ಪ್ರಥಮ್ ಹೇಳಿದ ಮನಕಲುಕುವ ಕತೆ: ಅಣ್ಣ-ತಂಗಿ ಒಂದು ಆಂಡ್ರಾಯ್ಡ್‌ ಮೊಬೈಲ್

ಅಣ್ಣ ಡಿಪ್ಲೆಮೊ, ತಂಗಿ ಎಂಜಿನಿಯರಿಂಗ್

ಅಣ್ಣ ಡಿಪ್ಲೆಮೊ ಓಡುತ್ತಿದ್ದಾನೆ. ತಂಗಿ ಎಂಜಿನಿಯರಿಂಗ್ ಓದುತ್ತಿದ್ದಾಳೆ. ಇಬ್ಬರಿಗೂ ಒಂದೇ ಸಮಯಕ್ಕೆ ಆನ್‌ಲೈನ್ ತರಗತಿ ಆರಂಭವಾಗುತ್ತದೆ. ಆದರೆ ಇರುವುದು ಒಂದೇ ಆಂಡ್ರಾಯ್ಡ್‌ ಮೊಬೈಲ್. ತಂಗಿ ಫೇಲ್ ಆದರೆ ಆಕೆಗೆ ಮದುವೆ ಮಾಡಿಬಿಡುತ್ತಾರೆ ಎಂಬ ಭಯದಲ್ಲಿ ಅಣ್ಣ ಆಂಡ್ರಾಯ್ಡ್ ಮೊಬೈಲ್‌ ಅನ್ನು ತಂಗಿಯ ಓದಿಗಾಗಿ ಕೊಟ್ಟುಬಿಟ್ಟಿದ್ದಾನೆ.

ಈ ವಿಷಯ ಪ್ರಥಮ್‌ ಗಮನಕ್ಕೆ ಬಂದಿದೆ

ಈ ವಿಷಯ ಅದೇ ಊರಿನವರೊಬ್ಬರಿಂದ ಪ್ರಥಮ್ ಅವರಿಗೆ ಗೊತ್ತಾಗಿದೆ. ಕೂಡಲೇ ಆ ಊರಿನ ಸಮೀಪದ ಮೊಬೈಲ್ ಅಂಗಡಿಯೊಬ್ಬರನ್ನು ಸಂಪರ್ಕಿಸಿ, ಕೂಡಲೆ ಒಂದೊಳ್ಳೆ ಆಂಡ್ರಾಯ್ಡ್ ಮೊಬೈಲ್ ಹಾಗೂ ಇಂಟರ್ನೆಟ್ ವೈಫೈ ಸಂಪರ್ಕವನ್ನು (ಮೂರು ತಿಂಗಳಿನದ್ದು) ಆ ಅಣ್ಣ-ತಂಗಿಯ ಮನೆಗೆ ನೀಡಿರೆಂದು ಮನವಿ ಮಾಡಿದ್ದಾರೆ ಪ್ರಥಮ್.

ಮುಂಗಡವಾಗಿ 4500 ಹಣ ಕೊಟ್ಟಿದ್ದಾರೆ

ಮೊಬೈಲ್‌ ನೀಡಲು ಮುಂಗಡವಾಗಿ 4500 ಹಣವನ್ನೂ ನೀಡಿದ್ದಾರೆ. ಇನ್ನೂ 13,000 ಹಣ ನೀಡಬೇಕಿದೆ. ಅದನ್ನು ಶೀಘ್ರದಲ್ಲಿಯೇ ನೀಡುತ್ತೇನೆ ಎಂದು ಬರೆದುಕೊಂಡಿದ್ದಾರೆ ಪ್ರಥಮ್. ಮೊಬೈಲ್ ಅಂಗಡಿಯವರೂ ಸಹ ಹೆಚ್ಚಿನ ಹಣಕ್ಕೆ ಬೇಡಿಕೆ ಇಡಲಿಲ್ಲವೆಂಬುದನ್ನೂ ಪೋಸ್ಟ್‌ನಲ್ಲಿ ಹೇಳಿದ್ದಾರೆ.

ವಿದ್ಯಾರ್ಥಿಗಳಿಗೋಸ್ಕರ ಹಲವು ಪ್ರಯತ್ನ

ವಿದ್ಯಾರ್ಥಿಗಳಿಗೋಸ್ಕರ ಹಲವು ಕಾರ್ಯಗಳನ್ನು ಪ್ರಥಮ್ ಮಾಡುತ್ತಿದ್ದಾರೆ. ಆನ್‌ಲೈನ್ ತರಗತಿಗಳು ಹಳ್ಳಿಗಾಡಿನ ವಿದ್ಯಾರ್ಥಿಗಳನ್ನು ತಲುಪುವುದಿಲ್ಲ. ಕೊರೊನಾ ಮುಗಿಯುವ ಮುನ್ನವೇ ಶಾಲೆಗಳು ತೆರೆಯುವುದು ಬೇಡ ಎಂಬ ನಿಲವನ್ನು ಇಟ್ಟುಕೊಂಡು ಈ ಬಗ್ಗೆ ರಾಜಕಾರಣಿಗಳನ್ನು ಸಂಪರ್ಕ ಮಾಡಿ ಅರ್ಥೈಸುವ ಕಾರ್ಯದಲ್ಲಿ ಪ್ರಥಮ್ ಮಗ್ನರಾಗಿದ್ದು, ಈ ಬಗ್ಗೆ ಮಾಹಿತಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.