'ಆಪರೇಷನ್ ಅಲಮೇಲಮ್ಮ'ನ ಹೊಸ ಅವತಾರ ನಾಳೆ ಬಹಿರಂಗ

ಸ್ಯಾಂಡಲ್ ವುಡ್ ನಲ್ಲಿ ಸದ್ಯ ನಿರೀಕ್ಷೆ ಹುಟ್ಟಿಸಿರುವ ಸಿನಿಮಾಗಳ ಪೈಕಿ 'ಆಪರೇಷನ್ ಅಲಮೇಲಮ್ಮ' ಚಿತ್ರ ಕೂಡ ಒಂದು. ಇಷ್ಟ ದಿನ ಟೀಸರ್ ಮೂಲಕ ಸೌಂಡ್ ಮಾಡಿದ್ದ ಈ ಚಿತ್ರದ ಟ್ರೈಲರ್ ನಾಳೆ ರಿಲೀಸ್ ಆಗಲಿದೆ.

ನಿರ್ದೇಶಕ ಸಿಂಪಲ್ ಸುನಿ 'ಆಪರೇಷನ್ ಅಲಮೇಲಮ್ಮ' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ. ಅಂದ್ಹಾಗೆ, ಸಿನಿಮಾದ ಮೊದಲ ಟ್ರೈಲರ್ ನಾಳೆ ರಿಲೀಸ್ ಮಾಡಲು ಸುನಿ ಅಂಡ್ ಟೀಂ ಪ್ಲಾನ್ ಮಾಡಿದೆ. ನಾಳೆ ಸಂಜೆ 7 ಗಂಟೆಗೆ ಚಿತ್ರದ ಟ್ರೈಲರ್ ಬಿಡುಗಡೆಯಾಗಲಿದೆ.

'ಆಪರೇಷನ್ ಅಲಮೇಲಮ್ಮ' ಚಿತ್ರದಲ್ಲಿ ಪರ್ಮಿ ಆಗಿ ನಟ ರಿಷಿ, ಅನನ್ಯ ಟೀಚರ್ ಆಗಿ ನಟಿ ಶ್ರದ್ಧಾ ಶ್ರೀನಾಥ್‌ ಕಾಣಿಸಿಕೊಂಡಿದ್ದಾರೆ. ಈ ಹಿಂದೆ ರಿಲೀಸ್ ಆದ ಟೀಸರ್ ನಲ್ಲಿ ಇಬ್ಬರ ಈ ಎರಡು ಪಾತ್ರಗಳನ್ನು ಪರಿಚಯಿಸಲಾಗಿತ್ತು.

'ಆಪರೇಷನ್ ಅಲಮೇಲಮ್ಮ' ಸಿನಿಮಾ ರೆಗ್ಯೂಲರ್ ಸುನಿ ಸ್ಟೈಲ್ ನಲ್ಲಿಯೇ ಇರಲಿದೆಯಂತೆ. ಥ್ರಿಲ್ಲರ್ ಕಾಮಿಡಿ ಜಾನರ್ ಸಿನಿಮಾ ಇದಾಗಿದ್ದು, ಚಿತ್ರದ ಡೈಲಾಗ್ ಸಿಕ್ಕಾಪಟ್ಟೆ ಮಜಾ ಕೊಡಲಿದೆ ಅಂತ ಹೇಳಲಾಗುತ್ತಿದೆ.