'ದಿ ವಿಲನ್' - 'ದಿ ಟೆರರಿಸ್ಟ್' ಮುಖಾಮುಖಿ : ಇದು ಕಾಂಪಿಟೇಶನ್ ಅಲ್ಲ ಎಂದ ರಾಗಿಣಿ

ಪಾಸಿಟಿವ್ ಆಗಿ ಯೋಚನೆ ಮಾಡಿದ್ದೇವೆ

''ದಿ ವಿಲನ್' ಹಾಗೂ 'ದಿ ಟೆರರಿಸ್ಟ್' ಎರಡು ಸಿನಿಮಾ ಒಟ್ಟಿಗೆ ಬರುತ್ತದೆ ಎಂದು ಯಾರಿಗೂ ತಿಳಿದಿರಲಿಲ್ಲ. ಎಲ್ಲವೂ ಆಗುವುದು ಒಂದು ಕಾರಣಕ್ಕೆ ಆಗುತ್ತದೆ. ಪಾಸಿಟಿವ್ ಆಗಿ ಯೋಚನೆ ಮಾಡಿ ಈ ಸಿನಿಮಾವನ್ನು ಅಕ್ಟೋಬರ್ 18 ರಂದು ಬಿಡುಗಡೆ ಮಾಡುತ್ತಿದ್ದೇವೆ. ನಾನು ಈ ಚಿತ್ರದ ಬಗ್ಗೆ ತುಂಬ ಉತ್ಸುಕಳಾಗಿದ್ದೇನೆ.'' - ರಾಗಿಣಿ ದ್ವಿವೇದಿ, ನಟಿ

ದೊಡ್ಡ ರೆಸ್ಪಾನ್ಸ್ ಬಂದಿದೆ

''ನಮಗೆ ಎಲ್ಲ ಕಡೆಯಿಂದ ಒಳ್ಳೆಯ ಪ್ರತಿಕ್ರಿಯೆ ಬಂದಿದೆ. ಹಿಂದಿ ಸೇರಿದಂತೆ ಬೇರೆ ಭಾಷೆಯ ಡಬ್ಬಿಂಗ್ ರೈಟ್ಸ್, ಸೆಟಲೈಟ್ ರೈಟ್ಸ್, ಆಡಿಯೋ ಎಲ್ಲದಕ್ಕೆ ದೊಡ್ಡ ರೆಸ್ಪಾನ್ಸ್ ಬಂದಿದೆ. ಪ್ರೇಕ್ಷಕರ ಕಡೆಯಿಂದ ನನ್ನ ಪಾತ್ರದ ಮೇಲೆ ಮತ್ತು ಸಿನಿಮಾದ ಮೇಲೆ ಪ್ರೀತಿ ಸಿಗುತ್ತಿದೆ ಎನ್ನುವ ಭರವಸೆ ಇದೆ.'' - ರಾಗಿಣಿ ದ್ವಿವೇದಿ, ನಟಿ

ಕಾಂಪಿಟೇಶನ್ ಗಿಂತ ಕನ್ನಡ ಸಿನಿಮಾ ಬೆಳೆಯುತ್ತಿದೆ

''ನಾವೆಲ್ಲರೂ ಒಂದೇ ಇಂಡಸ್ಟ್ರಿಯಲ್ಲಿ ಇದ್ದುಕೊಂಡು 'ಕನ್ನಡ ಸಿನಿಮಾ' ಮಾಡುತ್ತಿದ್ದೇವೆ. ಇಲ್ಲಿ ಕಾಂಪಿಟೇಶನ್ ಎನ್ನುವುದಕ್ಕಿಂತ ಕನ್ನಡ ಸಿನಿಮಾ ಬೆಳೆಯುತ್ತಿದೆ. ಒಳ್ಳೆಯ ಸಿನಿಮಾಗಳು ಬಂದರೆ ಚಿತ್ರರಂಗ ಬೆಳೆಯುತ್ತದೆ, ಚಿತ್ರರಂಗ ಬೆಳೆದರೆ ಎಲ್ಲರಿಗೂ ಒಳ್ಳೆಯ ಹೆಸರು ಬರುತ್ತದೆ. ಆ ಉದ್ದೇಶದಿಂದ ಸಿನಿಮಾವನ್ನು ಬಿಡುಗಡೆ ಮಾಡುತ್ತಿದ್ದೇವೆ.'' - ರಾಗಿಣಿ ದ್ವಿವೇದಿ, ನಟಿ

ಎರಡೂ ಚಿತ್ರಗಳನ್ನು ನೋಡಿ

''ನಾಲ್ಕು ದಿನ ರಜೆ ಇರುವ ಕಾರಣ ಎಲ್ಲರೂ ಸಿನಿಮಾ ನೋಡಿ. ಅವರ ಸಿನಿಮಾ ಇವರ ಸಿನಿಮಾ ಎನ್ನುವುದಕ್ಕಿಂತ ಎರಡೂ ಚಿತ್ರವನ್ನು ನೋಡಿ. ಈಗ ಕನ್ನಡ ಸಿನಿಮಾದ ಟ್ರೆಂಡ್ ಚೆನ್ನಾಗಿದೆ. ಒಳ್ಳೆಯ ಕಥೆಯ ಸಿನಿಮಾವನ್ನು ಜನ ನೋಡುತ್ತಿದ್ದಾರೆ. ನಮ್ಮ ಕಥೆ ಕೂಡ ಎಲ್ಲರಿಗೆ ಇಷ್ಟ ಆಗುತ್ತದೆ.'' - ರಾಗಿಣಿ ದ್ವಿವೇದಿ, ನಟಿ

'ದಿ ಟೆರರಿಸ್ಟ್' ಚಿತ್ರದ ಬಗ್ಗೆ

'ದಿ ಟೆರರಿಸ್ಟ್' ನಟಿ ರಾಗಿಣಿ ಅಭಿನಯದ ಹೊಸ ಸಿನಿಮಾವಾಗಿದೆ. ಪಿ ಸಿ ಶೇಖರ್ ಈ ಚಿತ್ರದ ನಿರ್ದೇಶನ ಮಾಡಿದ್ದಾರೆ. ಟೆರರಿಸಂ ಬಗ್ಗೆ ಈ ಚಿತ್ರದ ಕಥೆ ಇದೆ. ಪತ್ರಕರ್ತರು ಹಾಗೂ ರಂಗಭೂಮಿ ಕಲಾವಿದರಾದ ಪದ್ಮಾ ಶಿವಮೊಗ್ಗ ಚಿತ್ರದ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.