Saaho Day 1 Collection: ಅವೆಂಜರ್ ಉಡೀಸ್, ಬಾಹುಬಲಿ ಮುಟ್ಟದ ಸಾಹೋ

ಹಿಂದಿಯಲ್ಲಿ 20 ಕೋಟಿಯಂತೆ

ಬಾಲಿವುಡ್ ಇಂಡಸ್ಟ್ರಿಯ ಸಿನಿ ವಿಶ್ಲೇಷಕ ಗಿರೀಶ್ ಜೊಹರ್ ಸಾಹೋ ಚಿತ್ರದ ಗಳಿಕೆ ಬಗ್ಗೆ ಟ್ವೀಟ್ ಮಾಡಿದ್ದು, ಹಿಂದಿಯಲ್ಲಿ ಮಾತ್ರ ಮೊದಲ ದಿನ 20 ಕೋಟಿ ಗಳಿಸಿರುವುದಾಗಿ ಪ್ರಕಟಿಸಿದ್ದಾರೆ. ಈ ಮೂಲಕ ಬಾಲಿವುಡ್ ನಲ್ಲೂ ಸಾಹೋಗೆ ಒಳ್ಳೆಯ ಒಪನಿಂಗ್ ಪಡೆದುಕೊಂಡಿದೆ.

70 ಕೋಟಿ ಎನ್ನಲಾಗುತ್ತಿದೆ

ಹಿಂದಿಯಲ್ಲಿ 20 ಕೋಟಿ ಹಾಗೂ ದಕ್ಷಿಣ ಭಾರತದಲ್ಲಿ ಒಟ್ಟು 50 ಕೋಟಿ ಗಳಿಕೆ ಕಂಡಿದೆ ಎಂದು ವಿಶ್ಲೇಷಕ ಗಿರೀಶ್ ಜೊಹರ್ ಟ್ವೀಟ್ ಮಾಡಿದ್ದಾರೆ. ಅಲ್ಲಿಗೆ ಒಟ್ಟು ಸಾಹೋ ಸಿನಿಮಾ ಮೊದಲ ದಿನ 70 ಕೋಟಿ ಬಾಚಿಕೊಂಡಿದೆ. ಈ ಮೂಲಕ ಈ ಹಿಂದಿನ ಹಲವು ದಾಖಲೆ ಬ್ರೇಕ್ ಮಾಡಿದೆ.

'ಅವೆಂಜರ್' ಹಿಂದಿಕ್ಕಿದ 'ಸಾಹೋ'

ಹಾಲಿವುಡ್ ಸಿನಿಮಾ ಅವೆಂಜರ್ ಎಂಡ್ ಗೇಮ್ ಚಿತ್ರದ ಮೊದಲ ದಿನದ ಗಳಿಕೆಯನ್ನ ಸಾಹೋ ಸಿನಿಮಾ ಹಿಂದಿಕ್ಕಿದೆ. ಅವೆಂಜರ್ ಸಿನಿಮಾ ಮೊದಲ ದಿನ ಭಾರತದಲ್ಲಿ 53 ಕೋಟಿ ಗಳಿಸಿತ್ತು. ಸಾಹೋ ಸಿನಿಮಾ 70 ಕೋಟಿ ಗಳಿಕೆ ಕಂಡಿದೆ. ಹಾಗ್ನೋಡಿದ್ರೆ, ಮೊದಲ ದಿನ ಥಗ್ಸ್ ಆಫ್ ಹಿಂದೂಸ್ತಾನ್ 52 ಕೋಟಿ, ಹ್ಯಾಪಿ ನ್ಯೂ ಇಯರ್ 44 ಕೋಟಿ ಹಾಗೂ ಭಾರತ್ 42 ಕೋಟಿ ತನ್ನ ಖಾತೆಯಲ್ಲಿ ಹಾಕಿಕೊಂಡಿತ್ತು.

ಬಾಹುಬಲಿ ಮುಟ್ಟಲು ಸಾಧ್ಯವಾಗಿಲ್ಲ

ಅವೆಂಜರ್, ಹ್ಯಾಪಿ ನ್ಯೂ ಇಯರ್, ಭಾರತ್ ಅಂತಹ ದೊಡ್ಡ ಚಿತ್ರಗಳ ಮೊದಲ ದಿನ ಗಳಿಕೆಯನ್ನ ಹಿಂದಿಕ್ಕಿದ ಸಾಹೋ, ಬಾಹುಬಲಿ ಚಿತ್ರದ ರೆಕಾರ್ಡ್ ಮುಟ್ಟಲು ಸಾಧ್ಯವಾಗಿಲ್ಲ. ಬಾಹುಬಲಿ ಕನ್ ಕ್ಲೂಷನ್ ಮೊದಲ ದಿನ 122 ಕೋಟಿ ಬಾಚಿಕೊಂಡಿತ್ತು.