Sanjjanaa Galrani: ತಲೆ ಬೋಳಿಸಿಕೊಂಡು ಫೂಲ್ ಮಾಡಲು ಹೋಗಿ ಟ್ರೋಲ್ ಆದ ಸಂಜನಾ!

ಸಂಜನಾ ತಲೆ ಬೋಳಿಸಿಕೊಂಡಿದ್ದು ಸುಳ್ಳು!

ನಟಿ ಸಂಜನಾ ತಲೆ ಬೋಳಿಸಿಕೊಂಡಿದ್ದ ಪೋಟೊ, ನೀವೂ ಕೂಡ ನೋಡಿರುತ್ತೀರಿ. ಅದು ನಿಜ ಎಂದು ನಂಬಿದರು ನಂಬಿರುತ್ತೀರಿ. ಆದರೆ ಅದು ನಿಜವಲ್ಲ. ಏಪ್ರಿಲ್ ಫೂಲ್‌ಗಾಗಿ ಸಂಜನಾ ಮಾಡಿರುವ ಗಿಮಿಕ್ ಅಷ್ಟೆ. ಇದನ್ನು ಈಗ ವಿಡಿಯೋ ಮಾಡುವ ರಿವೀಲ್ ಮಾಡಿದ್ದಾರೆ. ಹಾಗಾಗಿ ಸಂಜನಾ ಬೋಳು ತಲೆಯ ಫೋಟೊಗೆ ಬರೆದಿದ್ದ ಕ್ಯಾಪ್ಷನ್ ಕಂಡು ನೀವೂ ಪಾಪ ಎಂದು ಮರುಗಿದ್ದರೆ, ಫೂಲ್ ಆದ ಹಾಗೆ.

ವೈರಲ್ ಆಗಿತ್ತು ಸಂಜನಾ ಬೋಳು ತಲೆಯ ಫೋಟೊ!

ನಟಿ ಸಂಜನಾ ಗಲ್ರಾನಿ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹೊಸ ಲುಕ್‌ನ ಫೋಟೊ ಒಂದನ್ನು ಹರಿ ಬಿಟ್ಟಿದ್ದರು. ಆದರೆ ಅದು ಮಾಮೂಲಿ ಫೋಟೊ ಆಗಿರಲಿಲ್ಲ. ಈ ಫೋಟೊದಲ್ಲಿ ಸಂಜನಾ ತಲೆಯಲ್ಲಿ ಕೂದಲು ಇರಲಿಲ್ಲ. ತಲೆ ಬೋಳಿಸಿಕೊಂಡ ಲುಕ್‌ನಲ್ಲಿದ್ದರು ಸಂಜನಾ. ಇದು ಲುಕ್ ಮಾತ್ರ ಅಲ್ಲ. ಸಂಜನಾ ತನ್ನ ತಲೆ ಕೂದಲನ್ನು ದಾನ ಮಾಡಿದ್ದಾರೆ. ನಂತರ ಬೋಳು ತಲೆಯ ಫೋಟೊ ಹಂಚಿಕೊಂಡಿದ್ದಾರೆ ಎನ್ನುವ ರೀತಿಯಲ್ಲಿ ಕ್ಯಾಪ್ಷನ್ ಬರೆದಿದ್ದರು. ಸಂಜನಾಳ ಈ ಲುಕ್ ಕಂಡವರು ಸಂಜನಾಗೆ ಏನಾಯ್ತು?. ಎಂದು ಅಚ್ಚರಿ ವ್ಯಕ್ತ ಪಡಿಸುತ್ತಿದ್ದಾರೆ.

ಫೂಲ್ ಮಾಡಿ, ಟ್ರೋಲ್ ಆದ ಸಂಜನಾ!

ನಟಿ ಸಂಜನಾ ತಮ್ಮ ತಲೆ ಕೂದಲನ್ನು ದಾನ ಮಾಡಿದ್ದೇನೆ ಎಂದು ತಮ್ಮ ಜೀವನದ ಬಗ್ಗೆ ಭಾವನಾತ್ಮ ಸಂದೇಶ ಬರೆದುಕೊಂಡಿದ್ದರು. ಇದರಿಂದ ಹಲವರು ಸಂಜನಾ ಬಗ್ಗೆ ಮರುಗಿ ಕಮೆಂಟ್ ಮಾಡಿದ್ದರು. ಆದರೆ ಅದು ನಿಜವಲ್ಲ ಎಂದು ಗೊತ್ತಾದ ಮೇಲೆ ಈ ರೀತಿ ಮಾಡಿರುವು ತಪ್ಪು, ತಲೆ ಕೂದಲನ್ನು ಕ್ಯಾನ್ಸರ್ ಪೀಡಿತರಿಗೆ ದಾನ ಮಾಡುತ್ತರೆ. ಈ ವಿಚಾರದಲ್ಲಿ ಹೀಗೆ ಮಾಡಿದ್ದು ಸರಿ ಇಲ್ಲ ಎಂದು ಹಲವರು ಕಮೆಂಟ್ ಮಾಡಿದ್ದರೆ.

ಸಂಜನಾ ಬರೆದಿದ್ದ ಸಂದೇಶ ಹೀಗಿತ್ತು!

ಸಂಜನಾ ತಮ್ಮ ಪೋಸ್ಟ್‌ನಲ್ಲಿ ಈ ರೀತಿಯಾಗಿ ಬರೆದುಕೊಂಡಿದ್ದರು. "ಸೌಂದರ್ಯವು ನೋಡುಗರ ದೃಷ್ಟಿಯಲ್ಲಿದೆ. ನಾನು ನನ್ನ ತಲೆ ಕೂದಲನ್ನು ತ್ಯಾಗ ಮಾಡಿದ್ದು, ನಾನು ದೇವರಲ್ಲಿ ಇಟ್ಟ ನಂಬಿಕೆಯನ್ನು ಪೂರ್ಣವಾಗಿ ಮಾಡಲು. ಅನೇಕ ಕಷ್ಟಗಳನ್ನು ದಾಟಿದ ನಂತರ, ಜೀವನವು ಮತ್ತೊಮ್ಮೆ ಸುಂದರವಾಗಿದೆ. ನನ್ನ ಜೀವನದ ಈ ಹಂತಕ್ಕಾಗಿ ನಾನು ದೇವರಿಗೆ ಎಷ್ಟೇ ಧನ್ಯವಾದ ಹೇಳಿದರು ಸಾಲದು. ಇದು ನನ್ನ ಸಾಮಾಜಿಕ ಮಾಧ್ಯಮದ ಕೆಲಸದ ಅನುಮೋದನೆಗಾಗಿ ಅಥವಾ ನನ್ನ ಜೀವನದಲ್ಲಿ ಶೀಘ್ರದಲ್ಲೇ ಬರಲಿರುವ ಮಗುವಿಗಾಗಿ. ಈ ಮೂಲಕ ನಾನು ನನ್ನ ಕೃತಜ್ಞತೆ ಸಲ್ಲಿಸುತ್ತೇನೆ. ಜೈ ಶ್ರೀ ಕೃಷ್ಣ, ಅಹಂ ಬ್ರಹ್ಮಾಷ್ಟಮಿ". ಎಂದು ಟ್ವೀಟ್ ಮಾಡಿದ್ದರು.

ಮೊದಲ ಮಗುವಿನ ನಿರೀಕ್ಷೆಯಲ್ಲಿ ನಟಿ ಸಂಜನಾ!

ನಟಿ ಸಂಜನಾ ಗಲ್ರಾನಿ ಈಗ 8 ತಿಂಗಳ ತುಂಬು ಗರ್ಭಿಣಿ. ಸದ್ಯ ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಸಂಜನಾ ಕಾಯುತ್ತಾ ಇದ್ದಾರೆ. ಬದುಕಿನಲ್ಲಿ ಸಾಕಷ್ಟು ಏಳು ಬೀಳುಗಳನ್ನು ಕಂಡ ಸಂಜನಾ, ಡ್ರಗ್ ಪ್ರಕರಣದ ಬಳಿಕ ಕೌಟುಂಬಿಕ ವಿಚಾರಗಳಲ್ಲಿ ಹೆಚ್ಚು ಸಕ್ರಿಯವಾಗಿದ್ದು, ಸಿನಿಮಾ ಮಾಡುತ್ತಾ ಇಲ್ಲ. ಈಗ ಸಂತಸದಿಂದ ಕುಟುಂಬದ ಜೊತೆಗೆ ಕಾಲ ಕಳೆಯುತ್ತಾ ಇದ್ದಾರೆ. ಇನ್ನು ಒಂದು ತಿಂಗಳಲ್ಲಿ ಸಂಜನಾ ಮಗು ಜನ್ಮ ಪಡೆಯಲಿದೆ. ಆ ಬಳಿಕ ಮತ್ತೆ ಸಂಜನಾ ಚಿತ್ರಗಳಲ್ಲಿ ಅಭಿನಯಿಸುತ್ತಾರಾ ಅಂತ ನೋಡ್ಬೇಕು.