿಜಯ್ ರಾಘವೇಂದ್ರ ರೀತಿಯ ಯುವ ನಟರು ಕಾಲಿಟ್ಟಾಗಲೂ ಸಹ ಶಿವಣ್ಣ ನಟನಾಗಿದ್ದರು ಹಾಗೂ ಈಗ ಯಶ್ ಕಾಲದಲ್ಲೂ ಸಹ ಶಿವಣ್ಣ ನಟನಾಗಿದ್ದಾರೆ, ಈ ವಿ‍ಶಿಷ್ಟ ದಾಖಲೆಯನ್ನು ಯಾರೂ ಮಾಡಲಾಗಲ್ಲ ಎಂದು ಹೇಳಿದರು.