ನಟ ಕಿಚ್ಚ ಸುದೀಪ್ ಗೆ ಇದು 'ಸ್ವರ್ಗಕ್ಕೆ ಕಿಚ್ಚು ಹಚ್ಚು'ವ ಸಮಯ!

ಸುದೀಪ್ ಚಿತ್ರಗಳ ಗೆಲುವು

ಕಿಚ್ಚ ಸುದೀಪ್ ಕನ್ನಡದ ಸ್ಟಾರ್ ನಟ. ಸುದೀಪ್ ಗೆಲುವಿನ ಯಾತ್ರೆ ಜೋರಾಗಿ ಮುಂದುವರೆಯುತ್ತಿದೆ. 'ಹೆಬ್ಬುಲಿ', 'ರನ್ನ', 'ಮಾಣಿಕ್ಯ' ರೀತಿ ಬ್ಯಾಕ್ ಟು ಬ್ಯಾಕ್ ಸೂಪರ್ ಹಿಟ್ ಸಿನಿಮಾಗಳು ಸುದೀಪ್ ಅಕೌಂಟ್ ನಲ್ಲಿದೆ.

ಒಂದಾದ ಸುದೀಪ್ - ಪ್ರಿಯಾ ಜೋಡಿ

ಕೆಲ ವರ್ಷಗಳ ಹಿಂದೆ ವಿಚ್ಛೇದನಕ್ಕೆ ಅರ್ಜಿ ಹಾಕಿದ್ದ ಸುದೀಪ್ - ಪ್ರಿಯಾ ದಂಪತಿ ಇತ್ತೀಚಿಗಷ್ಟೆ ಅದನ್ನು ವಾಪಸ್ ತೆಗೆದುಕೊಂಡಿದ್ದಾರೆ. ಮಗಳಿಗಾಗಿ ಸುದೀಪ್ ಮತ್ತು ಪ್ರಿಯಾ ಮತ್ತೆ ಒಂದಾಗಿದ್ದಾರೆ.

ಹಾಲಿವುಡ್ ಎಂಟ್ರಿ

ಸುದೀಪ್ ಜನಪ್ರಿಯತೆ ಈಗ ಹಾಲಿವುಡ್ ವರೆಗೆ ಮುಟ್ಟಿದೆ. ಬಾಲಿವುಡ್ ಬಳಿಕ ಈಗ ಹಾಲಿವುಡ್ ನಲ್ಲಿಯೂ ಸುದೀಪ್ ಸಿನಿಮಾ ಮಾಡುತ್ತಿದ್ದಾರೆ. 'ರೈಸನ್' ಚಿತ್ರದ ಮೂಲಕ ಕನ್ನಡದ ಹೆಬ್ಬುಲಿ ಹಾಲಿವುಡ್ ಅಂಗಳಕ್ಕೆ ಕಾಲಿಟ್ಟಿದೆ.

ಟಾಲಿವುಡ್ ಸಿನಿಮಾ

'ಈಗ' ಮತ್ತು 'ಬಾಹುಬಲಿ' ಸಿನಿಮಾದ ನಂತರ ಮತ್ತೆ ಸುದೀಪ್ ಟಾಲಿವುಡ್ ನಲ್ಲಿ ದೊಡ್ಡ ಸಿನಿಮಾ ಮಾಡುತ್ತಿದ್ದಾರೆ. ಮೆಗಾಸ್ಟಾರ್ ಚಿರಂಜೀವಿ ಅವರ 'ಉಯ್ಯಾಲವಾಡ ನರಸಿಂಹ ರೆಡ್ಡಿ' ಚಿತ್ರದಲ್ಲಿ ಸುದೀಪ್ ನಟಿಸುತ್ತಿದ್ದಾರೆ.

ಟ್ವಿಟ್ಟರ್ ಫಾಲೋವರ್ಸ್

ನಟ ಕಿಚ್ಚ ಸುದೀಪ್ ಅಫೀಶಿಯಲ್ ಟ್ವಿಟ್ಟರ್ ಅಕೌಂಟ್ ನ ಫಾಲೋವರ್ಸ್ ಸಂಖ್ಯೆ ಈಗ 1 ಮಿಲಿಯನ್ ಗಡಿದಾಡಿದೆ. ಈ ಮೂಲಕ ಸುದೀಪ್ ಅತಿ ಹೆಚ್ಚು ಟ್ವಿಟ್ಟರ್ ಫಾಲೋವರ್ಸ್ ಹೊಂದಿರುವ ಕನ್ನಡದ ನಟನಾಗಿದ್ದಾರೆ.

ಕೈ ತುಂಬ ಸಿನಿಮಾಗಳು

ಸದ್ಯ ಸುದೀಪ್ ಕೈ ತುಂಬ ಸಿನಿಮಾಗಳಿದ್ದು, 'ಪೈಲ್ವಾನ್', 'ದಿ ವಿಲನ್', 'ಕೋಟಿಗೊಬ್ಬ 3', ಮತ್ತು 'ಬಿಗ್ ಬಾಸ್ ಸೀಸನ್ 5'ರಲ್ಲಿ ಸೇರಿದಂತೆ ಸಿಕ್ಕಾಪಟ್ಟೆ ಬಿಜಿ ಇದ್ದಾರೆ.

ಇನ್ನೇನು ಬೇಕು..

ಸಿನಿಮಾದ ಗೆಲುವು, ಕೌಟುಂಬಿಕ ಜೀವನ, ದೊಡ್ಡ ದೊಡ್ಡ ಅವಕಾಶಗಳು, ಅಭಿಮಾನಿಗಳು, ಜನಪ್ರಿಯತೆ ಹೀಗೆ ಎಲ್ಲ ಇರುವ ಸುದೀಪ್ ಸಂತಸಕ್ಕೆ ಇನ್ನೇನು ಬೇಕು ಹೇಳಿ.