'ಪಂಚತಂತ್ರ' ಬೆಡಗಿಯ ಜೊತೆ 'ಬನಾರಸ್'ಗೆ ಹೊರಟ ಜಮೀರ್ ಅಹ್ಮದ್ ಪುತ್ರ

ಜಾಹಿದ್ ಗೆ ಸೋನಲ್ ನಾಯಕಿ

ದೊಡ್ಡ ನಟನಾಗಬೇಕೆನ್ನುವ ಕನಸೊತ್ತು ಚಿತ್ರರಂಗಕ್ಕೆ ಬಂದಿರುವ ಜಾಹಿದ್ 'ಬನಾರಸ್ ಸಿನಿಮಾ ಮೂಲಕ ಬಣ್ಣದ ಲೋಕದ ಜರ್ನಿ ಪ್ರಾರಂಭಿಸುತ್ತಿದ್ದಾರೆ. ಅಂದ್ಹಾಗೆ ಜಾಹಿದ್ ಖಾನ್ ಮೊದಲ ಸಿನಿಮಾಗೆ ಸೋನಲ್ ಮೊಂತೆರೋ ನಾಯಕಿಯಾಗಿ ಬಣ್ಣ ಹಚ್ಚುತ್ತಿದ್ದಾರೆ. ಈಗಾಗಲೆ ಸಾಕಷ್ಟು ಸಿನಿಮಾಗಲ್ಲಿ ಬ್ಯುಸಿ ಇರುವ ಸೋನಲ್ ಈಗ ಬನಾರಸ್ ಚಿತ್ರಕ್ಕೂ ಆಯ್ಕೆಯಾಗಿದ್ದಾರೆ.

ವಾರಣಾಸಿಯಲ್ಲಿ ಚಿತ್ರೀಕರಣ

ಅಂದ್ಹಾಗೆ ಚಿತ್ರದ ಚಿತ್ರೀಕರಣ ಬಹುತೇಕ ಭಾಗ ವಾರಣಾಸಿಯಲ್ಲಿ ಆಗಲಿದೆ. ಈಗಾಗಲೆ ನಿರ್ದೇಶಕ ಜಯತೀರ್ಥ ಚಿತ್ರೀಕರಣ ಲೊಕೇಶನ್ ಗಾಗಿ ವಾರಣಾಸಿ ಪ್ರವಾಸ ಮಾಡಿ ಬಂದಿದ್ದಾರೆ. ಸುಮಾರು ಒಂದು ತಿಂಗಳ ಕಾಲ ವಾರಣಾಸಿಯಲ್ಲಿ ಬೀಡುಬಿಡಲಿದೆ ಚಿತ್ರತಂಡ.

ಅದ್ದೂರಿ ಲಾಂಚ್ ಗೆ ಪ್ಲಾನ್

ಒಂದು ತಿಂಗಳ ಚಿತ್ರೀಕರಣ ಮುಗಿಸಿ ಬೆಂಗಳೂರಿಗೆ ವಾಪಸ್ ಆದ ನಂತರ ದೊಡ್ಡ ಮಟ್ಟಕ್ಕೆ ಅಧಿಕೃತವಾಗಿ ಚಿತ್ರದ ಟೈಟಲ್, ಫಸ್ಟ್ ಲುಕ್ ಮತ್ತು ಟೀಸರ್ ಅನ್ನು ಲಾಂಚ್ ಮಾಡಲು ಪ್ಲಾನ್ ಮಾಡಿದೆ ಚಿತ್ರತಂಡ. ಚಿತ್ರಕ್ಕೆ ಅಜನೀಶ್ ಬಿ ಲೋಕನಾಥ್ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ.

ಸೋನಲ್ ಬಳಿ ಇರುವ ಸಿನಿಮಾಗಳು

ತುಳು ಸಿನಿಮಾದಿಂದ ಪ್ರಾರಂಭವಾದ ಸೋನಲ್ ಸಿನಿ ಜರ್ನಿ ಸ್ಯಾಂಡಲ್ ವುಡ್ ಮತ್ತು ಬಾಲಿವುಡ್ ವರೆಗು ರೀಚ್ ಆಗಿದೆ. ಸದ್ಯ ಸ್ಯಾಂಡಲ್ ವುಡ್ ನಲ್ಲಿ ಉಪೇಂದ್ರ ಜೊತೆ ಬುದ್ಧಿವಂತ-2 ಚಿತ್ರದಲ್ಲಿ ಕಾಣಿಸಿಕೊಳ್ಳಲಿರುವ ಸೋನಲ್ ಈಗ ಬನಾರಸ್ ಚಿತ್ರದಲ್ಲೂ ಮಿಂಚಲಿದ್ದಾರೆ.