ಸಿಸಿಎಲ್ ಮುಗಿದಿದೆ ಈಗ ಎಸ್ಸಿಎಲ್ ಶುರುವಾಗಲಿದೆ

ಈ ಬಾರಿ ಬಹು ನಿರೀಕ್ಷಿತ ಸಿನಿ ತಾರೆಯರ ರಾಜ್ ಕಪ್ ನಡೆಯಲಿಲ್ಲ. ರಾಜ್ ಕಪ್ ಶುರು ಮಾಡಿದ ಕಿಚ್ಚ ಸುದೀಪ್ ಈ ವರ್ಷದ ಅದನ್ನು ಮುಂದುವರಿಸೋಕೆ ಮನಸ್ಸು ಮಾಡಲಿಲ್ಲ. 'ಮಾಣಿಕ್ಯ' ಸಿನಿಮಾದಲ್ಲಿ ಬಿಜಿಯಾಗಿಬಿಟ್ರು ಅದರ ಜೊತೆಗೆ ಸೆಲೆಬ್ರಿಟಿ ಕ್ರಿಕೆಟ್ ಲೀಗ್ (ಸಿಸಿಎಲ್) ಬೇರೆ ಬಂತು.

ಆದರೆ ಈಗ ಸಿಸಿಎಲ್ ಮುಗಿದಿದೆ. ಸಿಸಿಎಲ್ ಆಡೋಕೆ ಕನ್ನಡ ಚಿತ್ರರಂಗವನ್ನ ಪ್ರತಿನಿಧಿಸೋಕೆ ಸಾಧ್ಯವಾಗೋದು 11 ಜನರಿಗೆ. ಹೆಚ್ಚೆಂದರೆ 15 ಜನರಿಗೆ ಮಾತ್ರ. ಆದರೆ ಕನ್ನಡ ಚಿತ್ರರಂಗದ ತಾರೆಯರ ಮತ್ತೊಮ್ಮೆ ಕ್ರಿಕೇಟ್ ಆಡೋದನ್ನ ನೋಡುವ ಭಾಗ್ಯ ಬರಲಿದೆ. ಅದು ಎಸ್ಸಿಎಲ್ ಅನ್ನೋ ಹೊಸ ಕಾನ್ಸೆಪ್ಟ್ ಮೂಲಕ. [ಸಿಸಿಎಲ್ 4 ಕಪ್ ಗೆದ್ದ ಕರ್ನಾಟಕ ಬುಲ್ಡೋಜರ್ಸ್]

ಇದರ ಜೊತೆಗೆ ಸಿನಿಮಾ ಪತ್ರಕರ್ತರಿಗೆ ಕೂಡ ತಂಡದಲ್ಲಿ ಆಡೋ ಅವಕಾಶ ಸಿಗಲಿದೆ. ಕ್ರಿಕೆಟ್ ಆಡೋ ನೂರಾರು ಪ್ರತಿಭೆಗಳು ಸ್ಯಾಂಡಲ್ ವುಡ್ ನಲ್ಲಿ ಇರುವಾಗ ಕೇವಲ 15 ಜನರು ಆಡಿದರೆ ಸಾಕಾ? ಸೋ ಕೆಲವು ನಿರ್ದೇಶಕರು ಈಗ ಈ ಎಸ್ಸಿಎಲ್ ಅನ್ನೋ ಮ್ಯಾಚ್ ಗೆ ಅಣಿಯಾಗುತ್ತಿದ್ದಾರೆ.