ಈ ಕಡೆ ಆರ್ ಚಂದ್ರು, ಆ ಕಡೆ ಪ್ರೇಮ್ಸ್: ಬಹುಮುಖ್ಯ ಘೋಷಣೆ ಅಂತಿದ್ದಾರೆ, ಏನಿರಬಹುದು?

ಉಪೇಂದ್ರಗೆ ಯಾರು ಜೊತೆಯಾಗ್ತಿದ್ದಾರೆ?

ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಜನವರಿ 14 ರಂದು ಕಬ್ಜ ಚಿತ್ರದಿಂದ ಸರ್ಪ್ರೈಸ್ ಸುದ್ದಿಯೊಂದು ಇದೆ ಎಂದು ಒಂದು ವಾರದ ಹಿಂದೆಯೇ ಪ್ರಕಟಿಸಿದ್ದರು. ಈಗ ಎರಡು ದಿನಕ್ಕೂ ಮುಂಚಿತವಾಗಿ ಆ ಸರ್ಪ್ರೈಸ್ ಬಗ್ಗೆ ಸುಳಿವು ನೀಡಿದ್ದಾರೆ. ಕಬ್ಜ ಚಿತ್ರದಲ್ಲಿ ಹೊಸ ಕಲಾವಿದನ ಎಂಟ್ರಿಯಾಗುತ್ತಿದೆ. ಉಪ್ಪಿ ಜೊತೆ ಯಾರು ಸೇರಲಿದ್ದಾರೆ ಎನ್ನುವುದನ್ನು ಬಹಿರಂಗಗೊಳಿಸುತ್ತಿದ್ದೇವೆ ಎಂದು ತಿಳಿಸಿದ್ದಾರೆ.

ನಾಯಕಿ ಹೆಸರು ಹೇಳಬಹುದಾ?

ಬಹುಕೋಟಿ ವೆಚ್ಚದಲ್ಲಿ, ಭಾರತದ ಪ್ರಮುಖ ಏಳು ಭಾಷೆಯಲ್ಲಿ ತಯಾರಾಗುತ್ತಿರುವ ಪ್ಯಾನ್ ಇಂಡಿಯಾ ಪ್ರಾಜೆಕ್ಟ್ ಇದಾಗಿದೆ. ಈ ಚಿತ್ರದಲ್ಲಿ ಉಪೇಂದ್ರಗೆ ಯಾರು ಜೋಡಿಯಾಗ್ತಾರೆ ಎಂಬ ಪ್ರಶ್ನೆ ಬಹಳ ಕುತೂಹಲ ಮೂಡಿಸಿದೆ. ಸದ್ಯದ ಬೆಳವಣಿಗೆ ಗಮನಿಸಿದರೆ ಕಬ್ಜ ಚಿತ್ರದ ಹೀರೋಯಿನ್ ಯಾರೆಂದು ಹೇಳಬಹುದು ಎಂಬ ಕಾತುರ ಅಭಿಮಾನಿಗಳಲ್ಲಿ ಕಾಡುತ್ತಿದೆ.

ಕಾಜಲ್ ಅಗರ್‌ವಾಲ್ ಅಂತಿದ್ರು!

ಕಬ್ಜ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಲು ಹಲವು ಸ್ಟಾರ್ ನಟಿಯರ ಬಳಿ ನಿರ್ದೇಶಕ ಚಂದ್ರು ಚರ್ಚಿಸಿದ್ದರು. ಅವರಲ್ಲಿ ಕಾಜಲ್ ಅಗರ್‌ವಾಲ್ ಸಹ ಇದ್ದರು. ಆದ್ರೆ, ಡೇಟ್ ಹೊಂದಾಣಿಕೆಯಾಗದ ಕಾರಣ ಕಾಜಲ್ ನಟಿಸುತ್ತಿಲ್ಲ ಎಂದು ಆಗಲೇ ವರದಿಯಾಗಿತ್ತು. ಈಗ ಬೇರೆ ಯಾವ ನಟಿ ಕಬ್ಜ ಚಿತ್ರ ಸೇರಲಿದ್ದಾರೆ ಎಂಬುವುದು ಕುತೂಹಲ ಮೂಡಿಸಿದೆ. ಬಹುಶಃ ಕಬ್ಜ ಚಿತ್ರಕ್ಕೆ ಹೊಸ ನಾಯಕಿ ಎಂಟ್ರಿಯಾಗುತ್ತಿದ್ದು, ಬಹಿರಂಗಪಡಿಸಬಹುದಾ?

'ಏಕ್ ಲವ್ ಯಾ' ಘೋಷಣೆ ಏನು?

ಮತ್ತೊಂದೆಡೆ ನಿರ್ದೇಶಕ ಪ್ರೇಮ್ ಸಹ 'ಏಕ್ ಲವ್ ಯಾ' ಸಿನಿಮಾ ಕುರಿತಂತೆ ಬಹುಮುಖ್ಯ ಘೋಷಣೆ ಮಾಡಲಿದ್ದಾರೆ. ಜನವರಿ 14 ರಂದು ಏನದು ಸರ್ಪ್ರೈಸ್ ಎಂದು ಹೇಳಲಿದ್ದಾರೆ. ಬಹುಶಃ ರಿಲೀಸ್ ದಿನಾಂಕ, ಟ್ರೈಲರ್ ಅಥವಾ ಟೀಸರ್ ಇರಬಹುದು ಎಂದು ಊಹಿಸುತ್ತಿದ್ದಾರೆ. ಅಥವಾ ಆಡಿಯೋ ಬಿಡುಗಡೆ ಕುರಿತು ಮಾಹಿತಿ ನೀಡಬಹುದು ಎಂದು ಗೆಸ್ ಮಾಡುತ್ತಿದ್ದಾರೆ. ಅದೇನು ಎಂದು ಇನ್ನೆರಡು ದಿನದಲ್ಲಿ ತಿಳಿಯಲಿದೆ.