ಪವನ್ ಒಡೆಯರ್ ನಿರ್ದೇಶನದ 'ರೆಮೋ' ಮೂರು ಭಾಷೆಯಲ್ಲಿ ಬಿಡುಗಡೆ!

ಮೂರು ಭಾಷೆಯಲ್ಲಿ ಒಡೆಯರ್ ಸಿನಿಮಾ

ಇಶಾನ್ ಮತ್ತು ಅಶಿಕಾ ರಂಗನಾಥ್ ನಟನೆಯಲ್ಲಿ ಸಿದ್ಧವಾಗುತ್ತಿರುವ ರೆಮೋ ಚಿತ್ರ ಕನ್ನಡ, ತೆಲುಗು ಹಾಗೂ ತಮಿಳಿನಲ್ಲಿ ರಿಲೀಸ್ ಆಗಲಿದೆ. ಈ ಕುರಿತು ಅಧಿಕೃತವಾಗದಿದ್ದರೂ ಆಪ್ತಮೂಲಗಳು ಈ ಸುದ್ದಿಯನ್ನು ಖಚಿತಪಡಿಸಿದೆ. ನಿರ್ದೇಶಕ ಪವನ್ ಪಡೆಯರ್ ಸಹ ಈ ಸುದ್ದಿಯನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ.

ಕೊನೆಯ ಹಂತದ ಶೂಟಿಂಗ್

ರೆಮೋ ಸಿನಿಮಾದ ಬಹುತೇಕ ಚಿತ್ರೀಕರಣ ಮುಗಿದಿದೆ. ಅಂದಾಜು ಹತ್ತು ದಿನಗಳ ಶೂಟಿಂಗ್ ಬಾಕಿ ಇದೆ ಎಂದು ಹೇಳಲಾಗಿದೆ. ಇತ್ತೀಚಿಗಷ್ಟೆ ಕೊರಿಯೋಗ್ರಫರ್ ಇರ್ಮಾನ್ ಸರ್ದಾರಿಯಾ, ನಿರ್ದೇಶಕ ಪವನ್ ಒಡೆಯರ್ ಮತ್ತು ನಟ ಇಶಾನ್ ಭೇಟಿ ಮಾಡಿದ್ದರು. ಹಾಡಿನ ಚಿತ್ರೀಕರಣ ಸಂಬಂಧ ಪ್ಲಾನ್ ಮಾಡಲಾಗಿದೆಯಂತೆ.

ಕಂಪ್ಲೀಟ್ ಲವ್ ಸ್ಟೋರಿ

ಗೂಗ್ಲಿ ಸಿನಿಮಾದ ನಂತರ ಕಂಪ್ಲೀಟ್ ಲವ್ ಸ್ಟೋರಿ ಕೈಗೆತ್ತಿಕೊಂಡಿರುವ ಪವನ್ ಒಡೆಯರ್ ಬಹಳ ನಿರೀಕ್ಷೆಯಿಂದ ಈ ಸಿನಿಮಾ ಮಾಡುತ್ತಿದ್ದಾರೆ. 2017ರಲ್ಲಿ ರೋಗ್ ಚಿತ್ರದ ಮೂಲಕ ಸಿನಿ ಇಂಡಸ್ಟ್ರಿ ಪ್ರವೇಶಿಸಿದ ಇಶಾನ್‌ಗೆ ಇದು ಎರಡನೇ ಸಿನಿಮಾ. ಆಶಿಕಾ ರಂಗನಾಥ್ ಈ ಚಿತ್ರದ ನಾಯಕಿಯಾಗಿದ್ದಾರೆ.

Recommended Video

ಚಿತ್ರರಂಗದ 40 ವರ್ಷದ ಅನುಭವವನ್ನು ಪತ್ನಿಯ ಜೊತೆ ಬಂದು ಹಂಚಿಕೊಂಡ ಜಗ್ಗೇಶ್ | Jaggesh 40 years Cine Journey

ಮುಂದಿನ ವರ್ಷ ತೆರೆಗೆ

ತಮಿಳು ನಟ ಶರತ್ ಕುಮಾರ್ ಚಿತ್ರದಲ್ಲಿ ಪ್ರಮುಖ ಪಾತ್ರವೊಂದನ್ನು ಮಾಡಿದ್ದು, ದೊಡ್ಡ ಉದ್ಯಮಿ ಪಾತ್ರ ನಿರ್ವಹಿಸಿದ್ದಾರೆ. ರೆಮೋ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ನೀಡಿದ್ದು, ಎಸ್ ವೈದ್ಯ ಅವರ ಛಾಯಾಗ್ರಹಣ ಇದೆ. ಎಲ್ಲ ಅಂದುಕೊಂಡಂತೆ ಆದರೆ, ಮುಂದಿನ ವರ್ಷದ ಮೊದಲಾರ್ಧದಲ್ಲಿಯೇ ಈ ಚಿತ್ರ ತೆರೆಗೆ ಬರಲಿದೆ.