ಮುಖಪುಟ

ಸಿನಿ ಸಮಾಚಾರ

ಸಂಕ್ರಾಂತಿ ಹಬ್ಬಕ್ಕೆ ಕೆಲವೇ ದಿನಗಳ ಬಾಕಿ ಇದೆ. ಈ ಬಾರಿಯ ಹಬ್ಬಕ್ಕೆ ತಮಿಳು ಹಾಗೂ ತೆಲುಗಿನಲ್ಲಿ ದೊಡ್ಡ ದೊಡ್ಡ ಸಿನಿಮಾಗಳು ಬಿಡುಗಡೆಯಾಗುತ್ತಿವೆ.

ಟಾಲಿವುಡ್ ನಲ್ಲಿ 'ಎನ್ ಟಿ ಆರ್' ಹಾಗೂ ಕಾಲಿವುಡ್ ನಲ್ಲಿ 'ಪೆಟ್ಟಾ' ಚಿತ್ರಗಳು ಇದೇ ವಾರ ತೆರೆಗೆ ಬರುತ್ತಿವೆ. ಈ ಹಿನ್ನಲೆಯಲ್ಲಿ ಚಿತ್ರತಂಡ ಇಂದು ಬೆಂಗಳೂರಿಗೆ ಆಗಮಿಸಲಿದೆ. ಬೆಂಗಳೂರಿನ ಖಾಸಗಿ ಹೋಟೆಲ್ ಗಳಲ್ಲಿ ಇಂದು ಸಂಜೆ ಚಿತ್ರದ ಪ್ರೆಸ್ ಮೀಟ್ ಗಳು ನಡೆಯಲಿವೆ.

'ಪೆಟ್ಟಾ' ರಜನಿಕಾಂತ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾವಾಗಿದೆ. ಈ ಚಿತ್ರದ ನಿರ್ದೇಶಕರಾದ ಕಾರ್ತಿಕ್ ಸುಬ್ಬರಾಜ್ ಹಾಗೂ ಸಂಗೀತ ನಿರ್ದೇಶಕ ಅನಿರುದ್ಧ ನಾಳಿನ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ.

'ಕೆಜಿಎಫ್' ಎಫೆಕ್ಟ್: ಕನ್ನಡಕ್ಕೆ ರಜನಿ-ರಾಮ್ ಚರಣ್ ಸಿನಿಮಾ.!

'ಎನ್ ಟಿ ಆರ್' ತೆಲುಗಿನ ಖ್ಯಾತ ನಟ ಎನ್ ಟಿ ರಾಮರಾವ್ ಅವರ ಜೀವನಾಧಾರಿತ ಸಿನಿಮಾವಾಗಿದೆ. ಈ ಸಿನಿಮಾದ ನಾಯಕ ಬಾಲಕೃಷ್ಣ, ನಾಯಕಿ ವಿದ್ಯಾ ಬಾಲನ್ ಕಾರ್ಯಕ್ರಮದಲ್ಲಿ ಇರಲಿದ್ದಾರೆ. ಈ ಕಾರ್ಯಕ್ರಮದಲ್ಲಿ ನಟ ಪುನೀತ್ ರಾಜ್ ಕುಮಾರ್ ಹಾಗೂ ಯಶ್ ಸಹ ಸಾಥ್ ನೀಡಲಿದ್ದಾರೆ.

'ಎನ್ ಟಿ ಆರ್' ಸಿನಿಮಾ ಜನವರಿ 9 ರಂದು ಹಾಗೂ 'ಪೆಟ್ಟಾ' ಸಿನಿಮಾ ಜನವರಿ 10 ರಂದು ವಿಶ್ವಾದ್ಯಂತ ರಿಲೀಸ್ ಆಗುತ್ತಿವೆ.