ಪ್ರಿಯಾ ವಾರಿಯರ್ ಮುಂದೆ ಡಮ್ಮಿ ಆಗೋದಳು ಸನ್ನಿ!

ಮೊದಲ ಸ್ಥಾನದಲ್ಲಿ ಪ್ರಿಯಾ

ಗೂಗಲ್ ನಲ್ಲಿ ಅತಿ ಹೆಚ್ಚು ಸರ್ಚ್ ಮಾಡಿದ ನಟಿಯರ ಪೈಕಿ ಪ್ರಿಯಾ ಪ್ರಕಾಶ್ ವಾರಿಯರ್ ಈಗ ಮೊದಲ ಸ್ಥಾನವನ್ನು ಪಡೆದಿದ್ದಾರೆ. ಬಾಲಿವುಡ್ ನಟಿ ಸನ್ನಿಲಿಯೋನ್ ಗೆ ಪ್ರಿಯಾ ದೊಡ್ಡ ಪೈಪೋಟಿ ನೀಡಿದ್ದಾರೆ.

ಎರಡನೇ ಸ್ಥಾನ ಸನ್ನಿಲಿಯೋನ್

ಇಷ್ಟು ದಿನ ಗೂಗಲ್ ಸಾಮ್ರಾಜ್ಯದ ಒಡತಿ ಆಗಿದ್ದ ಸನ್ನಿಲಿಯೋನ್ ಈಗ ಎರಡನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಪ್ರಿಯಾ ಮಾಡಿರುವ ಮೋಡಿಯ ಮುಂದೆ ಸನ್ನಿ ಮಂಕಾಗಿದ್ದಾರೆ.

ಉಳಿದ ಸ್ಥಾನದಲ್ಲಿ

ಬಾಲಿವುಡ್ ನಟಿಯರಾದ ಕತ್ರೀನಾ ಕೈಫ್, ಅನುಷ್ಕಾ ಶರ್ಮಾ, ದೀಪಿಕಾ ಪಡುಕೋಣೆ ನಂತರದ ಸ್ಥಾನವನ್ನು ಅಲಂಕರಿಸಿದ್ದಾರೆ.

'P' ಅಂದರೆ ಪ್ರಿಯಾ ಪ್ರಕಾಶ್

ಸದ್ಯಕ್ಕೆ 'ಪಿ' ಅಂದರೆ ಪ್ರಿಯಾ ಪ್ರಕಾಶ್ ವಾರಿಯರ್ ಎನ್ನುವ ಹಾಗೆ ಆಗಿದೆ. ಈಕೆಯ ಹವಾ ಯಾವ ಮಟ್ಟಿಗೆ ಇದೆ ಅಂದರೆ ಗೂಗಲ್ ನಲ್ಲಿ ಜಸ್ಟ್ 'P' ಎಂದು ಟೈಪ್ ಮಾಡಿದ್ದರೆ ಸಾಕು ಪ್ರಿಯಾ ಪ್ರಕಾಶ್ ಹೆಸರು ಮೊದಲು ಬರುತ್ತದೆ.

ಮಿಂಚಿನ ವೇಗದಲ್ಲಿ ಹೆಚ್ಚುತ್ತಿದೆ ಫಾಲೋವರ್ಸ್ ಸಂಖ್ಯೆ

ಸದ್ಯ ಪ್ರಿಯಾ ಅವರ ಫೇಸ್ ಬುಕ್ ಅಕೌಂಟ್ ಅನ್ನು 70 ಸಾವಿರ ಜನರು ಲೈಕ್ ಮಾಡಿದ್ದಾರೆ. ಇನ್ಟಾಗ್ರಾಮ್ ಖಾತೆಯಲ್ಲಿ 2.3 ಮಿಲಿಯನ್ ಜನರು ಫಾಲೋ ಮಾಡುತ್ತಿದ್ದಾರೆ. ಮಿಂಚಿನ ವೇಗದಲ್ಲಿ ಅವರ ಫಾಲೋವರ್ಸ್ ಸಂಖ್ಯೆ ಹೆಚ್ಚಾಗುತ್ತಿದೆ.

ಪ್ರಿಯಾ ಪ್ರಕಾಶ್ ವಾರಿಯರ್ ಬಗ್ಗೆ

ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಹಾಟ್ ಟಾಪಿಕ್ ಆಗಿರುವ ಈ ಹುಡುಗಿಯ ಹೆಸರು ಪ್ರಿಯಾ ಪ್ರಕಾಶ್ ವಾರಿಯರ್. 18 ವರ್ಷದ ಈ ಹುಡುಗಿ ಕೇರಳದ ತ್ರಿಶೂರ್ ನಲ್ಲಿರುವ ವಿಮಲ್ ಕಾಲೇಜಿನಲ್ಲಿ ಬಿ.ಕಾಂ ಓದುತ್ತಿದ್ದಾಳೆ. ಪ್ರಿಯಾ ಪ್ರಕಾಶ್ ವಾರಿಯರ್ 'ಒರು ಅಡಾರ್ ಲವ್' (Ooru adaar love) ಎಂಬ ಮಲೆಯಾಳಂ ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟಿದ್ದಾರೆ. ಪ್ರಿಯಾ ಮೊದಲ ಸಿನಿಮಾದ ಮೊದಲ ಹಾಡಿನ ದೃಶ್ಯದಿಂದಲೇ ಈಗ ಸಖತ್ ಫೇಮಸ್ ಆಗಿದ್ದಾರೆ.