ಹೊಸ ಇತಿಹಾಸ ಸೃಷ್ಟಿಸಿದ 'ಪೈಲ್ವಾನ್': ಇದು ಕನ್ನಡದಲ್ಲಿ ಮೊದಲು

ಅತಿ ಹೆಚ್ಚು ವೀವ್ಸ್ ಪಡೆದ ಪೈಲ್ವಾನ್

ಇತ್ತೀಚಿನ ವರ್ಷಗಳಲ್ಲಿ ತೆರೆಕಂಡಿದ್ದ ಕನ್ನಡ ಸಿನಿಮಾ ಟೀಸರ್ ಗಳ ಪೈಕಿ ಪೈಲ್ವಾನ್ ಟೀಸರ್ ಅತಿ ಹೆಚ್ಚು ವೀಕ್ಷಣೆ ಕಂಡಿದೆ. ಜನವರಿ 15 ರಂದು ರಿಲೀಸ್ ಆಗಿದ್ದ ಪೈಲ್ವಾನ್ ಟೀಸರ್, ಫೆಬ್ರವರಿ 7 ಕ್ಕೆ 43 ಲಕ್ಷ (43,00,056) ವೀವ್ಸ್ ಪಡೆದುಕೊಂಡಿದೆ. ಇದು ಕನ್ನಡ ಚಿತ್ರರಂಗದ ಮಟ್ಟಿಗೆ ಹೊಸ ದಾಖಲೆ.

ಅತಿ ಹೆಚ್ಚು ಲೈಕ್ಸ್

ಇದೇ ಪೈಲ್ವಾನ್ ಟೀಸರ್ ಅತಿ ಹೆಚ್ಚು ವೀವ್ಸ್ ಪಡೆಯುವುದರ ಜೊತೆಗೆ ಅತಿ ಹೆಚ್ಚು ಲೈಕ್ಸ್ ಕೂಡ ಪಡೆದುಕೊಂಡಿದೆ. 150k ಲೈಕ್ಸ್ 10k ಡಿಸಲೈಕ್ಸ್ ಪಡೆದುಕೊಂಡಿದೆ. ಅಲ್ಲಿಗೆ 150k ಲೈಕ್ ಪಡೆದ ಮೊದಲ ಕನ್ನಡ ಟೀಸರ್ ಎನ್ನಲಾಗಿದೆ.

ಕೆಜಿಎಫ್, ದಿ ವಿಲನ್, ಯಜಮಾನ ಎಷ್ಟಿದೆ?

ಪೈಲ್ವಾನ್ ಸಿನಿಮಾ ಟೀಸರ್ ವೀಕ್ಷಣೆ ಮತ್ತು ಲೈಕ್ಸ್ ಸಂಖ್ಯೆ ನೋಡಿದ ನಂತರ ಈ ಹಿಂದಿನ ಸಿನಿಮಾಗಳು ಎಷ್ಟು ಪಡೆದಿರಬಹುದು ಎಂಬ ಕುತೂಹಲ ಹುಟ್ಟಿಕೊಂಡಿತು. ಹಾಗ್ನೋಡಿದ್ರೆ, ಕೆಜಿಎಫ್ ಮೇಕಿಂಗ್ ಟೀಸರ್ ಬಿಟ್ಟರೇ ಬೇರೆ ಟೀಸರ್ ಬಿಟ್ಟಿರಲಿಲ್ಲ. ಆದ್ರೂ, ಆ ಟೀಸರ್ ಈ ದಾಖಲೆ ಮಾಡಿಲ್ಲ. ದಿ ವಿಲನ್ ಚಿತ್ರದ ನಾಲ್ಕೈದು ಟೀಸರ್ ಗಳು ಬಂದಿದೆ. ಆದ್ರೂ ಅವು ಕೂಡ ಇಷ್ಟು ಸಂಖ್ಯೆ ಹೊಂದಿಲ್ಲ. ಯಜಮಾನ ಟೈಟಲ್ ಹಾಗೂ ಮೋಷನ್ ಟೀಸರ್ ಬಂದಿದೆ. ಈ ಟೀಸರ್ ಗಳು ಇಷ್ಟು ವೀವ್ಸ್ ಕಂಡಿಲ್ಲ.

ಸಮ್ಮರ್ ಗೆ ಪೈಲ್ವಾನ್?

ಬಹುತೇಕ ಕೊನೆಯ ಹಂತ ಶೂಟಿಂಗ್ ನಲ್ಲಿರುವ ಪೈಲ್ವಾನ್ ಸಿನಿಮಾ ಸಮ್ಮರ್ ಹಾಲಿಡೇಗೆ ತೆರೆ ಮೇಲೆ ಬರುತ್ತೆ ಎನ್ನಲಾಗಿದೆ. ಹೆಬ್ಬುಲಿ ಖ್ಯಾತಿಯ ಕೃಷ್ಣ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದು, ಆಕಾಂಕ್ಷ ಸಿಂಗ್ ನಾಯಕಿಯಾಗಿ ನಟಿಸಿದ್ದಾರೆ.