''ನಾನು ಯಾರ ಜೊತೆಯೂ ರೂಮ್ ಬುಕ್ ಮಾಡಿಲ್ಲ'' : ಪೂಜಾಗಾಂಧಿ ಸ್ಪಷ್ಟನೆ

ಸಿನಿಮಾದ ಪ್ರೊಡಕ್ಷನ್ಸ್ ಗಾಗಿ ರೂಮ್ ಬುಕ್

ಅಶೋಕ ಹೋಟೆಲ್ ನಲ್ಲಿ ರೂಮ್ ಬುಕ್ ಮಾಡಿರುವುದನ್ನು ಒಪ್ಪಿಕೊಂಡಿರುವ ಪೂಜಾ ಗಾಂಧಿ ತಮ್ಮ ಬ್ಯಾನರ್ ಸಿನಿಮಾದ ಪ್ರೊಡಕ್ಷನ್ಸ್ ನಡೆಯುವ ಸಮಯದಲ್ಲಿ ರೂಮ್ ಬುಕ್ ಮಾಡಿದ್ದರಂತೆ. ಹೈದರಾಬಾದ್, ಬಾಂಬೆ, ಚೆನ್ನೈನ ಕಲಾವಿದರು ಹಾಗೂ ತಂತ್ರಜ್ಞರಿಗಾಗಿ ರೂಮ್ ಅಗತ್ಯ ಇತ್ತು ಆ ಕಾರಣಕ್ಕೆ ರೂಮ್ ಬುಕ್ ಮಾಡಿದ್ದರಂತೆ.

ಹಣ ಪಾವತಿ ಮಾಡಿದ್ದೇನೆ

1 ವರ್ಷ ಸಿನಿಮಾದ ಕೆಲಸಕ್ಕಾಗಿ ರೂಮ್ ಬುಕ್ ಮಾಡಿದ್ದು, ಅದರ ಹಣವನ್ನು ಈಗಾಗಲೇ ಪಾವತಿ ಮಾಡಿದ್ದೇನೆ ಎನ್ನುತ್ತಿದ್ದಾರೆ ಪೂಜಾ ಗಾಂಧಿ. ''ಅಶೋಕ ಹೋಟೆಲ್ ಗೆ ಬಾಕಿ ಇದ್ದ ಬಿಲ್ ಹಣವನ್ನು ವರ್ಷದ ಹಿಂದೆಯೇ ನೀಡಿದ್ದೇನೆ ಆದರೂ ನನ್ನ ಬಗ್ಗೆ ದೂರು ಯಾಕೆ ನೀಡಿದ್ದಾರೆ ಗೊತ್ತಿಲ್ಲ.'' ಎಂದರು ಪೂಜಾ ಗಾಂಧಿ.

ಅನಿಲ್ ನನ್ನ ಸಹೋದರ ಇದ್ದ ಹಾಗೆ

ಬಿಜೆಪಿ ಮುಖಂಡ ಅನಿಲ್ ಮೆಣಸಿನಕಾಯಿ ಜೊತೆಗೆ ತಮ್ಮ ಹೆಸರು ಇರುವ ಬಗ್ಗೆ ಪೂಜಾಗಾಂಧಿ ಪ್ರತಿಕ್ರಿಯೆ ನೀಡಿದ್ದಾರೆ. ''ನಾನು ಚುನಾವಣಾಗೆ ಸ್ಪರ್ಧೆ ಮಾಡಿದ್ದ ಸಮಯದಲ್ಲಿ ಅನಿಲ್ ಮೆಣಸಿನಕಾಯಿ ಅವರು ಪರಿಚಯ ಇದ್ದರು. ಅದರ ನನ್ನ ಸಹೋದರ ಇದ್ದ ಹಾಗೆ. ಅವರ ಜೊತೆಗೆ ರೂಮ್ ಬುಕ್' ಎನ್ನುವ ಸುದ್ದಿ ಸುಳ್ಳು'' ಎಂದು ಸ್ಪಷ್ಟನೆ ನೀಡಿದರು ಪೂಜಾ.

ಹಾಗಾದರೆ ದೂರು ಕೊಟ್ಟಿದ್ದು ಯಾಕೆ?

ನಟಿ ಪೂಜಾ ಗಾಂಧಿ ಪ್ರಕಾರ ಅವರು ಎಲ್ಲ ಹಣವನ್ನು ಪಾವತಿ ಮಾಡಿದ್ದಾರೆ. ಅಲ್ಲದೆ ಬೇರೆಯವರ ಜೊತೆಗೆ ರೂಮ್ ಬುಕ್ ಮಾಡಿಲ್ಲ. ಹೀಗಿರುವಾಗ, ಪೂಜಾ ಗಾಂಧಿ ವಿರುದ್ಧ ಪೊಲೀಸ್ ಠಾಣಿಯಲ್ಲಿ ದೂರು ನೀಡಿದ್ದು ಯಾಕೆ ಎನ್ನುವ ಪ್ರಶ್ನೆ ಮೂಡುತ್ತದೆ. ಇತ್ತ ಪೂಜಾ ಹೇಳಿಕೆ ಕೂಡ ಎಷ್ಟು ಸತ್ಯ ಎನ್ನುವುದು ತಿಳಿದಿಲ್ಲ.