Don't Miss!
- Sports KKR vs RR IPL 2024: ಜೋಸ್ ದಿ ಬಾಸ್ ಬಟ್ಲರ್ ಆರ್ಭಟಕ್ಕೆ ಕೆಕೆಆರ್ ಹೈರಾಣ; ರಾಯಲ್ ಆಗಿ ಗೆದ್ದ ರಾಜಸ್ಥಾನ
- Lifestyle ಬೇಸಿಗೆಯಲ್ಲಿ ಇಡ್ಲಿ, ದೋಸೆಯ ಹಿಟ್ಟು ಹುಳಿ ಬಂದರೆ ಹುಳಿ ಕಡಿಮೆಯಾಗಲು ಏನು ಮಾಡಬೇಕು?
- News Dwarakish: ವಿಧಾನಸಭಾ ಚುನಾವಣೆಗೆ ಸ್ಪರ್ಧಿಸಿದ್ದ ದ್ವಾರಕೀಶ್ ಪಡೆದಿದ್ದ ಮತಗಳೆಷ್ಟು?
- Automobiles ಪೆಟ್ರೋಲ್ ಎಂಜಿನ್ಗಳಲ್ಲಿ ಮಾತ್ರ ಬರಲಿದೆ ರೆನಾಲ್ಟ್ನ ಬ್ರಹ್ಮಾಸ್ತ್ರ ಡಸ್ಟರ್
- Finance ಇಸ್ರೇಲ್-ಇರಾನ್ ಯುದ್ಧದ ಪರಿಣಾಮ ಷೇರು ಪೇಟೆಯಲ್ಲಿ ಭಾರಿ ನಷ್ಟ
- Technology YouTube: ಯೂಟ್ಯೂಬ್ ಬಳಕೆದಾರರಿಗೆ ಶಾಕಿಂಗ್ ನ್ಯೂಸ್! ಆಡ್ ಬ್ಲಾಕರ್ ವಿರುದ್ಧ ಸಮರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನೀಡಿದ ಹೊಸ ಸೂತ್ರ
ನಟ ಪುನೀತ್ ರಾಜ್ ಕುಮಾರ್ ಲಾಕ್ ಡೌನ್ ಅವಧಿಯಲ್ಲಿ ಸಾಕಷ್ಟು ಬದಲಾಗಿದ್ದಾರೆ. ಅದನ್ನು ಅವರು ಸ್ವತಃ ಹೇಳಿಕೊಂಡಿದ್ದಾರೆ. ಅಡುಗೆ ಮಾಡುವುದನ್ನು ಈ ಸಂದರ್ಭದಲ್ಲಿ ಕಲಿತಿದ್ದಾಗಿ, ಅನೇಕ ಸಿನಿಮಾ ಮತ್ತು ವೆಬ್ ಸೀರೀಸ್ಗಳನ್ನು ನೋಡಿದ್ದಾಗಿ ಅವರು ತಿಳಿಸಿದ್ದಾರೆ. ಹಾಗೆಯೇ ಅವರ ಲುಕ್ ಕೂಡ ಬದಲಾಗಿದೆ. ಪುನೀತ್ ಅವರ ಕುರುಚಲು ಗಡ್ಡ ಅಭಿಮಾನಿಗಳಿಗೆ ಇಷ್ಟವಾಗಿತ್ತು. ಲಾಕ್ ಡೌನ್ ಅವಧಿಯಲ್ಲಿ ಅವರು ಬಿಟ್ಟ ಗಡ್ಡ ಕಂಡು ಖುಷಿಯಾಗಿದ್ದ ನಿರ್ದೇಶಕ ಸಂತೋಷ್ ಅನಂದ್ ರಾಮ್ 'ಯುವರತ್ನ' ಚಿತ್ರದ ಬಾಕಿ ಉಳಿದಿರುವ ಹಾಡೊಂದಕ್ಕೆ ಆ ಗೆಟಪ್ ಬಳಸಿಕೊಳ್ಳಲು ನಿರ್ಧರಿಸಿದ್ದಾರೆ.
Recommended Video
ಈ ನಡುವೆ ಪುನೀತ್ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಪುನೀತ್ ಎಂದಿಗೂ ಸುದೀರ್ಘ ಬರಹಗಳನ್ನು ಬರೆಯುವುದಿಲ್ಲ. ಒಂದೆರಡು ಸಾಲುಗಳಲ್ಲಿಯೇ ಹೇಳಬೇಕಿರುವುದನ್ನು ಮುಗಿಸುತ್ತಾರೆ. ಉಳಿದ ಕೆಲಸವನ್ನು ಅವರು ಹಾಕಿರುವ ಫೋಟೊ ಅಥವಾ ವಿಡಿಯೋ ವಿವರಿಸುತ್ತದೆ.
ಪುನೀತ್ ರಾಜ್ಕುಮಾರ್ ವಿಡಿಯೋ ನೋಡಿ ಶಾಕ್ ಆದ ಅಲ್ಲು ಅರ್ಜುನ್ ತಮ್ಮ
ಇತ್ತೀಚಿನ ದಿನಗಳಲ್ಲಿ ಪುನೀತ್ ತಮ್ಮ ವರ್ಕೌಟ್ ವಿಡಿಯೋಗಳನ್ನು ಹೆಚ್ಚು ಹೆಚ್ಚು ಹಂಚಿಕೊಳ್ಳುತ್ತಿದ್ದಾರೆ. ಇದು ಅನೇಕರಿಗೆ ಸ್ಫೂರ್ತಿ ನೀಡುತ್ತಿದೆ. ಮುಂದೆ ಓದಿ...
ಸ್ಫೂರ್ತಿಯಾಗುತ್ತಿರುವ ಪುನೀತ್
ಪುನೀತ್ ರಾಜ್ ಕುಮಾರ್ ಲಾಕ್ ಡೌನ್ ಅವಧಿಯಲ್ಲಿ ಸಿನಿಮಾ ಚಟುವಟಿಕೆಗಳಿಲ್ಲದೆ ಇದ್ದರೂ ತಮ್ಮ ದೇಹದ ಫಿಟ್ನೆಸ್ ಬಗ್ಗೆ ಮೈಮರೆತಿಲ್ಲ. ಮೊದಲಿನಿಂದಲೂ ತಮ್ಮ ದೇಹದ ಆಕಾರವನ್ನು ಆದಷ್ಟು ಒಂದೇ ರೀತಿ ಉಳಿಸಿಕೊಂಡಿರುವ ಪುನೀತ್, ಅದು ಹೆಚ್ಚು ಪ್ಲೆಕ್ಸಿಬಲ್ ಆಗಿರುವಂತೆ ನೋಡಿಕೊಳ್ಳುತ್ತಿದ್ದಾರೆ. ಈ ಮೂಲಕ ಯುವಜನರಿಗೆ ಸ್ಫೂರ್ತಿಯಾಗುತ್ತಿದ್ದಾರೆ.
ವಿಭಿನ್ನ ಕಸರತ್ತುಗಳು
ಪ್ರತಿದಿನವೂ ಅವರು ವರ್ಕೌಟ್ ಅಂತೂ ಮಿಸ್ ಮಾಡುವುದಿಲ್ಲ. ಅದೂ ಎಂತೆಂತಹ ವರ್ಕೌಟ್? ಹೆಚ್ಚಿನ ನಟರಂತೆ ಪುನೀತ್ ಓಡುವ, ಭಾರ ಎತ್ತುವ ವಿಡಿಯೋಗಳನ್ನು ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವುದಿಲ್ಲ. ಅವರ ಹೆಚ್ಚಿನ ವಿಡಿಯೋಗಳು ಹಾರುವ, ಜಿಗಿಯುವ ಕಸರತ್ತುಗಳನ್ನು ತೋರಿಸುತ್ತದೆ. ಅದು 45ನೇ ವಯಸ್ಸಿನಲ್ಲಿಯೂ ಹೀಗೆಲ್ಲ ಮಾಡಲು ಸಾಧ್ಯವೇ ಎಂದು ಬೆರಗು ಮೂಡಿಸುತ್ತದೆ.
ಸೂಪರ್ ಮ್ಯಾನ್ ರೀತಿ ಜಿಗಿಯುತ್ತಾರೆ ಪುನೀತ್: ವೈರಲ್ ಆಯ್ತು ಮತ್ತೊಂದು ವಿಡಿಯೋ
|
ದಿನ ವ್ಯರ್ಥ ಮಾಡಿದಂತೆ
ಪುನೀತ್ ಬುಧವಾರ ಮತ್ತೊಂದು ವರ್ಕೌಟ್ ವಿಡಿಯೋ ಶೇರ್ ಮಾಡಿದ್ದಾರೆ. ಇದು ಕೂಡ ಅವರ ಫಿಟ್ನೆಸ್ ತಾಕತ್ತಿನ ಕುರಿತು ಅಚ್ಚರಿ ಉಂಟುಮಾಡುತ್ತದೆ. ಈ ವಿಡಿಯೋದ ಜತೆಗೆ ಪುನೀತ್ ಬದುಕಿನ ವಿಶೇಷ ಸೂತ್ರವನ್ನು ಹಂಚಿಕೊಂಡಿದ್ದಾರೆ. 'ವರ್ಕೌಟ್ ಮಾಡದೆ ಇರುವ ದಿನ ಒಂದು ದಿನವನ್ನು ವ್ಯರ್ಥ ಮಾಡಿದಂತೆ' ಎಂಬ ಸಾಲನ್ನು ಪುನೀತ್ ಹೇಳಿದ್ದಾರೆ. ಇದು ಖ್ಯಾತ ಹಾಸ್ಯ ಕಲಾವಿದ ಚಾರ್ಲಿ ಚಾಪ್ಲಿನ್ ಅವರ 'ನಗದೆ ಇರುವ ದಿನ ಒಂದು ದಿನವನ್ನು ವ್ಯರ್ಥ ಮಾಡಿದಂತೆ' ಎಂಬ ಹೇಳಿಕೆಯಿಂದ ಪ್ರೇರಣೆ ಪಡೆದುಕೊಂಡಿದೆ.
|
ಸ್ಟೇ ಫಿಟ್, ಸ್ಟೇ ಹೆಲ್ದಿ
ಕೆಲವು ದಿನಗಳ ಹಿಂದಷ್ಟೇ ಪುನೀತ್ ಮತ್ತೊಂದು ವರ್ಕೌಟ್ ವಿಡಿಯೋ ಶೇರ್ ಮಾಡಿದ್ದರು. ಈ ವಿಡಿಯೋ ಕೂಡ ವೈರಲ್ ಆಗಿತ್ತು. ಅದರಲ್ಲಿಯೂ ಪುನೀತ್ ತಮ್ಮ ವಿಶೇಷ ಕಸರತ್ತಿನ ಸಾಮರ್ಥ್ಯವನ್ನು ಪ್ರದರ್ಶಿಸಿದ್ದರು. ವರ್ಕೌಟ್ ಮಾಡಿ. ಫಿಟ್ ಆಗಿರಿ, ಆರೋಗ್ಯವಂತರಾಗಿರಿ ಎಂದು ಪುನೀತ್ ಸಲಹೆ ನೀಡಿದ್ದರು.