ರೀಮೇಕ್ ಚಿತ್ರ ಪ್ರೇಮ್ ಅಡ್ಡ ಬಿಡುಗಡೆ ಮುಂದಕ್ಕೆ

ಪ್ರೇಮ್ ಅಡ್ಡ

ಹಲವಾರು ಕಾರಣಗಳಿಗೆ ಪ್ರೇಮ್ ಅಡ್ಡ ಚಿತ್ರ ಈ ವರ್ಷ ಸುದ್ದಿ ಮಾಡಿದೆ. ಅದರಲ್ಲಿ ಒಂದು ಶೀರ್ಷಿಕೆ ವಿವಾದ. ಇನ್ನೊಂದು "ಮೇಲುಕೋಟೆ ಹುಡುಗಿ ಒಬ್ಳು ಪಡುವಾರಳ್ಳಿ ಜಾತ್ರೇನಾಗ ಇಣುಕಿ ಇಣುಕಿ ನೋಡುತ್ತಾಳೆ ಏನ್ ಸಿಂಗಾರ.." ಎಂಬ ಹಾಡು.

ಈ ಹಾಡಿನ ಬಗ್ಗೆಯಂತೂ ಮೇಲುಕೋಟೆ ಜನರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದರು. ಬಳಿಕ ಪ್ರೇಮ್ ಈ ಹಾಡನಲ್ಲಿನ ಮೇಲುಕೋಟೆ ಬದಲಾಗಿ ಏಳುಕೋಟೆ ಬಳಸುವುದಾಗಿ ಪ್ರೇಮ್ ಹೇಳಿದ್ದಾರೆ. ಒಮ್ಮೆ ಮೇಲುಕೋಟೆ ಎಂದು ಬರೆಸಿ ಈಗ ಏಳುಕೋಟೆ ಮಾಡಿದರೆ ಚಿತ್ರದುರ್ಗದ ಜನ ಸುಮ್ಮನಿರುತ್ತಾರಾ?

ಮೇಕಾ ಮುರಳಿಕೃಷ್ಣ ನಿರ್ಮಿಸಿರುವ ಈ ಚಿತ್ರ ಡಿಸೆಂಬರ್ 7ರಂದು ತೆರೆಕಾಣುತ್ತಿದೆ. ಸುಮಾರು 200 ಚಿತ್ರಮಂದಿರಗಳಿಗೆ 'ಪ್ರೇಮ್ ಅಡ್ಡ' ಚಿತ್ರ ಲಗ್ಗೆ ಹಾಕುತ್ತಿದೆ. ತಮಿಳಿನ ಯಶಸ್ವಿ ಚಿತ್ರ 'ಸುಬ್ರಹ್ಮಣ್ಯಪುರಂ' ರೀಮೇಕ್ ಚಿತ್ರ ಇದಾಗಿದೆ. ಮೂಲ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ಸಿಕ್ಕುತ್ತು. ರೀಮೇಕ್ ಪ್ರೇಮ್ ಅಡ್ಡ ಚಿತ್ರ ಎ ಸರ್ಟಿಫಿಕೇಟ್ ಪಡೆದಿದೆ.

ಕೃತಿ ಖರಬಂಧ ಚಿತ್ರದ ನಾಯಕಿ. ಕನ್ನಡದ ನೇಟಿವಿಟಿಗೆ ತಕ್ಕಂತೆ ಚಿತ್ರಕಥೆಯಲ್ಲಿ ಅಲ್ಪಸ್ವಲ್ಪ ಬದಲಾವಣೆಗಳನ್ನೂ ಮಾಡಿಕೊಂಡಿದ್ದೇವೆ ಎನ್ನುತ್ತಾರೆ ನಿರ್ದೇಶಕ ಮಹೇಶ್ ಬಾಬು. ಹಾಡುಗಳ ಚಿತ್ರೀಕರಣಕ್ಕೆ ಹೆಚ್ಚು ಸಮಯ ವ್ಯಯಿಸಿದ್ದೇವೆ ಎಂಬುದು ಅವರ ಮತ್ತೊಂದು ಮಾತು. (ಏಜೆನ್ಸೀಸ್)