ಸೋಲುಂಡ ಪ್ರಭಾಸ್ ಗೆಲ್ಲಿಸುವ ಜವಾಬ್ದಾರಿ ಪ್ರಶಾಂತ್ ನೀಲ್‌ ಹೆಗಲಿಗೆ!

ಪ್ರಭಾಸ್ ಮುಂದಿನ ಸಿನಿಮಾ 'ಸಲಾರ್'!

ಪ್ರಭಾಸ್ ಸದ್ಯ ಬ್ಯಾಕ್ ಟು, ಬ್ಯಾಕ್ ಸಿನಿಮಾಗಳನ್ನು ಮಾಡುತ್ತಾ ಇದ್ದಾರೆ. ಆದರೆ ತೆರೆಗೆ ಬರಲಿರುವ ಪ್ರಭಾಸ್

ಮುಂದಿನ ಸಿನಿಮಾ 'ಸಲಾರ್' ಎನ್ನಲಾಗುತ್ತಿದೆ. ಹಾಗಾಗಿ ಈ ಚಿತ್ರದ ಮೇಲೆ ಎಲ್ಲಿಲ್ಲದ ನಿರೀಕ್ಷೆ ಇದೆ. ಅದರಲ್ಲೂ ಹೇಳಿ ಕೇಳಿ 'ಸಲಾರ್' ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿರುವ ಸಿನಿಮಾ. ಇದು ಇನ್ನೊಂದು ಕೆಜಿಎಫ್ ಆಗಲು ಸಾಧ್ಯವಿಲ್ಲ. ಆದರೆ ನೀಲ್ ಮೇಲೆ ಸಿನಿಮಾ ಗೆಲ್ಲಿಸುವ ಜವಾಬ್ದಾರಿ ಅಂತು ಇದ್ದೇ ಇದೆ.

ಪ್ರಶಾಂತ್ ನೀಲ್ ಭಾರತೀಯ ಚಿತ್ರರಂಗದ ವೀರಪ್ಪನ್: RGV ಟ್ವೀಟ್ ಮೇಲೆ ಟ್ವೀಟ್

'ಸಲಾರ್' ಬಳಿಕ 'ಆದಿಪುರುಷ್' ತೆರೆಗೆ!

'ಸಲಾರ್', 'ಆದಿಪುರುಷ್', 'ಪ್ರಾಜೆಕ್ಟ್ ಕೆ' ಸಿನಿಮಾಗಳಲ್ಲಿ ಪ್ರಭಾಸ್ ಬ್ಯುಸಿಯಾಗಿದ್ದಾರೆ. ಈಗಾಗಲೇ 'ಆದಿಪುರುಷ್' ಸಿನಿಮಾದ ಚಿತ್ರೀಕರಣವನ್ನು ಪ್ರಭಾಸ್ ಮಾಡಿ ಮುಗಿಸಿದ್ದಾರೆ. 'ಸಲಾರ್' ಸಿನಿಮಾದ ಶೂಟಿಂಗ್ ಇನ್ನೂ ಮುಗಿಲ್ಲ. ಆದರೆ ಈಗ ಎಷ್ಟು ಚಿತ್ರೀಕರಣ ಮುಗಿದಿದೆಯೋ, ಅಷ್ಟೂ ಪ್ರೋಸ್ಟ್ ಪ್ರೋಡಕ್ಷನ್ ಕೂಡ ಮುಗಿದೆ ಎನ್ನಲಾಗುತ್ತಿದೆ. ಹಾಗಾಗಿ ಮೊದಲು ತೆರೆಗೆ ಬರುವುದು 'ಸಲಾರ್'. ಬಳಿಕ 'ಆದಿಪುರುಷ್' ಮತ್ತು 'ಪ್ರಾಜೆಕ್ಟ್ ಕೆ' ಸಿನಿಮಾಗಳು ರಿಲೀಸ್ ಆಗಲಿವೆ.

ಅದ್ದೂರಿ ವೆಚ್ಚದಲ್ಲಿ ಸಲಾರ್ ನಿರ್ಮಾಣ!

'ಸಲಾರ್' ಸಿನಿಮಾವನ್ನು ಕನ್ನಡದ ಹೊಂಬಾಳೆ ನಿರ್ಮಾಣ ಸಂಸ್ಥೆ ನಿರ್ಮಾಣ ಮಡುತ್ತಿದೆ. ದೊಡ್ಡ ಬಜೆಟ್ ಸಿನಿಮಾ ಆದ ಕಾರಣ ಹೊಂಬಾಳೆ ಈ ಚಿತ್ರಕ್ಕೆ ದೊಡ್ಡ ಮಟ್ಟದಲ್ಲೇ ಬಂಡವಾಳ ಹೂಡುತ್ತಿದೆ. ಯಾಕೆಂದರೆ ನಿರ್ದೇಶಕ ಪ್ರಶಾಂತ್ ನೀಲ್ ಕಾಂಪ್ರಮೈಸ್ ಮಾಡಿಕೊಂಡು ಸಿನಿಮಾ ಮಾಡುವುದೇ ಇಲ್ಲ. ಹಾಗಾಗಿ ತೆರೆಯ ಮೇಲೆ ಸಿನಿಮಾ ಪರ್ಫೆಕ್ಟ್ ಆಗಿ ಮೂಡಿ ಬರುತ್ತದೆ. ಇನ್ನು 'ಸಲಾರ್' ಸಿನಿಮಾದ ಕ್ಲೈಮ್ಯಾಕ್ಸ್‌ಗಾಗಿ 75 ಕೋಟಿ ಖರ್ಚು ಮಾಡಲಾಗುತ್ತಿದೆ ಎನ್ನಲಾಗಿದೆ.

ಕೆಜಿಎಫ್ 3: ರಾಕಿ ಭಾಯ್ ಎದುರು ರಾಣಾ ದಗ್ಗುಬಾಟಿ ವಿಲನ್?

ಪ್ರಭಾಸ್ ಮುಂದಿನ ಚಿತ್ರ ಗೆಲ್ಲುವ ಅನಿವಾರ್ಯತೆ!

'ಬಾಹುಬಲಿ' ನಂತರ ಬಂದ 'ಸಾಹೋ','ರಾಧೆ ಶ್ಯಾಮ್' ಚಿತ್ರಗಳು ಅಷ್ಟೇನೂ ಯಶಸ್ಸು ಕಾಣಲಿಲ್ಲ. ಅದರಲ್ಲೂ 'ರಾಧೆ ಶ್ಯಾಮ್' ಫ್ಯಾಪ್ ಸಿನಿಮಾಗಳ ಸಾಲು ಸೇರಿ ಬಿಟ್ಟಿತು. ಹಾಗಾಗಿ ಪ್ರಭಾಸ್ ಮುಂದಿನ ಸಿನಿಮಾ ಗೆಲ್ಲುವ ಅನಿವಾರ್ಯತೆ ಸೃಷ್ಟಿಯಾಗಿದೆ. ಅದು 'ಸಲಾರ್' ಆದ ಕಾರಣ ಸಿನಿಮಾ ಗೆದ್ದರೂ, ಸೋತರು ಅದು ನಿರ್ದೇಶಕನ ಹೊಣೆ ಆಗಿರುತ್ತದೆ. ಹಾಗಾಗಿ ಪ್ರಶಾಂತ್ ನಿಲ್ ಹೆಗಲಿಗೆ ಈಗ ದೊಡ್ಡ ಜವಾಬ್ದಾರಿ ಇದೆ.