ಒಂದೇ ಒಂದು ಫೈಟ್ ಸೀನ್ ಗೆ 25 ಕೋಟಿ ಖರ್ಚು ಮಾಡುತ್ತಿದೆ ಈ ಚಿತ್ರ

'ಬಾಹುಬಲಿ' ನಂತರ ಪ್ರಭಾಸ್ ಅಭಿನಯಿಸುತ್ತಿರುವ ಬಹುಕೋಟಿ ವೆಚ್ಚದ ಚಿತ್ರ 'ಸಾಹೋ'. ಈ ಚಿತ್ರದ ಬಜೆಟ್ ಸುಮಾರು 150 ಕೋಟಿ ಎಂದು ಅಂದಾಜಿಸಲಾಗಿದೆ. ಈಗ ಚಿತ್ರದ ಒಂದೇ ಒಂದು ಫೈಟ್ ಗೆ 25 ಕೋಟಿ ಖರ್ಚು ಮಾಡುತ್ತಿದೆಯಂತೆ ಪ್ರಭಾಸ್ ಸಿನಿಮಾ.

ತೆಲುಗು, ತಮಿಳು ಹಾಗೂ ಹಿಂದಿ ಭಾಷೆಯಲ್ಲಿ ತಯಾರಾಗುತ್ತಿರುವ 'ಸಾಹೋ' ಸಿನಿಮಾ ಆಕ್ಷನ್ ಕಮ್ ಲವ್ ಸ್ಟೋರಿ. ಅದಕ್ಕಾಗಿಯೇ, ಹಾಲಿವುಡ್ ಮಟ್ಟದಲ್ಲಿ ಸಾಹಸ ದೃಶ್ಯಗಳನ್ನ ಚಿತ್ರೀಕರಿಸಲಾಗುತ್ತಿದೆ. ಇದಕ್ಕಾಗಿ ಹಾಲಿವುಡ್ ಫೈಟ್ ಮಾಸ್ಟರ್ ನ ಕರೆತರಲಾಗಿದೆ.

ಹಾಲಿವುಡ್ ಖ್ಯಾತ ಸಾಹಸ ನಿರ್ದೇಶಕ ಕೆನ್ನಿ ಬೇಟ್ಸ್ ಈ 25 ಕೋಟಿಯ ಸಾಹಸ ದೃಶ್ಯವನ್ನ ನಿರ್ದೇಶನ ಮಾಡುತ್ತಿದ್ದಾರೆ. ಇನ್ನು ವಿಶೇಷ ಅಂದ್ರೆ ನಾಯಕಿ ಶ್ರದ್ಧಾ ಕಪೂರ್ ಕೂಡ ಆಕ್ಷನ್ ದೃಶ್ಯಗಳಲ್ಲಿ ಕಾಣಿಸಿಕೊಳ್ಳಲಿದ್ದು, ಈಕೆ ಕೂಡ ತರಬೇತಿ ಪಡೆಯುತ್ತಿದ್ದಾಳಂತೆ.

ಸುಜೀತ್ ನಿರ್ದೇಶನ ಮಾಡುತ್ತಿರುವ 'ಸಾಹೋ' ಚಿತ್ರ, ಈಗಾಗಲೇ ಟೀಸರ್ ಬಿಡುಗಡೆ ಮಾಡಿದ್ದು, ಮೇಕಿಂಗ್ ಮೂಲಕ ಹೆಚ್ಚು ಗಮನ ಸೆಳೆಯುತ್ತಿದೆ.