ನಟಿ ಖಾತೆಗೆ 75 ಲಕ್ಷ ಹಣ: 'ಇದು ಡಿಂಗ್ ಡಾಂಗ್ ಕೇಸ್' ಎಂದ ಸಂಬರ್ಗಿ

ಡಿಂಗ್ ಡಾಂಗ್ ಕೇಸ್ ಎಂದ ಸಂಬರ್ಗಿ

ಬಂಧಿತ ಸ್ವಾಮಿ ಯುವರಾಜ್ ಘಟನೆಗೆ ಸಂಬಂಧಿಸಿದಂತೆ ಪೋಸ್ಟ್ ಹಾಕಿರುವ ಪ್ರಶಾಂತ್ ಸಂಬರ್ಗಿ ''ಪೊಲೀಸರಿಂದ ಸಿಕ್ಕಿರುವ ಮಾಹಿತಿ ಪ್ರಕಾರ ವಂಚನೆ ಮಾಡಿರುವ ಯುವರಾಜ್‌ನಿಂದ 75 ಲಕ್ಷ ಹಣ ಮಹಿಳೆಗೆ ವರ್ಗಾವಣೆಯಾಗಿದೆ. ಇದು ಶುದ್ಧ ಡಿಂಗ್ ಡಾಂಗ್ ಕೇಸ್'' ಎಂದು ಟೀಕಿಸಿದ್ದಾರೆ.

ಗೊಂದಲ ಸೃಷ್ಟಿಸಿದ ಪ್ರಶಾಂತ್ ಪೋಸ್ಟ್

ಯುವರಾಜ್ ಖಾತೆಯಿಂದ ನಟಿಗೆ ವರ್ಗಾವಣೆ ಆಗಿದೆ ಎಂಬ ಹಣಕ್ಕೆ ಸಂಬಂಧಿಸಿದಂತೆ ರಾಧಿಕಾ ಕುಮಾರಸ್ವಾಮಿ ಸ್ಪಷ್ಟನೆ ನೀಡಿದ್ದಾರೆ. ಇದು ಸಿನಿಮಾ ಉದ್ದೇಶದಿಂದ ವರ್ಗಾವಣೆ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ. ಆದ್ರೆ, ಪ್ರಶಾಂತ್ ಸಂಬರ್ಗಿ ಹಾಕಿರುವ ಪೋಸ್ಟ್ ಗೊಂದಲ ಸೃಷ್ಟಿಸಿದೆ. ''ding dong case of remuneration'' ಅಂದ್ರೆ ಏನು ಎಂದು ಪ್ರಶ್ನೆ ಉಂಟಾಗಿದೆ.

ಒಂದೂವರೆ ಕೋಟಿಯಲ್ಲ, 75 ಲಕ್ಷ ಅಷ್ಟೇ

ಯುವರಾಜ್ ಖಾತೆಯಿಂದ ರಾಧಿಕಾ ಕುಮಾರಸ್ವಾಮಿಗೆ ವರ್ಗಾವಣೆ ಆಗಿರುವ ಹಣ ಒಂದೂವರೆ ಕೋಟಿಯಲ್ಲ. ಯುವರಾಜ್ ಖಾತೆಯಿಂದ 15 ಲಕ್ಷ ಹಾಗೂ ಬೇರೊಬ್ಬ ನಿರ್ಮಾಪಕನಿಂದ 60 ಲಕ್ಷ. ಒಟ್ಟು 75 ಲಕ್ಷ ಹಣ ಖಾತೆಗೆ ಬಂದಿದೆ. ಇದನ್ನು ಸ್ವತಃ ರಾಧಿಕಾ ಕುಮಾರಸ್ವಾಮಿ ಒಪ್ಪಿಕೊಂಡಿದ್ದಾರೆ.

ಡ್ರಗ್ಸ್ ಪ್ರಕರಣದಲ್ಲಿ ಹೆಚ್ಚು ಸುದ್ದಿಯಲ್ಲಿದ್ದ ಪ್ರಶಾಂತ್

ಡ್ರಗ್ಸ್ ಪ್ರಕರಣದಲ್ಲಿ ಸಂಜನಾ ಮತ್ತು ರಾಗಿಣಿ ದ್ವಿವೇದಿ ವಿರುದ್ಧವಾಗಿ ಗಂಭೀರ ಟೀಕೆಗಳನ್ನ ಮಾಡಿದ್ದ ಪ್ರಶಾಂತ್ ಸಂಬರ್ಗಿ, ಈಗ ಯುವರಾಜ್ ಮತ್ತು ರಾಧಿಕಾ ಕುಮಾರಸ್ವಾಮಿ ಘಟನೆ ಬಗ್ಗೆಯೂ ಮಧ್ಯಪ್ರವೇಶಿಸಿದ್ದಾರೆ. ಡ್ರಗ್ಸ್ ಕೇಸ್‌ನಲ್ಲಿ ಹಲವು ರಾಜಕಾರಣಿಗಳು, ಸಿನಿಮಾ ನಟ-ನಟಿಯರನ್ನು ಪರೋಕ್ಷವಾಗಿ ಟೀಕಿಸಿದ್ದರು.