'ಕೃಷ್ಣ'ನನ್ನು ಕಳೆದುಕೊಂಡ ದುಃಖದಲ್ಲಿ ಕಣ್ಣೀರಿಟ್ಟ 'ಅರ್ಜುನ': ಚಿರುಗೆ ಪ್ರಜ್ವಲ್ ನೋವಿನ ವಿದಾಯ

ನನಗೆ ಅಣ್ಣನಿದ್ದಂತೆ

'ನಾವು ಚಿಕ್ಕಂದಿನಿಂದಲೂ ಜತೆಗೆ ಬೆಳೆದಿದ್ದವರು. ಇಬ್ಬರ ನಡುವೆ ನಾಲ್ಕೈದು ವರ್ಷದ ವ್ಯತ್ಯಾಸ. ಆದರೆ ಇಬ್ಬರಲ್ಲಿಯೂ ಆತ್ಮೀಯತೆ ಬೆಳೆದಿದ್ದು ಇಮ್ರಾನ್ ಸರ್ದಾರಿಯಾ ಅವರ ನೃತ್ಯ ಶಾಲೆಯಲ್ಲಿ. ದಶಕದ ಹಿಂದೆ ಕ್ಲಾಸ್‌ನಲ್ಲಿ ಚಿರು ಸೀನಿಯರ್ ಆಗಿದ್ದರೆ, ನಾನು ಅತಿ ಕಿರಿಯವನಾಗಿದ್ದೆ. ಚಿರು ನನಗೆ ಅಣ್ಣನಿದ್ದಂತೆ. ನಾವು ಯಾವಾಗಲೂ ಒಟ್ಟಿಗೆ ಸುತ್ತಾಡಲು ಹೋಗುತ್ತಿದ್ದೆವು. ಇಬ್ಬರೂ ಸಿನಿಮಾ ರಂಗಕ್ಕೆ ಕಾಲಿಟ್ಟ ಬಳಿಕ ಮತ್ತಷ್ಟು ಹತ್ತಿರವಾದೆವು.

'ಚಿರು' ಜತೆ ಮೊದಲ ಚಿತ್ರದಲ್ಲಿ ನಟಿಸಿದ್ದ ಕೃತಿ ಕರಬಂಧ ಭಾವುಕ ಮಾತು

ಕೃಷ್ಣ-ಅರ್ಜುನರಾಗಿದ್ದೆವು

ನಾನು ಬಹಳ ಮೃದು ಸ್ವಭಾವದವನಾಗಿದ್ದು, ಕಠಿಣವಾಗಬೇಕು ಎಂದು ಅವರು ಸದಾ ಸಲಹೆ ನೀಡುತ್ತಿದ್ದರು. ಚಿತ್ರರಂಗದಲ್ಲಿ ಇಷ್ಟು ಒಳ್ಳೆತನ ಕೆಲಸ ಮಾಡುವುದಿಲ್ಲ ಎಂದು ಹೇಳುತ್ತಿದ್ದರು. ಈ ಆತ್ಮೀಯತೆ ಕಾರಣದಿಂದ ನಾನು ತಮಾಷೆಯಾಗಿ ಅವರನ್ನು ಕೃಷ್ಣ ಎಂದು ಕರೆದರೆ ನಾನು ಅರ್ಜುನನಾಗಿದ್ದೆ. ಪನ್ನಗಾಭರಣ ನಮ್ಮಿಬ್ಬರನ್ನೂ ಹಾಕಿಕೊಂಡು ಸಿನಿಮಾ ಮಾಡಲು ಬಯಸಿದ್ದರು. ಅದಕ್ಕೆ 'ಕೃಷ್ಣ-ಅರ್ಜುನ' ಎಂದೇ ಹೆಸರಿಡಲು ತೀರ್ಮಾನಿಸಿದ್ದರು.

ಹೊರ ಹೋದಾಗಲೆಲ್ಲ ಗುಂಪು ಇರುತ್ತಿತ್ತು

ಚಿರು ಯಾವಾಗಲೂ ಮನೆಯಿಂದ ಹೊರ ಹೋಗಲು ಬಯಸುವವರಲ್ಲ. ಹಾಗೆ ಒಮ್ಮೆ ಹೊರಟರೆ ತನ್ನ ಸುತ್ತಲೂ ಗೆಳೆಯರ ತಂಡವನ್ನು ಸೇರಿಸಿಕೊಳ್ಳುತ್ತಿದ್ದರು. ನಾನು ಆ ಗುಂಪಿನ ಭಾಗವಾಗಿರುತ್ತಿದ್ದೆ. ನಾವೆಲ್ಲ ಒಂದೇ ಕುಟುಂಬದವರಂತೆ ಇದ್ದೆವು. ಚಿರು ಬಹಳ ಆರೋಗ್ಯವಂತರಾಗಿದ್ದರು.

'ನಗುತಲಿರು..' ಎಂದು ಕೊನೆಯದಾಗಿ ಹೇಳಿದ್ದ ಚಿರು, ಅಳು ಉಳಿಸಿ ಹೋದರು

ಖುಷಿಯಾಗಿರುವಂತೆ ನೋಡಿಕೊಳ್ಳುತ್ತಿದ್ದರು

ಚಿರು ಜೀವನವನ್ನು ತುಂಬಾ ಪ್ರೀತಿಸುತ್ತಿದ್ದರು. ಹಾಗೆಯೇ ಯಾವಾಗಲೂ ನಗುತ್ತಾ, ಬಗೆ ಬಗೆಯ ಅಡುಗೆಗಳನ್ನು ಸೇವಿಸುತ್ತಾ ಖುಷಿಯಿಂದ ಇರುತ್ತಿದ್ದರು. ಇತ್ತೀಚೆಗಷ್ಟೇ ನನ್ನ ಅಮ್ಮ ಮಟನ್ ಚಾಪ್ಸ್ ಮಾಡಿ, ಅದು ಚಿರುಗೆ ಇಷ್ಟ ಎಂದು ಕಳುಹಿಸಿದ್ದರು. ಯಾವಾಗಲೂ ಉತ್ಸಾಹದಿಂದ ಪುಟಿಯುತ್ತಿದ್ದ ಚಿರು, ತಮ್ಮ ಜತೆಗಿರುವವರೂ ಸಂತೋಷದಿಂದ ಇರುವಂತೆ ನೋಡಿಕೊಳ್ಳುತ್ತಿದ್ದರು ಎಂದು ಪ್ರಜ್ವಲ್ ನೆನಪಿಸಿಕೊಂಡಿದ್ದಾರೆ.

'ಚಿರುನ ಕಷ್ಟಪಟ್ಟು ಪಡೆದಿದ್ದೆ' ಬಿಕ್ಕಿ ಬಿಕ್ಕಿ ಅಳುತ್ತಿರುವ ಮೇಘನಾ