twitter
    For Quick Alerts
    ALLOW NOTIFICATIONS  
    For Daily Alerts

    ಡ್ರಗ್ಸ್ ಪ್ರಕರಣ: ನಟಿಯರ ಖಾಸಗಿ ವಿಡಿಯೋ ಸೋರಿಕೆ ಮಾಡಿದವರ ವಿರುದ್ಧ ಸಿಡಿದೆದ್ದ ನಟಿ ಪಾರುಲ್

    |

    ಸ್ಯಾಂಡಲ್ ವುಡ್ ನಟಿ ಪಾರುಲ್ ಯಾದವ್ ಡ್ರಗ್ಸ್ ಪ್ರಕರಣದ ತನಿಖೆ ವಿಧಾನದ ವಿರುದ್ಧ ಸಿಡಿದೆದ್ದಿದ್ದಾರೆ. ಮಾದಕ ವಸ್ತು ಸೇವನೆಯ ಪಿಡುಗು ಎಲ್ಲಾ ವಿಭಾಗದಲ್ಲಿಯೂ ಇದೆ. ಆದರೆ ಚಿತ್ರರಂಗದವರನ್ನ ಮಾತ್ರ ಹೈಲೆಟ್ ಮಾಡುತ್ತಿರುವುದು ಎಷ್ಟು ಸರಿ ಎಂದು ನಟಿ ಪಾರುಲ್ ಪ್ರಶ್ನಿಸಿದ್ದಾರೆ.

    ನಟಿಯರನ್ನು ಬಂಧಿಸಿ ಅವರ ಖಾಸಗಿ ವಿಡಿಯೋಗಳನ್ನು ಲೀಕ್ ಮಾಡುತ್ತಿರುವ ವಿರುದ್ಧ ಪಾರುಲ್ ಅಸಮಾಧಾನ ಹೊರಹಾಕಿದ್ದಾರೆ. ದೇಶದಲ್ಲಿ ಭಯಾನಕ ಸಮಸ್ಯೆಗಳು ಸಾಕಷ್ಟಿವೆ. ಆದರೆ ಅಂತಹ ವಿಷಯಗಳು ಯಾಕೆ ಚರ್ಚೆಯಾಗುತ್ತಿಲ್ಲ, ಜನರ ಗಮನವನ್ನು ಬೇರೆಡೆ ಸೆಳೆಯಲು ಸರ್ಕಾರ ಬೇಕು ಅಂತನೆ ಹೆಣೆದಿರುವ ತಂತ್ರವಿದು ಎಂದು ಪಾರುಲ್ ಹೇಳಿದ್ದಾರೆ. ಈ ಬಗ್ಗೆ ಪಾರುಲ್ ಸಾಮಾಜಿಕ ಜಾಲತಾಣದಲ್ಲಿ ದೀರ್ಘವಾದ ಪತ್ರ ಬರೆದಿದ್ದಾರೆ. ಮುಂದೆ ಓದಿ...

    ಮತ್ತೆ ಐಪಿಎಲ್ ಶುರುವಾಗಿದ್ದಕ್ಕೆ ಪಾರೂಲ್ ಯಾದವ್ ಫುಲ್ ಖುಷ್ಮತ್ತೆ ಐಪಿಎಲ್ ಶುರುವಾಗಿದ್ದಕ್ಕೆ ಪಾರೂಲ್ ಯಾದವ್ ಫುಲ್ ಖುಷ್

    ಜನರ ಗಮನ ಬೇರೆಡೆ ಸೆಳೆಯಲು ಮಾಡುತ್ತಿರುವ ಕೆಲಸವಿದು

    ಜನರ ಗಮನ ಬೇರೆಡೆ ಸೆಳೆಯಲು ಮಾಡುತ್ತಿರುವ ಕೆಲಸವಿದು

    "ಮಾದಕ ವಸ್ತು ಸೇವನೆ ಗಂಭೀರ ಸಮಸ್ಯೆ ಎನ್ನುವುದು ನನಗೆ ತಿಳಿದಿದೆ. ಇದನ್ನು ನಿರ್ಮೂಲನೆ ಮಾಡಲು ಎಲ್ಲ ರೀತಿಯ ಪ್ರಯತ್ನವೂ ನಡೆಯಬೇಕು. ಡ್ರಗ್ಸ್ ಸೇವನೆಯನ್ನು ನಾನು ಎಂದಿಗೂ ಒಪ್ಪಿಕೊಳ್ಳುವುದಿಲ್ಲ. ಆದರೆ ದೇಶದ ಅತ್ಯುನ್ನತ ತನಿಖಾ ಸಂಸ್ಥೆಗಳು ತಮ್ಮ ಸಾಮರ್ಥ್ಯವನ್ನು ಈ ಮೂವರು ಮಹಿಳೆಯರ ಮೇಲೆ ಕೇಂದ್ರೀಕರಿಸಿವೆ. ಸರ್ಕಾರ ಕೊರೊನಾ ವೈರಸ್‌ ನಿಯಂತ್ರಿಸುವಲ್ಲಿ ವಿಫಲ ಆಗಿದೆ. ಆರ್ಥಿಕತೆ ಕುಸಿದಿದೆ. ಚೀನಾದಿಂದ ಅಪಾಯ ಎದುರಾಗಿದೆ. ಎಲ್ಲರ ಗಮನವನ್ನು ಬೇರೆಡೆಗೆ ಸೆಳೆಯಲು ಸರ್ಕಾರಕ್ಕೆ ಈ ವಿಚಾರ ಬೇಕಾಗಿತ್ತು ಎಂದೆನಿಸುತ್ತದೆ" ಎಂದಿದ್ದಾರೆ ಪಾರುಲ್.

    ಈ ಮೂವರನ್ನು ಮಾತ್ರ ಬಂಧಿಸಿದ್ದು ಸರಿಯಲ್ಲ

    ಈ ಮೂವರನ್ನು ಮಾತ್ರ ಬಂಧಿಸಿದ್ದು ಸರಿಯಲ್ಲ

    "ಡ್ರಗ್ಸ್ ಪ್ರಕರಣವನ್ನು ಸೆನ್ಸೇಷನ್ ಮಾಡಿ, ದೊಡ್ಡ ಮಟ್ಟದಲ್ಲಿ ಸುದ್ದಿ ಆಗಬೇಕು ಎಂಬ ಉದ್ದೇಶದಿಂದ ಈ ಮೂವರನ್ನು ಬಂಧಿಸಲಾಗಿದೆ. ಈ ಪಿಡುಗು ಎಲ್ಲ ವಿಭಾಗದಲ್ಲಿಯೂ ಹರಡಿದೆ. ಯಾವುದೋ ಐಟಿ ಇಂಜಿನಿಯರ್ ಗಳನ್ನು ಬಂಧಿಸಿದರೆ ಅಷ್ಟು ಸುದ್ದಿ ಆಗುವುದಿಲ್ಲ. ಈ ಮೂವರನ್ನು ಮಾತ್ರ ಬಂಧಿಸಿರುವುದು ಸರಿಯಲ್ಲ" ಎಂದು ಹೇಳಿದ್ದಾರೆ.

    'ಡ್ರಗ್ಸ್ ಪ್ರಕರಣದಲ್ಲಿ ಮೂವರು ನಟಿಯರು ಮಾತ್ರನಾ'? ಪಾರೂಲ್ ಯಾದವ್ ಪ್ರಶ್ನೆ'ಡ್ರಗ್ಸ್ ಪ್ರಕರಣದಲ್ಲಿ ಮೂವರು ನಟಿಯರು ಮಾತ್ರನಾ'? ಪಾರೂಲ್ ಯಾದವ್ ಪ್ರಶ್ನೆ

    ಖಾಸಗಿ ವಿಡಿಯೋ ಲೀಕ್ ಮಾಡಿರುವುದು ಅಸಹ್ಯ ಎನಿಸುತ್ತೆ

    ಖಾಸಗಿ ವಿಡಿಯೋ ಲೀಕ್ ಮಾಡಿರುವುದು ಅಸಹ್ಯ ಎನಿಸುತ್ತೆ

    "ದೊಡ್ಡ ರಾಜಕಾರಣಿಗಳು ಮತ್ತು ನಟರ ಹೆಸರು ಆಗಾಗ ಕೇಳಿ ಬರುತ್ತಿದ್ದರೂ ಅವರನ್ನು ಪೊಲೀಸರು ಯಾಕೆ ಬಂಧಿಸಲ್ಲ. ರಾಗಿಣಿ, ರಿಯಾ ಮತ್ತು ಸಂಜನಾಗೆ ಸಂಬಂಧಿಸಿದ ಕೆಲವು ಖಾಸಗಿ ವಿಡಿಯೋಗಳನ್ನು ಹಾಗೂ ತನಿಖೆಗೆ ಸಂಬಂಧಿಸದ ವಿಡಿಯೋಗಳನ್ನು ಪೊಲೀಸರು ಲೀಕ್ ಮಾಡುತ್ತಿರುವುದು ಅಹಸ್ಯ ಎನಿಸುತ್ತೆ." ಎಂದಿದ್ದಾರೆ.

    Recommended Video

    ಇದು ಕನ್ನಡದ ಹೆಣ್ಣು ಮಗಳ ಹೃದಯ | Pranitha | Filmibeat Kannada
    ಪೊಲೀಸರು ಯಾರಿಗಾಗಿ ಕೆಲಸ ಮಾಡುತ್ತಿದ್ದಾರೆ?

    ಪೊಲೀಸರು ಯಾರಿಗಾಗಿ ಕೆಲಸ ಮಾಡುತ್ತಿದ್ದಾರೆ?

    "ಪೊಲೀಸರು ಜನರಿಗಾಗಿ ಕೆಲಸ ಮಾಡುತ್ತಿದ್ದಾರಾ ಅಥವಾ ನ್ಯೂಸ್‌ ಚಾನೆಲ್‌ಗಳಿಗಾಗಿ ಕೆಲಸ ಮಾಡುತ್ತಿದ್ದಾರಾ? ಒಂದು ವಿಡಿಯೋದಲ್ಲಿ ಮಹಿಳಾ ಪೊಲೀಸ್‌ ಒಬ್ಬರು ಮೊಬೈಲ್‌ನಲ್ಲಿ ಸಂಜನಾರನ್ನು ಸೆರೆ ಹಿಡಿಯುತ್ತಿರುವುದು ಗೊತ್ತಾಗುತ್ತಿದೆ. ಪೊಲೀಸರು ನಿಷ್ಪಕ್ಷಪಾತವಾಗಿ ಕೆಲಸ ಮಾಡುವ ಸಂಸ್ಥೆ ಆಗಿರಬೇಕು. ಯೆಲ್ಲೋ ಜರ್ನಲಿಸಂ ಮಾಡುವವರಿಗೆ ಮಾಹಿತಿದಾರರಾಗಿ ಪೊಲೀಸರು ಕೆಲಸ ಮಾಡಬಾರದು. ಒಬ್ಬರ ಘನತೆಯನ್ನು ಹಾಳುಮಾಡುವ ಹಕ್ಕು ಯಾರಿಗೂ ಇಲ್ಲ. ಇದು ನಾಚಿಕೆಗೇಡು. ಜೈ ಹಿಂದ್‌" ಎಂದು ಪಾರುಲ್ ದೀರ್ಘವಾಗಿ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

    English summary
    Actress Parul Yadav outrage against private video leak of actress.
    Monday, September 21, 2020, 16:33
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X