'ಕೆಜಿಎಫ್' ಟ್ರೈಲರ್ ನೋಡಿ ಅಚ್ಚರಿಗೊಂಡ ಪರಭಾಷೆ ತಾರೆಯರು

ರಾಶಿ ಖನ್ನಾ

ಸದ್ಯ, ತೆಲುಗು ಮತ್ತು ತಮಿಳು ಚಿತ್ರರಂಗದಲ್ಲಿ ಮೋಡಿ ಮಾಡುತ್ತಿರುವ ನಟ ರಾಶಿ ಖನ್ನಾ ಕೆಜಿಎಫ್ ಟ್ರೈಲರ್ ನೋಡಿ ಮೆಚ್ಚಿಕೊಂಡಿದ್ದಾರೆ. ಈ ಬಗ್ಗೆ ಟ್ವಿಟ್ಟರ್ ನಲ್ಲಿ ಸಂತಸ ವ್ಯಕ್ತಪಡಿಸಿರುವ ರಾಶಿ, ಕೆಜಿಎಫ್ ತಂಡಕ್ಕೆ ಆಲ್ ದಿ ಬೆಸ್ಟ ಹೇಳಿದ್ದಾರೆ.

ವಿಶಾಲ್ ಟ್ವೀಟ್

ಕೆಜಿಎಫ್ ಚಿತ್ರವನ್ನ ತಮಿಳಿನಲ್ಲಿ ಬಿಡುಗಡೆ ಮಾಡುತ್ತಿರುವ ನಟ ವಿಶಾಲ್, ತಮಿಳು ವರ್ಷನ್ ಟ್ರೈಲರ್ ಲಾಂಚ್ ಮಾಡಿದ್ರು. ಟ್ರೈಲರ್ ನೋಡಿ ಖುಷಿಯಾದ ವಿಶಾಲ್, ಯಶ್ ಮತ್ತು ತಂಡಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ವರ್ಮಾ ಅಂತೂ ಫುಲ್ ಶಾಕ್

ಭಾರತದ ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಸಾಮಾನ್ಯವಾಗಿ ಸಿನಿಮಾಗಳನ್ನ ಮೆಚ್ಚಿಕೊಳ್ಳುವುದಿಲ್ಲ. ಅಂತಹದ್ರಲ್ಲಿ ಯಶ್ ಅಭಿನಯದ ಕೆಜಿಎಫ್ ಟ್ರೈಲರ್ ನೋಡಿ ಫುಲ್ ಥ್ರಿಲ್ ಆಗಿದ್ದಾರೆ. 'ರೋಮಾಂಚನಗೊಳಿಸುವ 'ಕೆ.ಜಿ.ಎಫ್' ಟ್ರೈಲರ್ ನ ನೀವು ನೋಡಲೇಬೇಕು. ಉತ್ತರ ಭಾರತ ಚಿತ್ರಗಳಿಗಿಂತ ದಕ್ಷಿಣ ಭಾರತದ ಚಿತ್ರಗಳು ಬೆಳೆಯುತ್ತಿವೆ'' ಎಂದು ಶುಭಕೋರಿದ್ದಾರೆ.

ರಾಣಾ ದಗ್ಗು ಬಾಟಿ

ಬಾಹುಬಲಿ ಚಿತ್ರದಲ್ಲಿ ಭಲ್ಲಾಳದೇವನ ಪಾತ್ರದ ಮೂಲಕ ಭಾರತೀಯ ಸಿನಿ ಪ್ರೇಮಿಗಳ ಮನಸ್ಸು ಗೆದ್ದ ನಟ ರಾಣಾ ದಗ್ಗುಬಾಟಿ ಕೆಜಿಎಫ್ ಟ್ರೈಲರ್ ಕಂಡು ಆಲ್ ದಿ ಬೆಸ್ ಹೇಳಿದ್ದಾರೆ.

ಬಾಲಿವುಡ್ ವಿಶ್ಲೇಷಕ

ಹಿಂದಿ ಸಿನಿಮಾಗಳನ್ನ ವಿಮರ್ಶಕ ಹಾಗೂ ವಿಶ್ಲೇಷಕ ತರಣ್ ಆದರ್ಶ್ ಅವರು ಕೆಜಿಎಫ್ ಟ್ರೈಲರ್ ನೋಡಿ ಅಚ್ಚರಿಯಾಗಿದ್ದಾರೆ. 'ಅದ್ಭುತ' ಎಂದು ಟ್ವೀಟ್ ಮಾಡಿರುವ ಸಿನಿಮಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಫರಾನ್ ಅಖ್ತರ್

ಇನ್ನೂ ಹಿಂದಿಯಲ್ಲಿ ಕೆಜಿಎಫ್ ಚಿತ್ರವನ್ನ ವಿತರಣೆ ಮಾಡುತ್ತಿರುವವರ ಪೈಕಿ ಫರಾನ್ ಅಖ್ತರ್ ಕೂಡ ಒಬ್ಬರು. ಫರಾನ್ ಕೂಡ ಕೆಜಿಎಫ್ ಟ್ರೈಲರ್ ನೋಡಿ ಹ್ಯಾಪಿಯಾಗಿದ್ದಾರೆ.