ಸ್ವೀಟಿ ಅನುಷ್ಕಾ ಬಗ್ಗೆ ಡಾರ್ಲಿಂಗ್ ಪ್ರಭಾಸ್ ಪ್ರೀತಿ ಮಾತು

'ಭಾಗಮತಿ'ಯನ್ನು ಮೆಚ್ಚಿದ ಬಾಹುಬಲಿ

ಮಂಗಳೂರಿನ ಚೆಲುವೆ ಅನುಷ್ಕಾ ಶೆಟ್ಟಿ ಅಭಿನಯದ 'ಭಾಗಮತಿ' ಚಿತ್ರದ ಟೀಸರ್ ಇಂದು ಬಿಡುಗಡೆಯಾಗಿದೆ. ಪ್ರಭಾಸ್ ಈ ಟೀಸರ್ ಅನ್ನು ಫೇಸ್ ಬುಕ್ ನಲ್ಲಿ ಹಾಕಿ ''ಪ್ರತಿ ಸಿನಿಮಾಗಳಲ್ಲಿಯೂ ಹೊಸ ರೀತಿಯ ಪ್ರಯೋಗ ಮಾಡುವುದರಲ್ಲಿ ಅನುಷ್ಕಾ ಶೆಟ್ಟಿ ಯಾವಾಗಲೂ ಮೊದಲಿರುತ್ತಾಳೆ. ಗುಡ್ ಲಕ್ ಸ್ವೀಟಿ.. ಹಾಗೂ ಚಿತ್ರತಂಡಕ್ಕೆ ಶುಭವಾಗಲಿ'' ಎಂದು ಬರೆದುಕೊಂಡಿದ್ದಾರೆ.

ಮದುವೆ ಆಗುವಂತೆ ಮನವಿ ಮಾಡಿದ ಫ್ಯಾನ್ಸ್

ಪ್ರಭಾಸ್ ಸ್ಟೇಟಸ್ ನೋಡಿದ ತಕ್ಷಣ ಕುಡ್ಲ ಕುವರಿ ಅನುಷ್ಕಾ ಅವರನ್ನ ರಿಯಲ್ ಲೈಫ್ ನಲ್ಲಿ ಮದುವೆ ಆಗುವಂತೆ ಪ್ರಭಾಸ್ ಅವರಿಗೆ ಅಭಿಮಾನಿಗಳು ಮನವಿ ಮಾಡಿದ್ದಾರೆ. ''ನೀವಿಬ್ಬರು ಒಳ್ಳೆ ಜೋಡಿ ಆಗುತ್ತೀರಾ'' ಎನ್ನುವ ಟಿಪ್ಸ್ ನೀಡಿದ್ದಾರೆ.

ದೇವಸೇನಾ ಈಗ ರಾಣಿ ಭಾಗಮತಿ

ಅನುಷ್ಕಾಶೆಟ್ಟಿ ಅಭಿನಯದ 'ಭಾಗಮತಿ' ಚಿತ್ರದ ಟೀಸರ್ ಇಂದು(ಡಿಸೆಂಬರ್ 20) ಬಿಡುಗಡೆಯಾಗಿದೆ. 'ಬಾಹುಬಲಿ' ಚಿತ್ರದಲ್ಲಿ ರಾಜಕುಮಾರಿ ದೇವಸೇನಾ ಆಗಿ ಕಾಣಿಸಿಕೊಂಡಿದ್ದ ಅನುಷ್ಕಾ, ರಾಣಿ 'ಭಾಗಮತಿ' ಪಾತ್ರದಲ್ಲಿ ಮಿಂಚುತ್ತಿದ್ದಾರೆ. ಪೋಸ್ಟರ್ ಬಳಿಕ ಬಿಡುಗಡೆಯಾಗಿರುವ ಟೀಸರ್ ತುಂಬಾ ಕುತೂಹಲ ಮೂಡಿಸುತ್ತಿದೆ.

ಜನವರಿಯಲ್ಲಿ ರಾಣಿ 'ಭಾಗಮತಿ' ದರ್ಶನ

ಚಿತ್ರೀಕರಣ ಮುಗಿಸಿರುವ 'ಭಾಗಮತಿ' ಸಿನಿಮಾ ಜನವರಿ( 2018) 26 ರಂದು ತೆರೆಗೆ ಬರುತ್ತಿದೆ. ತೆಲುಗು, ತಮಿಳು ಸೇರಿದಂತೆ ಮಲೆಯಾಳಂ ನಲ್ಲಿ ಚಿತ್ರ ತೆರೆಗೆ ಬರುತ್ತಿದೆ. ಈ ಹಿಂದೆ ಪ್ರಭಾಸ್ ಮತ್ತು ಅನುಷ್ಕಾ ಅಭಿನಯದ 'ಮಿರ್ಚಿ' ಸಿನಿಮಾ ನಿರ್ಮಾಣ ಮಾಡಿದ್ದ 'ಯುವಿ ಕ್ರಿಯೇಷನ್ಸ್' ಸಂಸ್ಥೆ 'ಭಾಗಮತಿ' ಚಿತ್ರವನ್ನ ಪ್ರೊಡ್ಯೂಸ್ ಮಾಡಿದೆ.