ಮಂಗಳೂರು 'ಮೊಟ್ಟೆ'ಗೆ ಇರುವ ಡಿಮ್ಯಾಂಡ್ ಅಷ್ಟಿಷ್ಟಲ್ಲ.!

'ಮೊಟ್ಟೆ'ಯ ರೀಮೇಕ್ ರೈಟ್ಸ್ ಗೆ ಸಖತ್ ಬೇಡಿಕೆ

ಸ್ಯಾಂಡಲ್ ವುಡ್ ನಲ್ಲಿ ಎಲ್ಲರ ಕಣ್ಣುಕುಕ್ಕುತ್ತಿರುವ 'ಒಂದು ಮೊಟ್ಟೆಯ ಕಥೆ' ಚಿತ್ರದ ರೀಮೇಕ್ ರೈಟ್ಸ್ ಗೆ ಬೇಡಿಕೆ ಹೆಚ್ಚಾಗಿದೆ. ಕಾಲಿವುಡ್ ನಿಂದ ಹಲವು ನಿರ್ಮಾಪಕರು/ವಿತರಕರು 'ಒಂದು ಮೊಟ್ಟೆಯ ಕಥೆ' ರೀಮೇಕ್ ರೈಟ್ಸ್ ಪಡೆಯಲು ಮಾತುಕತೆ ನಡೆಸಿದ್ದಾರಂತೆ.

ಎಲ್ಲರಿಗೂ ಮೆಚ್ಚುಗೆ ಆಗಿದೆ.!

ಈಗಾಗಲೇ 'ಒಂದು ಮೊಟ್ಟೆಯ ಕಥೆ' ಚಿತ್ರವನ್ನ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್, ಗೋಲ್ಡನ್ ಸ್ಟಾರ್ ಗಣೇಶ್, ರಕ್ಷಿತ್ ಶೆಟ್ಟಿ ಸೇರಿದಂತೆ ಹಲವು ಸ್ಟಾರ್ ನಟರು ವೀಕ್ಷಿಸಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಜನಪ್ರಿಯತೆ ಹೆಚ್ಚಾಗಿದೆ

'ಒಂದು ಮೊಟ್ಟೆಯ ಕಥೆ' ಚಿತ್ರದ ಜನಪ್ರಿಯತೆ ದಿನೇ ದಿನೇ ಹೆಚ್ಚಾಗುತ್ತಿರುವುದರಿಂದ, ಮಲ್ಟಿಪ್ಲೆಕ್ಸ್ ಗಳಲ್ಲಿ ಶೋಗಳ ಸಂಖ್ಯೆ ಡಬಲ್ ಆಗುವ ಸಾಧ್ಯತೆ ಇದೆ.

'ಒಂದು ಮೊಟ್ಟೆಯ ಕಥೆ' ಕುರಿತು....

ತಲೆಗೂದಲು ಇಲ್ಲದಿರುವ ವ್ಯಕ್ತಿ ಮದುವೆ ಆಗಲು ಹೊರಟಾಗ ಎದುರಿಸುವ ಅಪಹಾಸ್ಯ, ಅವಮಾನ ಕುರಿತಾದ ಒಂದು ಸರಳ ಹಾಗೂ ಸುಂದರ ಸಿನಿಮಾ 'ಒಂದು ಮೊಟ್ಟೆಯ ಕಥೆ'. ಮಂಗಳೂರು ಮೂಲಕ ರಾಜ್.ಬಿ.ಶೆಟ್ಟಿ ಈ ಚಿತ್ರವನ್ನ ನಿರ್ದೇಶಿಸಿರುವುದರ ಜೊತೆಗೆ ಮುಖ್ಯಪಾತ್ರದಲ್ಲಿ ಅಭಿನಯಿಸಿದ್ದಾರೆ.