'D 53' ಪೋಸ್ಟರ್ ಹಿಂದಿನ ಪ್ರತಿಭಾವಂತ ಇವರೇ

ಪರಿವರ್ತನ್ ಬರೆದ ಚಿತ್ರ

'D 53' ಸಿನಿಮಾದ ಈ ಪೋಸ್ಟರ್ ಡಿಸೈನ್ ಮಾಡಿದವರು ಪರಿವರ್ತನ್. ಯಾವುದೇ ಕಂಪ್ಯೂಟರ್ ಗ್ರಾಫಿಕ್ ಬಳಸದೆ, ಬರೀ ಕೈ ನಲ್ಲಿ ಅವರು ಈ ಚಿತ್ರ ಬರೆದಿದ್ದಾರಂತೆ. ಪೋಸ್ಟರ್ ಗೆ ಎಲ್ಲ ಕಡೆ ದೊಡ್ಡ ಪ್ರತಿಕ್ರಿಯೆ ಸಿಕ್ಕಿದ್ದು, ಪರಿವರ್ತನ್ ಕೂಡ ಖುಷಿಯಾಗಿದ್ದಾರೆ.

ಇಂಡಸ್ಟ್ರಿಗೆ ಬಂದು ನಾಲ್ಕು ವರ್ಷವಾಗಿದೆ

ಕಡಿಮೆ ಸಿನಿಮಾ ಮಾಡಿದರೂ ಪರವಾಗಿಲ್ಲ ಒಳ್ಳೆಯ ಸಿನಿಮಾಗೆ ಕೆಲಸ ಮಾಡಬೇಕು ಎನ್ನುವುದು ಪರಿವರ್ತನ್ ಅವರ ಅಭಿಪ್ರಾಯ. ಅದೇ ಕಾರಣಕ್ಕೆ ಅವರು ತಮಗೆ ಬರುವ ಅವಕಾಶದಲ್ಲಿ ಎಲ್ಲವನ್ನು ಒಪ್ಪಿಕೊಳ್ಳುವುದಿಲ್ಲವಂತೆ. ಇಂಡಸ್ಟ್ರಿಗೆ ಬಂದು ನಾಲ್ಕು ವರ್ಷವಾಗಿದ್ದು, 20 ರಿಂದ 30 ಸಿನಿಮಾಗೆ ಕೆಲಸ ಮಾಡಿದ್ದಾರಂತೆ.

ನಿರ್ದೇಶಕರ ತಂಡದಲ್ಲಿ ಕೆಲಸ

ಮೂಲತಃ ಸಕಲೇಶಪುರದ ಪರಿವರ್ತನ್ ಮೈಸೂರಿನ ಒಂದು ಕಾಲೇಜಿನಲ್ಲಿ ಆರು ವರ್ಷ ಮಾಸ್ಟರ್ ಡಿಗ್ರಿ ಕೋರ್ಸ್ ಮುಗಿಸಿದ್ದಾರೆ. ಚಿತ್ರ ಬರೆಯುವುದು ಅಂದರೆ ಅವರಿಗೆ ನೀರು ಕುಡಿದಷ್ಟು ಸುಲಭ. ಟೈಟಲ್ ಡಿಸೈನ್ ಮಾಡುವ ಮೂಲಕವೇ ಚಿತ್ರರಂಗಕ್ಕೆ ಬಂದ ಅವರು ಸದ್ಯ ಡೈರೆಕ್ಷನ್ ಟೀಂ ನಲ್ಲಿಯೂ ಕೆಲಸ ಮಾಡುತ್ತಿದ್ದಾರೆ.

ದರ್ಶನ್ ಅಭಿಮಾನಿ

ಪರಿವರ್ತನ್, ನಟ ದರ್ಶನ್ ಅವರ ಅಭಿಮಾನಿಯಂತೆ. ದರ್ಶನ್ ಫ್ಯಾನ್ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುವ ಅವರು, ಈಗ ಅವ್ರ ಬಾಸ್ ಸಿನಿಮಾಗೆ ಕೆಲಸ ಮಾಡುತ್ತಿದ್ದಾರೆ. ದರ್ಶನ್ ಕೂಡ ಈ ಪೋಸ್ಟರ್ ಅನ್ನು ಬಹಳ ಇಷ್ಟ ಪಟ್ಟಿದ್ದಾರಂತೆ.

'ಹೆಬ್ಬುಲಿ' ಟೈಟಲ್ ಡಿಸೈನ್

ಸುದೀಪ್ ಅವರ 'ಹೆಬ್ಬುಲಿ' ಚಿತ್ರದ ಟೈಟಲ್ ಡಿಸೈನ್ ತುಂಬ ಫೇಮಸ್ ಆಗಿತ್ತು. ಆ ಡಿಸೈನ್ ಕೂಡ ಮಾಡಿದ್ದು, ಪರಿವರ್ತನ್ ಅವರೇ. ಅಲ್ಲದೆ 'ಹೆಬ್ಬುಲಿ' ಸಿನಿಮಾದ ನಿರ್ದೇಶಕರ ತಂಡದಲ್ಲಿ ಕೆಲಸ ಮಾಡಿದ್ದ, ಇವರು ಈಗ 'ಡಿ 53' ಸಿನಿಮಾದ ಡೈರೆಕ್ಷನ್ ಟೀಂ ನಲ್ಲಿ ಸಹ ಇದ್ದಾರೆ.

ತರುಣ್ ಕೆಲಸ ಮಾಡಿಸಿಕೊಂಡರು

ತಮ್ಮ ಪೋಸ್ಟರ್ ಬಗ್ಗೆ ಮಾತನಾಡಿದ ಪರಿವರ್ತನ್ ''ಡೈರೆಕ್ಟರ್ ತರುಣ್ ಸುಧೀರ್ ಹಾಗೂ ಸಾಯಿ ಕೃಷ್ಣ ಅವರು ನನ್ನಿಂದ ಕೆಲಸ ತೆಗೆಸಿಕೊಂಡರು. ತರುಣ್ ಅವರ ಕಥೆಗೆ ತಕ್ಕಂತೆ ಪೋಸ್ಟರ್ ಬಂದಿದೆ.'' ಎಂದು ತಮ್ಮ ಖುಷಿಯನ್ನು ಹಂಚಿಕೊಂಡರು.