ಸ್ನೇಹಿತನ 'ಕನಸನ್ನು' ಲೋಕಾರ್ಪಣೆ ಮಾಡಿದ ಪ್ರಶಾಂತ್ ನೀಲ್

ಹಲವು ಸಿನಿಮಾಗಳಿಗೆ ಸಂಗೀತ

ಏನನ್ನಾದರೂ ಸಾಧಿಸಬೇಕೆಂಬ ಆಸೆಯಿಂದ ಊರು ಬಿಟ್ಟು ಬೆಂಗಳೂರು ಸೇರಿದ ರವಿ ಇದೀಗ ಖ್ಯಾತ ಸಂಗೀತ ನಿರ್ದೇಶಕರಾಗಿದ್ದಾರೆ. ಹಲವು ಸಿನಿಮಾಗಳಿಗೆ ಸಂಗೀತ ನೀಡಿರುವ ರವಿ ಅವರಿಗೆ ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್ ಸಿನಿಮಾ ಬಹು ದೊಡ್ಡ ಗುರುತು ತಂದುಕೊಟ್ಟಿತು.

ವಾಪಸ್ ಬರಲು ಅಂದೇ ನಿಶ್ಚಯ

ಊರು ಬಿಟ್ಟು ಬೆಂಗಳೂರಿಗೆ ಹೋಗಬೇಕಾದರೆ ಎಂದುಕೊಂಡಿದ್ದರಂತೆ, ಯಶಸ್ಸು ಗಳಿಸಿ ಊರಿಗೆ ವಾಪಸ್ಸಾಗುತ್ತೇನೆಂದು. ಹಾಗೆಯೇ ಜೀವನದಲ್ಲಿ ಯಶಸ್ಸು ಕಂಡಿರುವ ರವಿ ಬಸ್ರೂರು ಈಗ ಊರಿಗೆ ಮರಳಿದ್ದು, ತಮ್ಮ ಊರಿನಲ್ಲೇ ಸ್ಟುಡಿಯೋ ನಿರ್ಮಿಸಿದ್ದಾರೆ.

ಉಗ್ರಂ ಮೂಲಕ ಸ್ವತಂತ್ರ್ಯ ಸಂಗೀತ ನಿರ್ದೇಶಕ

ಪ್ರಶಾಂತ್ ನೀಲ್ ನಿರ್ದೇಶನದ 'ಉಗ್ರಂ' ಸಿನಿಮಾ ಮೂಲಕ ಸ್ವತಂತ್ರ ಸಂಗೀತ ನಿರ್ದೇಶನ ಪ್ರಾರಂಭಿಸಿದ ರವಿ ಬಸ್ರೂರು, ಮಫ್ತಿ, ಅಂಜನಿಪುತ್ರ, ಕೆಜಿಎಫ್, ಕೆಜಿಎಫ್ 2 ಗೆ ಸಹ ಸಂಗೀತ ನೀಡಿದ್ದಾರೆ. ಇದೀಗ ಪ್ರಶಾಂತ್ ನೀಲ್ ನಿರ್ದೇಶಿಸಿ ಪ್ರಭಾಸ್ ನಟಿಸುತ್ತಿರುವ 'ಸಲಾರ್' ಸಿನಿಮಾಕ್ಕೆ ಸಹ ಸಂಗೀತ ನೀಡಲಿದ್ದಾರೆ ರವಿ ಬಸ್ರೂರು.

Recommended Video

ಅಪ್ಪು ಅಭಿಮಾನಿಗಳಿಗೆ ಸಿಹಿಸುದ್ದಿ ಕೊಟ್ಟ ಹೊಂಬಾಳೆ ಫಿಲಂಸ್ | Filmibaet Kannada

ನಾಗರಬಾವಿಯಲ್ಲಿ ಸ್ಟುಡಿಯೋ ನಿರ್ಮಿಸಿದ್ದರು

ಈ ಮೊದಲು ಬೆಂಗಳೂರಿನ ನಾಗರಬಾವಿಯಲ್ಲಿ ಸ್ಟುಡಿಯೋ ನಿರ್ಮಿಸಿದ್ದರು ರವಿ ಬಸ್ರೂರು. ತಮ್ಮ ಸಿನಿಮಾಗಳ ಸಂಗೀತದ ಕಾರ್ಯಗಳನ್ನು ಅಲ್ಲಿಯೇ ಮಾಡುತ್ತಿದ್ದರು. 'ಮೌನದಿಂದ ಕೆಲಸ ಮಾಡು, ನಿನ್ನ ಯಶಸ್ಸು ಮಾತನಾಡಲಿ' ಎಂಬ ಸಾಲುಗಳನ್ನು ಸ್ಟುಡಿಯೋದ ಗೋಡೆಯ ಮೇಲೆ ಬರೆಸಿದ್ದರು ರವಿ ಬಸ್ರೂರು.