For Quick Alerts
ALLOW NOTIFICATIONS  
For Daily Alerts

ಪುನೀತ್ ತಮಿಳಿನಲ್ಲಿ ನಟಿಸಲು ಸಿದ್ಧವಂತೆ; ಆದರೆ!

|

ಕನ್ನಡದ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ತಮಿಳು ಚಿತ್ರದಲ್ಲಿ ನಟಿಸುತ್ತಾರಾ ಎಂಬುದೊಂದು ಪ್ರಶ್ನೆಗೆ ಉತ್ತರ ದೊರೆತಿದೆ. 'ಕನ್ನಡದ ಕೋಟ್ಯಧಿಪತಿ' ಚಿತ್ರೀಕರಣಕ್ಕಾಗಿ ಚೆನ್ನೈಯಲ್ಲಿದ್ದ ಪುನೀತ್ 'ಟೈಮ್ಸ್ ಆಫ್ ಇಂಡಿಯಾ' ಸಂದರ್ಶನದಲ್ಲಿ ಈ ಪ್ರಶ್ನೆಗೆ ಉತ್ತರ ನೀಡಿದ್ದಾರೆ. "ಅವಕಾಶ ಸಿಕ್ಕಿದರೆ ಖಂಡಿತ ತಾವು ತಮಿಳು ಸಿನಿಮಾದಲ್ಲಿ ನಟಿಸಲು ಸಿದ್ಧ" ಎಂದಿದ್ದಾರೆ. ಆದರೆ ಕಂಡೀಷನ್ಸ್ ಅಪ್ಲೈ...

ಪುನೀತ್ ವಿಧಿಸಿರುವ ಷರತ್ತು ಇಷ್ಟೇ. ಅವರು ತಮಿಳು ಚಿತ್ರದಲ್ಲಿ ನಟಿಸಲು ಸಿದ್ಧ. ಆದರೆ, ಆ ಚಿತ್ರ ತಮಿಳಿನಲ್ಲಿ ಮಾತ್ರ ಬಿಡುಗಡೆ ಆಗಬಾರದು. ಕನ್ನಡ ಹಾಗೂ ತಮಿಳಿನಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗಬೇಕು. ನಾನು ಯಾವುದೇ ಬಹುಭಾಷಾ ಚಿತ್ರದಲ್ಲಿ ನಟಿಸಿದರೂ ಅದು ಏಕಕಾಲಕ್ಕೆ ಕನ್ನಡದಲ್ಲೂ ಬಿಡುಗಡೆ ಆಗಬೇಕು" ಎಂದು ಟೈಮ್ಸ್ ಆಫ್ ಇಂಡಿಯಾ ಬಹಿರಂಗ ಸಂದರ್ಶನದಲ್ಲಿ ಪುನೀತ್ ತಿಳಿಸಿದ್ದಾರೆ.

ಟೈಮ್ಸ್ ಆಫ್ ಇಂಡಿಯಾ' ಸಂದರ್ಶನದಲ್ಲಿ "ನೀವು ತಮಿಳು ಸಿನಿಮಾದಲ್ಲಿ ನಟಿಸಲು ಸಿದ್ಧರಿದ್ದೀರಾ" ಎಂಬುದು ಸಂದರ್ಶಕರ ಪ್ರಶ್ನೆಯಾಗಿತ್ತು. ಇದಕ್ಕೆ ಪುನೀತ್ ಉತ್ತರ, "ಕನ್ನಡ-ತಮಿಳು ಎರಡೂ ಭಾಷೆಯಲ್ಲಿ ಬರುವ ಚಿತ್ರದಲ್ಲಿ ನಟಿಸಬಲ್ಲೆ. ಯಾವುದೇ ಒಂದು ಭಾಷೆಯ ಪ್ರೇಕ್ಷಕರನ್ನು ಯಾಕೆ ಕಳೆದುಕೊಳ್ಳಬೇಕು?" ಎಂಬುದಾಗಿದೆ.

ಚಿತ್ರರಂಗದಲ್ಲಿ ಇತ್ತೀಚಿಗೆ ಹೊಸದೊಂದು ಟ್ರೆಂಡ್ ಬೆಳೆಯುತ್ತಿದೆ. ಅದು ಬಹುಭಾಷೆಗಳಲ್ಲಿ ಏಕಕಾಲಕ್ಕೆ ಚಿತ್ರೀಕರಣ. ರೂಪಾ ಅಯ್ಯರ್ ನಿರ್ದೇಶನದ ಚಂದ್ರ, ನಾಗಶೇಖರ್ ನಿರ್ದೇಶನದ ಮೈನಾ ಹಾಗೂ ಕುಮಾರ್ ನಿರ್ದೇಶನ, ದ್ವಾರಕೀಶ್ ನಿರ್ಮಾಣದ ಚಾರುಲತಾ ಹೀಗೆ ಸಾಲು ಸಾಲು ಚಿತ್ರಗಳು ಎರಡು ಅಥವಾ ಎರಡಕ್ಕಿಂತ ಹೆಚ್ಚು ಚಿತ್ರಗಳಲ್ಲಿ ಸಿಧ್ಧವಾಗುತ್ತಿವೆ.

ಪುನೀತ್ ಅರ್ಥವನ್ನು ಹೀಗೆ ಹೇಳಬಹುದು. 'ಪವರ್ ಸ್ಟಾರ್ ಪುನೀತ್ ನೇರವಾಗಿ ಯಾವುದೇ ತಮಿಳು ಚಿತ್ರದಲ್ಲಿ ನಟಿಸುವುದಿಲ್ಲ. ಆದರೆ, ಯಾರಾದರೂ ಬಹುಭಾಷೆಗಳಲ್ಲಿ ಚಿತ್ರವೊಂದನ್ನು ನಿರ್ಮಿಸಲು ಮುಂದಾದರೆ ಪುನೀತ್ ನಟಿಸುವ ಬಗ್ಗೆ ಗಂಭೀರವಾಗಿ ಪರಿಗಣಿಸಬಹುದು.' ಒಟ್ಟಾರೆ, ಕನ್ನಡದ ಕಿಚ್ಚ ಸುದೀಪ್ ತೆಲುಗಿನ 'ಈಗ' ಚಿತ್ರದಲ್ಲಿ ನಟಿಸಿ ಯಶಸ್ವಿಯಾದ ನಂತರ ಮಿಕ್ಕವರಿಗೂ ಆ ಬಗ್ಗೆ ಪ್ರಶ್ನೆಗಳು ಬರತೊಡಗಿವೆ. (ಒನ್ ಇಂಡಿಯಾ ಕನ್ನಡ)

English summary
Power Star Puneeth Rajkumar is ready to act in Tamil Movies. But he told that it should be release in Kannada also. If the film is going to be release in many languages including Kannada, then there is no matter to reject Tamil offer as he told to 'Times of India' Interview. 
 

Kannada Photos

Go to : More Photos
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more