»   » 'D 53' ಪೋಸ್ಟರ್ ಹಿಂದಿನ ಪ್ರತಿಭಾವಂತ ಇವರೇ

'D 53' ಪೋಸ್ಟರ್ ಹಿಂದಿನ ಪ್ರತಿಭಾವಂತ ಇವರೇ

Subscribe to Filmibeat Kannada
For Quick Alerts
ALLOW NOTIFICATIONS
For Daily Alerts

    ಒಬ್ಬ ಪ್ರತಿಭಾವಂತ ತನಗೆ ಒಂದು ಸಣ್ಣ ಅವಕಾಶ ಸಿಕ್ಕರೂ ತಾನೇನು ಅಂತ ಸಾಬೀತು ಮಾಡಿಕೊಳ್ಳಬೇಕು. ಈಗ ಅದೇ ರೀತಿ ಒಬ್ಬ ಟ್ಯಾಲೆಂಟೆಡ್ ಹುಡುಗ ತನ್ನ ಕೆಲಸದ ಮೂಲಕ ಎಲ್ಲರ ಮೆಚ್ಚುಗೆಗಳಿಸಿದ್ದಾನೆ.

    ನಟ ದರ್ಶನ್ ಅಭಿನಯದ 53 ಸಿನಿಮಾದ ಮೊದಲ ಪೋಸ್ಟರ್ ನಿನ್ನೆ ಬಿಡುಗಡೆಯಾಗಿದೆ. ದರ್ಶನ್ ಅಭಿಮಾನಿಗಳು ಪೋಸ್ಟರ್ ನೋಡಿ ದಿಲ್ ಖುಷಿ ಆಗಿದ್ದಾರೆ. ಬೇರೆಲ್ಲ ಸಿನಿಮಾಗಳಿಂತ ಈ ಪೋಸ್ಟರ್ ತುಂಬ ವಿಭಿನ್ನ ಹಾಗೂ ವಿಶೇಷವಾಗಿದೆ.

    ಇದೇ ನೋಡಿ ದರ್ಶನ್ 'D 53' ಚಿತ್ರದ ಪೋಸ್ಟರ್

    ಫಸ್ಟ್ ಇಂಪ್ರೆಷನ್ ಬೆಸ್ಟ್ ಇಂಪ್ರೆಷನ್ ಎನ್ನುವ ಹಾಗೆ ಪೋಸ್ಟರ್ ಮೊದಲ ನೋಟಕ್ಕೆ ಇಷ್ಟವಾಗಿದೆ. ಸದ್ಯ ಎಲ್ಲ ಕಡೆ ಟ್ರೆಂಡ್ ಆಗುತ್ತಿರುವ ಈ ಪೋಸ್ಟರ್ ಯಾರು ಮಾಡಿದರು ಎಂಬ ನಿರೀಕ್ಷೆ ಎಲ್ಲರಿಗೆ ಇರುತ್ತದೆ. 'D 53' ಪೋಸ್ಟರ್ ಹಿಂದಿನ ಪ್ರತಿಭೆ ಯಾರು ಎಂಬ ವಿವರ ಮುಂದಿದೆ ಓದಿ...

    ಪರಿವರ್ತನ್ ಬರೆದ ಚಿತ್ರ

    'D 53' ಸಿನಿಮಾದ ಈ ಪೋಸ್ಟರ್ ಡಿಸೈನ್ ಮಾಡಿದವರು ಪರಿವರ್ತನ್. ಯಾವುದೇ ಕಂಪ್ಯೂಟರ್ ಗ್ರಾಫಿಕ್ ಬಳಸದೆ, ಬರೀ ಕೈ ನಲ್ಲಿ ಅವರು ಈ ಚಿತ್ರ ಬರೆದಿದ್ದಾರಂತೆ. ಪೋಸ್ಟರ್ ಗೆ ಎಲ್ಲ ಕಡೆ ದೊಡ್ಡ ಪ್ರತಿಕ್ರಿಯೆ ಸಿಕ್ಕಿದ್ದು, ಪರಿವರ್ತನ್ ಕೂಡ ಖುಷಿಯಾಗಿದ್ದಾರೆ.

    ಇಂಡಸ್ಟ್ರಿಗೆ ಬಂದು ನಾಲ್ಕು ವರ್ಷವಾಗಿದೆ

    ಕಡಿಮೆ ಸಿನಿಮಾ ಮಾಡಿದರೂ ಪರವಾಗಿಲ್ಲ ಒಳ್ಳೆಯ ಸಿನಿಮಾಗೆ ಕೆಲಸ ಮಾಡಬೇಕು ಎನ್ನುವುದು ಪರಿವರ್ತನ್ ಅವರ ಅಭಿಪ್ರಾಯ. ಅದೇ ಕಾರಣಕ್ಕೆ ಅವರು ತಮಗೆ ಬರುವ ಅವಕಾಶದಲ್ಲಿ ಎಲ್ಲವನ್ನು ಒಪ್ಪಿಕೊಳ್ಳುವುದಿಲ್ಲವಂತೆ. ಇಂಡಸ್ಟ್ರಿಗೆ ಬಂದು ನಾಲ್ಕು ವರ್ಷವಾಗಿದ್ದು, 20 ರಿಂದ 30 ಸಿನಿಮಾಗೆ ಕೆಲಸ ಮಾಡಿದ್ದಾರಂತೆ.

    ಟ್ರೆಂಡ್ ಆಯ್ತು 'ಡಿ 53' : ದರ್ಶನ್ ಸ್ಟೈಲ್ ನಲ್ಲಿ ಅವ್ರ ಫ್ಯಾನ್ಸ್

    ನಿರ್ದೇಶಕರ ತಂಡದಲ್ಲಿ ಕೆಲಸ

    ಮೂಲತಃ ಸಕಲೇಶಪುರದ ಪರಿವರ್ತನ್ ಮೈಸೂರಿನ ಒಂದು ಕಾಲೇಜಿನಲ್ಲಿ ಆರು ವರ್ಷ ಮಾಸ್ಟರ್ ಡಿಗ್ರಿ ಕೋರ್ಸ್ ಮುಗಿಸಿದ್ದಾರೆ. ಚಿತ್ರ ಬರೆಯುವುದು ಅಂದರೆ ಅವರಿಗೆ ನೀರು ಕುಡಿದಷ್ಟು ಸುಲಭ. ಟೈಟಲ್ ಡಿಸೈನ್ ಮಾಡುವ ಮೂಲಕವೇ ಚಿತ್ರರಂಗಕ್ಕೆ ಬಂದ ಅವರು ಸದ್ಯ ಡೈರೆಕ್ಷನ್ ಟೀಂ ನಲ್ಲಿಯೂ ಕೆಲಸ ಮಾಡುತ್ತಿದ್ದಾರೆ.

    ದರ್ಶನ್ ಅಭಿಮಾನಿ

    ಪರಿವರ್ತನ್, ನಟ ದರ್ಶನ್ ಅವರ ಅಭಿಮಾನಿಯಂತೆ. ದರ್ಶನ್ ಫ್ಯಾನ್ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುವ ಅವರು, ಈಗ ಅವ್ರ ಬಾಸ್ ಸಿನಿಮಾಗೆ ಕೆಲಸ ಮಾಡುತ್ತಿದ್ದಾರೆ. ದರ್ಶನ್ ಕೂಡ ಈ ಪೋಸ್ಟರ್ ಅನ್ನು ಬಹಳ ಇಷ್ಟ ಪಟ್ಟಿದ್ದಾರಂತೆ.

    ಸಿನಿ ಪ್ರಿಯರಿಗಾಗಿ ಬಂದ ಹಬ್ಬದ ಉಡುಗೊರೆಗಳು

    'ಹೆಬ್ಬುಲಿ' ಟೈಟಲ್ ಡಿಸೈನ್

    ಸುದೀಪ್ ಅವರ 'ಹೆಬ್ಬುಲಿ' ಚಿತ್ರದ ಟೈಟಲ್ ಡಿಸೈನ್ ತುಂಬ ಫೇಮಸ್ ಆಗಿತ್ತು. ಆ ಡಿಸೈನ್ ಕೂಡ ಮಾಡಿದ್ದು, ಪರಿವರ್ತನ್ ಅವರೇ. ಅಲ್ಲದೆ 'ಹೆಬ್ಬುಲಿ' ಸಿನಿಮಾದ ನಿರ್ದೇಶಕರ ತಂಡದಲ್ಲಿ ಕೆಲಸ ಮಾಡಿದ್ದ, ಇವರು ಈಗ 'ಡಿ 53' ಸಿನಿಮಾದ ಡೈರೆಕ್ಷನ್ ಟೀಂ ನಲ್ಲಿ ಸಹ ಇದ್ದಾರೆ.

    ತರುಣ್ ಕೆಲಸ ಮಾಡಿಸಿಕೊಂಡರು

    ತಮ್ಮ ಪೋಸ್ಟರ್ ಬಗ್ಗೆ ಮಾತನಾಡಿದ ಪರಿವರ್ತನ್ ''ಡೈರೆಕ್ಟರ್ ತರುಣ್ ಸುಧೀರ್ ಹಾಗೂ ಸಾಯಿ ಕೃಷ್ಣ ಅವರು ನನ್ನಿಂದ ಕೆಲಸ ತೆಗೆಸಿಕೊಂಡರು. ತರುಣ್ ಅವರ ಕಥೆಗೆ ತಕ್ಕಂತೆ ಪೋಸ್ಟರ್ ಬಂದಿದೆ.'' ಎಂದು ತಮ್ಮ ಖುಷಿಯನ್ನು ಹಂಚಿಕೊಂಡರು.

    English summary
    Parivarthan designed kannada actor Darshan's 53rd movie poster. The movie will be directed by Tharun Sudhir.

    Kannada Photos

    Go to : More Photos

    ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more