2000 ರೂ ಉಚಿತವಾಗಿ ನೀಡುತ್ತಿದ್ದಾರೆ ಲೂಸಿಯಾ ಪವನ್ ಕುಮಾರ್, ನಿಮಗೆ ಬೇಕಾ?

ಭಾನುವರದಿಂದ 5 ಲಕ್ಷ ಕ್ಕೂ ಹೆಚ್ಚು ಹಣ ಸಂಗ್ರಹ

ಭಾನುವಾರದಿಂದ ಈವರೆಗೆ 5 ಲಕ್ಷ ರೂಪಾಯಿಗೂ ಹೆಚ್ಚು ಹಣ ಒಟ್ಟಾಗಿದ್ದು, ಒಟ್ಟು 350 ಮಂದಿಗೆ 2000 ರೂಪಾಯಿ ಹಣ ನೀಡುವಷ್ಟು ಹಣ ಒಟ್ಟಾಗಿದೆ ಎಂದು ಪವನ್ ಕುಮಾರ್ ಹೇಳಿದ್ದಾರೆ.

ಫೇಸ್‌ಬುಕ್‌ ನಲ್ಲಿ ಪೋಸ್ಟ್ ಹಾಕಿರುವ ಪವನ್‌

ಈ ಬಗ್ಗೆ ಫೇಸ್‌ಬುಕ್ ನಲ್ಲಿ ಪೋಸ್ಟ್ ಹಾಕಿರುವ ಪವನ್ ಕುಮಾರ್, 'ನಮ್ಮ ಬಳಿ 350 ಮಂದಿಗೆ 2000 ರೂಪಾಯಿ ನಗದು ನೀಡುವಷ್ಟು ಹಣ ಒಟ್ಟಾಗಿದೆ. ಯಾರಿಗೆ ಅವಶ್ಯಕತೆ ಇದೆಯೋ ಅವರು ಯೆಸ್ ಎಂದು ಕಮೆಂಟ್ ಮಾಡಿ, ಬೇಡವಾದವರು ನೋ ಎಂದು ಕಮೆಂಟ್ ಮಾಡಿ' ಎಂದು ಮನವಿ ಮಾಡಿದ್ದಾರೆ.

ಜವಾಬ್ದಾರಿಯುತವಾಗಿ ವರ್ತಿಸುತ್ತೀರೆಂದು ನಿರೀಕ್ಷಿಸುತ್ತೇನೆ: ಪವನ್

ಯಾರಿಗೆ ತುರ್ತಾಗಿ ಹಣದ ಅವಶ್ಯಕತೆ ಇದೆಯೋ ಅವರು ಮಾತ್ರವೇ ಎಸ್ ಎಂದು ಕಮೆಂಟ್ ಮಾಡಿ ಎಂದು ಮನವಿ ಮಾಡಿರುವ ಪವನ್ ಕುಮಾರ್, ಯಾರು ಸ್ವಲ್ಪ ದಿನ ನಿಭಾಯಿಸಬಲ್ಲಿರೋ ಅವರು ಕಮೆಂಟ್ ಮಾಡಬೇಡಿ, ನೀವು ಜವಾಬ್ದಾರಿಯುತವಾಗಿ ವರ್ತಿಸುತ್ತೀರೆಂದು ನಿರೀಕ್ಷಿಸಿದ್ದೇನೆ ಎಂದು ಹೇಳಿದ್ದಾರೆ.

ಪವನ್ ಕುಮಾರ್ ಕರೆಗೆ ಸ್ಪಂದಿಸಿದ ಸ್ಯಾಂಡಲ್‌ವುಡ್ ನಟರು

ಪವನ್ ಕುಮಾರ್ ಕರೆ ನೀಡಿದ್ದಕ್ಕೆ ಹಲವು ಸ್ಯಾಂಡಲ್ ವುಡ್ ನಟರು ಸ್ಪಂದಿಸಿದ್ದರು. ಪುನೀತ್ ರಾಜ್‌ ಕುಮಾರ್, ಧನಂಜಯ್, ಐಂದ್ರಿತಾ ರೈ, ಶರ್ಮಿಳಾ ಮಾಂಡ್ರೆ, ಧನಂಜಯ್, ಪ್ರಕಾಶ್ ರೈ ಸೇರಿ ಇನ್ನೂ ಹಲವು ನಟರು ಪವನ್‌ ನೀಡಿದ್ದ ಖಾತೆಗೆ ಹಣ ಹಾಕಿದ್ದಾರೆ.