ಕೊನೆಗೂ ಸಂಭಾವನೆ ಬಗ್ಗೆ ಮಾತನಾಡಿದ 'ಕೆಜಿಎಫ್' ಪ್ರಶಾಂತ್ ನೀಲ್

15 ಕೋಟಿ ಪಡೆದ್ರಾ?

ಜೂನಿಯರ್ ಎನ್‌ಟಿಆರ್ ನಾಯಕನಾಗಿ ನಟಿಸಲಿರುವ 31ನೇ ಚಿತ್ರವನ್ನು ಪ್ರಶಾಂತ್ ನೀಲ್ ನಿರ್ದೇಶಿಸಲಿದ್ದಾರೆ. ಈ ಚಿತ್ರಕ್ಕೆ ಮೈತ್ರಿ ಮೂವಿ ಮೇಕರ್ಸ್ ಬಂಡವಾಳ ಹಾಕಲಿದ್ದಾರೆ. ಟಾಲಿವುಡ್‌ನಲ್ಲಿ ಸದ್ಯ ಹರಿದಾಡುತ್ತಿರುವ ಸುದ್ದಿ ಪ್ರಕಾರ, 15 ಕೋಟಿ ರೂಪಾಯಿ ಚೆಕ್ ಪಡೆದಿದ್ದಾರೆ ಎಂಬ ಸುದ್ದಿ ಕೇಳಿ ಬರುತ್ತಿದೆ.

ದಕ್ಷಿಣದ ದುಬಾರಿ ನಿರ್ದೇಶಕ

ಮೈತ್ರಿ ಮೂವಿ ಮೇಕರ್ಸ್ 15 ಕೋಟಿ ಕೊಟ್ಟಿದ್ದು ನಿಜವೇ ಆದರೆ ಪ್ರಶಾಂತ್ ನೀಲ್ ದಕ್ಷಿಣ ಭಾರತದ ದುಬಾರಿ ನಿರ್ದೇಶಕ. ಕನ್ನಡ ಇಂಡಸ್ಟ್ರಿ ಪಾಲಿಗೆ ಈ ಸಂಭಾವನೆ ಯಾವ ನಿರ್ದೇಶಕನೂ ಪಡೆದಿಲ್ಲ. ನೀಲ್ ಬೇಡಿಕೆ ನೋಡಿದ್ರೆ ಕನ್ನಡ ನಿರ್ಮಾಪಕರಿಗೆ ಕಬ್ಬಿಣದ ಕಡಲೆಯಾಗಲಿದ್ದಾರೆ.

ಪ್ರಶಾಂತ್ ನೀಲ್ ಏನಂದ್ರು?

ಈ ಕುರಿತು ಖಾಸಗಿ ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿರುವ ಪ್ರಶಾಂತ್ ನೀಲ್ ''ಇದು ನನ್ನ ವೈಯಕ್ತಿಕ ವಿಚಾರ. ಪ್ರಸ್ತುತ ನಾನು ಅತಿ ಹೆಚ್ಚು ಪಡೆಯುವ ನಿರ್ದೇಶಕ ಎನ್ನುವುದನ್ನು ನಾನು ನಂಬುವುದಿಲ್ಲ. ಚರ್ಚೆಗೆ ಇದು ಮೊದಲ ವಿಷಯವಾಗಿರಬೇಕು ಎಂದು ಸಹ ನಾನು ಭಾವಿಸುವುದಿಲ್ಲ'' ಎಂದಿರುವುದಾಗಿ ಟಾಲಿವುಡ್‌.ನೆಟ್ ವೆಬ್‌ಸೈಟ್ ವರದಿ ಮಾಡಿದೆ.

Recommended Video

ಪ್ರಾಣಿಗಳನ್ನು ದತ್ತು ಪಡೆದು ಕಾಪಾಡಿ ಎಂದು ಮನವಿ ಮಾಡಿಕೊಂಡ Darshan | Filmibeat Kannada

ನೀಲ್ ಮುಂದಿನ ಪ್ರಾಜೆಕ್ಟ್‌ಗಳು

ಕೆಜಿಎಫ್ ಚಾಪ್ಟರ್ 2 ಸಂಪೂರ್ಣವಾಗಿ ಮುಗಿದಿದ್ದು, ರಿಲೀಸ್‌ಗೆ ರೆಡಿಯಾಗಿದೆ. ಪ್ರಭಾಸ್ ಜೊತೆ ಸಲಾರ್ ಆರಂಭಿಸಿದ್ದು ಚಿತ್ರೀಕರಣ ಸಾಗ್ತಿದೆ. ಜೂನಿಯರ್ ಎನ್‌ಟಿಆರ್ ಜೊತೆ ಹೊಸ ಸಿನಿಮಾ ಅಧಿಕೃತವಾಗಿ ಪ್ರಕಟವಾಗಿದೆ. ಅದಾದ ಮೇಲೆ ಗೀತಾ ಆರ್ಟ್ಸ್ ಜೊತೆ, ಬಾಹುಬಲಿ ನಿರ್ಮಾಪಕ ಡಿವಿವಿ ದಾನಯ್ಯ ಜೊತೆ ಹಾಗೂ ದಿಲ್ ರಾಜು ಜೊತೆ ಮಾತುಕತೆ ನಡೆಯುತ್ತಿದೆ ಎನ್ನಲಾಗಿದೆ.