ಪೂನಂ ಪಾಂಡೆ ಹಾಟ್ ಮಸಾಜ್ ಐಟಂ ಸಾಂಗ್!

ಹಾಟ್ ಬೆಡಗಿ ಪೂನಂ ಪಾಂಡೆ ಕನ್ನಡದ 'ಲವ್ ಈಸ್ ಪಾಯಿಸನ್' ಚಿತ್ರದಲ್ಲಿ ಅಭಿನಯಿಸಿದ ಬಳಿಕ ಪಕ್ಕದ ಟಾಲಿವುಡ್ ಗೂ ಅಡಿಯಿಟ್ಟು ಅಲ್ಲೂ ಹುಯಿಲೆಬ್ಬಿಸಿದ್ದಾರೆ. ಇದೀಗ ಅವರು 'ಮಾಲಿನಿ ಅಂಡ್ ಕೋ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಚಿತ್ರದ ಒಂದು ಹಾಟ್ ಸಾಂಗ್ ಟಾಲಿವುಡ್ ನಲ್ಲಿ ಸಂಚಲನ ಮೂಡಿಸಿದೆ.

ಈ ಹಾಡಿನ ವಿಶೇಷ ಏನೆಂದರೆ ಇದರಲ್ಲಿ ವೆರೈಟಿ ಮಸಾಜ್ ಗಳ ಬಗ್ಗೆ ಪೂನಂ ಪಾಂಡೆ ಗಾನಬಜಾನಾ ಇದೆ. ಈ ಚಿತ್ರದ ಬಗ್ಗೆ ಮಾತನಾಡಿರುವ ಚಿತ್ರದ ನಿರ್ಮಾಪಕರಲ್ಲೊಬ್ಬರಾದ ಕಿಶೋರ್ ರಾಠಿ, "ಭಯೋತ್ಪಾದನೆಯ ಹಿನ್ನೆಲೆಯಲ್ಲಿ ಸಾಗುವ ರೊಮ್ಯಾಂಟಿಕ್ ಚಿತ್ರ ಇದು" ಎಂದಿದ್ದಾರೆ. [ಮಾಲಿನಿ ಅವತಾರದಲ್ಲಿ ನಶೆಯೇರಿಸುತ್ತಿರುವ ಪೂನಂ]

ಒಳ್ಳೆಯ ಹಾಡುಗಳ ಜೊತೆಗೆ ನಾಲ್ಕು ಆಕ್ಷನ್ ಸನ್ನಿವೇಶಗಳು ಇವೆ. ಒಬ್ಬ ಸ್ಟಾರ್ ಹೀರೋ ಚಿತ್ರದಲ್ಲಿರುವ ಎಲ್ಲಾ ರೀತಿಯ ಸರಕು ಈ ಚಿತ್ರದಲ್ಲಿರುತ್ತದೆ ಎನ್ನುತ್ತಾರೆ ನಿರ್ಮಾಪಕರು. ಈ ಚಿತ್ರದಲ್ಲಿ ಪೂನಂ ಪಾಂಡೆ ಅವರನ್ನು ಭಿನ್ನ ಕೋನದಲ್ಲಿ ತೋರಿಸಲಾಗಿದೆಯಂತೆ. [ಫಿಲ್ಮಿಬೀಟ್ ಕನ್ನಡ ಉಚಿತ ಸುದ್ದಿಸಾರಂಗಿ]

ಈ ಚಿತ್ರದ ಬಗ್ಗೆ ಪೂನಂ ಮಾತನಾಡುತ್ತಾ, "ನಶಾ ಚಿತ್ರದ ಬಳಿಕ ಒಂದು ವರ್ಷ ಗ್ಯಾಪ್ ತೆಗೆದುಕೊಂಡು ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದೇನೆ. ಸಾಕಷ್ಟು ಸ್ಕ್ರಿಪ್ಟ್ ಗಳು ಬಂದರೂ 'ಮಾಲಿನಿ ಅಂಡ್ ಕೋ' ನಷ್ಟು ಯಾವುದೂ ಇಂಪ್ರೆಸ್ ಮಾಡಲಿಲ್ಲ. ನನಗೆ ತೆಲುಗು ಬಾರದಿದ್ದರೂ ಅರ್ಥವಾಗುವಂತೆ ಹೇಳಿ ನಿರ್ದೇಶಕರು ತೆರೆಗೆ ತರುತ್ತಿದ್ದಾರೆ" ಎಂದಿದ್ದಾರೆ.