ಆರಂಭದಲ್ಲಿಯೇ ಶಕ್ತಿ ಕಳೆದುಕೊಂಡ 'ಒಡೆಯ': ಮುಂದೆ ಏನಾಗುತ್ತೊ?

ಮೂರು ಹಾಡುಗಳು ಮನಸ್ಸು ಮುಟ್ಟಲಿಲ್ಲ

'ಒಡೆಯ' ಸಿನಿಮಾದ ಮೊದಲ ಹಾಡು ನವೆಂಬರ್ 7 ರಂದು ಬಿಡುಗಡೆ ಆಗಿತ್ತು. 'ಹೇ ಒಡೆಯ..' ಎನ್ನುವ ಈ ಹಾಡು ಚಿತ್ರದ ಟೈಟಲ್ ಹಾಡಾಗಿದೆ. ಆ ನಂತರ 'ಶಾನೆ ಲವ್ ಆಗೋಯ್ತಾಲೇ ನಂಜಿ..' ಹಾಡು ರಿಲೀಸ್ ಆಯ್ತು. ನಾಲ್ಕು ದಿನಗಳ ಹಿಂದೆ 'ಕಾಣೆಯಾಗಿರುವೆ ನಾನು..' ಹಾಡು ಹೊರ ಬಂದಿದೆ. ಈ ಮೂರು ಹಾಡುಗಳಲ್ಲಿಯೂ ಯಾವ ಹಾಡುಗಳಲ್ಲಿಯೂ ಒಂದು ಕ್ವಾಲಿಟಿ ಇಲ್ಲ.

ದರ್ಶನ್ ರೇಂಜ್ ಗೆ ಹಾಡುಗಳು ಇಲ್ಲ

ಈ ಹಾಡುಗಳು ಬಿಡುಗಡೆಯಾದಾಗ ಸೂಪರ್ ಫಾಸ್ಟ್ ನಲ್ಲಿ ಯೂ ಟ್ಯೂಬ್ ನಲ್ಲಿ ಮುನ್ನುಗಿದ್ದವು. ಆದರೆ, ಆ ನಂತರ ಹಾಡುಗಳನ್ನು ಕೇಳುವವರ ಸಂಖ್ಯೆ ಕಡಿಮೆ ಆಯ್ತು. ಸದ್ಯ, ಯೂಟ್ಯೂಬ್ ನಲ್ಲಿ ಮೊದಲ ಹಾಡು 1.8 ಮಿಲಿಯನ್ ಹಿಟ್ಸ್ ಪಡೆದುಕೊಂಡಿದೆ. ಎರಡನೇ ಹಾಡಿಗೆ 1.4 ಮಿಲಿಯನ್ ಹಿಟ್ಸ್ ಸಿಕ್ಕಿದೆ. ಮೂರನೇ ಹಾಡು 8 ಲಕ್ಷ ವ್ಯೂವ್ಸ್ ಆಗಿದೆ. ಇದು ಸಾಮಾನ್ಯವಾದ ಸಂಖ್ಯೆ ಅಲ್ಲದಿದ್ದರೂ, ದರ್ಶನ್ ರೇಂಜ್ ಗೆ ಇಲ್ಲ.

ಪೈಪೋಟಿಗಾಗಿ ಅಭಿಮಾನಿಗಳ ಒದ್ದಾಟ

ಕನ್ನಡದಲ್ಲಿ ಇದೀಗ ಸ್ಟಾರ್ ಗಳ ಮಧ್ಯೆ ಹೊಸ ಫೈಟ್ಸ್ ಹುಟ್ಟಿಕೊಂಡಿದೆ. ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲಿ ತಮ್ಮ ಮೆಚ್ಚಿನ ಸ್ಟಾರ್ ನಂಬರ್ 1 ಆಗಬೇಕು ಎಂದು ಹೋರಾಟ ಮಾಡುತ್ತಿದ್ದಾರೆ. ಹಾಗಾಗಿ ಯಾವುದೇ ಸಿನಿಮಾ ಹಾಡುಗಳು, ಟೀಸರ್, ಟ್ರೇಲರ್ ಗಳು ಬಂದು ಕಣ್ಣು ಮುಚ್ಚಿಕೊಂಡು ಲೈಕ್ ಶೇರ್ ಕಾಮೆಂಟ್ಸ್ ಮಾಡುತ್ತಾರೆ. 'ಒಡೆಯ' ಹಾಡುಗಳನ್ನು ಕೂಡ ಅಭಿಮಾನಿಗಳು ಹಿಂದೆ ಬೀಳಲು ಬಿಡುತ್ತಿಲ್ಲ.

ಹಾಡುಗಳ ಸೋಲಿಗೆ ಕಾರಣ ಏನು

ಸಿನಿಮಾಗೆ ಅರ್ಜುನ್ ಜನ್ಯ ಸಂಗೀತ ನೀಡುತ್ತಿದ್ದಾರೆ. ನಾಗೇಂದ್ರ ಪ್ರಸಾದ್ ಸಾಹಿತ್ಯ ಬರೆದಿದ್ದಾರೆ. ಈ ಇಬ್ಬರು ಸದ್ಯ ಟ್ರೆಂಡ್ ನಲ್ಲಿ ಇದ್ದಾರೆ. ಆದರೂ, ಈ ಸಿನಿಮಾದ ಹಾಡುಗಳು ಕ್ಲಿಕ್ ಆಗುತ್ತಿಲ್ಲ. ಇದೇ ಮೊದಲ ಬಾರಿಗೆ ಅರ್ಜುನ್ ಜನ್ಯ ನಿರ್ದೇಶಕ ಎಂ ಡಿ ಶ್ರೀಧರ್ ಜೊತೆಗೆ ಸಿನಿಮಾ ಮಾಡುತ್ತಿದ್ದಾರೆ. ಹೀಗಾಗಿ ಡೈರೆಕ್ಟರ್ ಹಾಗೂ ಮ್ಯೂಸಿಕ್ ಡೈರೆಕ್ಟರ್ ಕಾಂಬಿನೇಶನ್ ವರ್ಕ್ ಔಟ್ ಆಗುತ್ತಿಲ್ಲವೆನೋ.

ಇನ್ನೂ ಟ್ರೇಲರ್ ಬರಬೇಕು

'ಒಡೆಯ' ಸಿನಿಮಾದ ಹಾಡುಗಳು ಪ್ರೇಕ್ಷಕರನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿಲ್ಲ. ಹಾಗಾಗಿ ಸಿನಿಮಾದ ಮೇಲಿನ ನಿರೀಕ್ಷೆ ಕಡಿಮೆ ಆಗುತ್ತಿದೆ. ಸಿನಿಮಾದ ಟ್ರೇಲರ್ ಡಿಸೆಂಬರ್ 1 ಬರಲಿದೆ. ಈ ಟ್ರೇಲರ್ ನಂಬಿಕೆಗೆ ತಕ್ಕ ಹಾಗೆ ಇರುತ್ತದೆಯೇ ಎನ್ನುವ ಪ್ರಶ್ನೆ ಮೂಡಿದೆ. 'ಒಡೆಯ' ತಮಿಳಿನ 'ವೀರಂ' ಸಿನಿಮಾದ ರಿಮೇಕ್ ಆಗಿದ್ದು, ಜನ ಯಾವ ರೀತಿ ಸ್ವೀಕರಿಸುತ್ತಾರೆ ಎನ್ನುವ ಕುತೂಹಲವಿದೆ.