ನಿರ್ಮಾಪಕ/ನಿರ್ದೇಶಕರ ವಿರುದ್ಧ ರಚಿತಾ ರಾಮ್ ಕೆಂಗಣ್ಣು

ಧಾರಾವಾಹಿಗಳಲ್ಲಿ ಮಿಂಚುತ್ತಿದ್ದ ಬೆಂಗಳೂರಿನ ಬೊಂಬೆ ರಚಿತಾ ರಾಮ್ ಇಂದು ಸ್ಯಾಂಡಲ್ ವುಡ್ ನ ಬಹುಬೇಡಿಕೆಯ ನಾಯಕಿ. 'ಬುಲ್ ಬುಲ್' ಚಿತ್ರದ ಸೂಪರ್ ಸಕ್ಸಸ್ ನಂತ್ರ 'ಬುಲ್ ಬುಲ್' ರಚಿತಾ ಅಂತ್ಲೇ ಜನಪ್ರಿಯರಾಗಿರುವ ರಚಿತಾ ರಾಮ್, ಈಗ 'ರನ್ನ' ಚಿತ್ರದ ಮೂಲಕ ಪ್ರೇಕ್ಷಕರ ಮನಕದಿಯಲು ಸಜ್ಜಾಗುತ್ತಿದ್ದಾರೆ.

ಇದೇ ವಾರ ಕಿಚ್ಚ ಸುದೀಪ್ ಅಭಿನಯದ 'ರನ್ನ' ರಿಲೀಸ್ ಆಗುತ್ತಿದೆ. ಈ ವೇಳೆ ಕನ್ನಡ ಚಿತ್ರರಂಗದ ಕೆಲ ನಿರ್ಮಾಪಕ ಮತ್ತು ನಿರ್ದೇಶಕರುಗಳ ವಿರುದ್ಧ ನಟಿ ರಚಿತಾ ರಾಮ್ ಗರಂ ಆಗಿದ್ದಾರೆ. ಪರಭಾಷಾ ನಟಿಯರಿಗೆ ಮಣೆ ಹಾಕುವ ನಿರ್ಮಾಪಕರ ವಿರುದ್ಧ ಪ್ರತಿಭಟಿಸುವುದಕ್ಕೂ ಸಿದ್ಧ 'ಬುಲ್ ಬುಲ್' ಬೆಡಗಿ ಹೇಳಿದ್ದಾರೆ. ['ರನ್ನ' ಚಿತ್ರದ ಟೆಂಪರೇಚರ್ ಏರಿಸುತ್ತಿರುವ ಸೀರೆ ಹಾಡು]

ಜನಪ್ರಿಯ ದಿನಪತ್ರಿಕೆಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ನಟಿ ರಚಿತಾ ರಾಮ್, ''ಕನ್ನಡ ನಟಿಯರಿಗೆ ಪ್ರಾಮುಖ್ಯತೆ ಸಿಗುತ್ತಿಲ್ಲ. ಈ ಬಗ್ಗೆ ನಾನು ತುಂಬಾ ಅಪ್ ಸೆಟ್ ಆಗಿದ್ದೀನಿ. ಪರಭಾಷಾ ನಟಿಯರನ್ನೇ ಹಾಕಿಕೊಂಡು ಸಿನಿಮಾ ಮಾಡಬೇಕು ಅನ್ನುವ ಕೆಲ ನಿರ್ಮಾಪಕರು ಮತ್ತು ನಿರ್ದೇಶಕರುಗಳು ಇದ್ದಾರೆ. ಹೀಗೆ ಯಾಕೆ ಮಾಡ್ತಾರೆ ಅಂತ ನಂಗಂತೂ ಅರ್ಥ ಆಗಲ್ಲ'' ['ರನ್ನ' ಚಿತ್ರದ ರಂಗೀನ್ ಬುಲ್ ಬುಲ್ ಚಿತ್ರಗಳು]

''ಕನ್ನಡ ನಟಿಯರಲ್ಲಿ ಪ್ರತಿಭೆ ಇದೆ. ಚೆನ್ನಾಗಿ ನಟಿಸುವುದರ ಜೊತೆಗೆ ಡ್ಯಾನ್ಸ್ ಕೂಡ ಕಲಿತಿರುತ್ತಾರೆ. ಭಾಷೆ ಗೊತ್ತಿರುವ ಕಾರಣ ಭಾವನೆಗಳನ್ನ ಹೊರಹಾಕುವುದು ಸುಲಭ. ಇಂಥವರನ್ನ ಬಿಟ್ಟು ಪರಭಾಷಾ ನಟಿಯರಿಗೆ ಮಣೆ ಹಾಕುವ ನಿರ್ಮಾಪಕ/ನಿರ್ದೇಶಕರನ್ನ ಕಂಡರೆ ನಂಗಾಗೋಲ್ಲ. ಈ ವಿಚಾರವಾಗಿ ನಾನು ಪ್ರತಿಭಟಿಸೋಕು ಸಿದ್ಧ. ಗ್ಲಾಮರ್ ಕ್ಕಿಂತ ಪರ್ಫಾಮೆನ್ಸ್ ಮುಖ್ಯ'' ಅಂತ ಸಂದರ್ಶನದಲ್ಲಿ ರಚಿತಾ ರಾಮ್ ಹೇಳಿದ್ದಾರೆ. (ಏಜೆನ್ಸೀಸ್)